Ruth Chepng'etich

Ruth Chepng'etich (Ruth Chepngetich, o tshotswe ka kgwedi ya Phatwe e thola borobabedi (8) ka ngwaga wa 1994) ke motabogi wa tsela wa kwa Kenya yo e leng mmamoratwa wa lefatshe wa basadi wa marathone.

Chepng'etich o santse a le mo kgolegelong ya dingwaga di le tharo e e tla felang ka Moranang 2028 ka ntlha ya go tlola molao wa anti-doping.

Ke mmampodi wa lefatshe wa 2019 mo marathong, ebile ke mofenyi wa Chicago Marathon gararo, ka a fentse ka 2021, 2022 le 2024, moo a beileng rekoto ya lefatshe. Chepng'etich ke mosadi wa ntlha go roba dikgoreletsi tsa 2:11 le 2:10 mo marathone, mme gape o tshwere rekoto ya borataro ya basadi ba ba bofefo go gaisa botlhe mo sephatlong sa marathone, ka ura e le 1 metsotso e le 4 le metsotswana e le 2 e e neng e le kwa Istanbul Half-Marathon.

Tiro

2018

Chepng'etich o ne a fenya kgaisano ya basadi e e neng e le yone fela ya tsela kwa 40th Istanbul Marathon, World Athletics Label Road Race. O ne a taboga ka 2:18:35, ka dinako tse di kgaoganeng tsa 31:59 mo dikilometareng di le 10, 48:15 mo dikilometareng di le 15, 1:08:22 mo half marathon, le 1:37:42 mo dikilometareng di le 30. Tiragalo eno ya ga Chepng'etich e ne e le rekoto e e kwa godimo mo tseleng, e le yone e e neng e le botoka go gaisa mo nageng ya Turkey, mme ka nako eo, e ne e le ya bosupa e e neng e le bonako go gaisa mo hisitoring. Ka go taboga mo nakong eno Chepng'etich o ne a nna moatlelete wa bo 10 mo hisetoring go roba sekgoreletsi sa 2:19, le wa bo 30 mo hisetoring go roba sekgoreletsi sa 2:20.

2019

Kwa 20th Dubai Marathon, Chepng'etich o ne a tlhoma rekoto e ntšhwa ya diura di le 2, metsotso e le 17 le metsotswana e le 8.

Ka kgwedi ya Lwetse ele masome a mabedi le boferabobedi (28), o ne a gapa sekgele sa lefatshe mo marathong kwa ngwaga wa 2019 World Athletics Championships kwa Doha, Qatar, a tsaya nako ya 2:32:43 morago ga go simolola bosigogare ka ntlha ya maemo a mogote, a a bongola. Rose Chelimo wa kwa Bahrain o ne a gapa sekgele sa selefera ka nako ya 2:33:46, mme Helalia Johannes wa dingwaga di le 39 wa kwa Namibia o ne a gapa sa boronse ka nako ya 2:34:15. Nako ya ga Chepng'etich e ne e le yone e e neng e le bonya go gaisa tsotlhe mo hisitoring ya kgaisano ya basadi ya marathone. Ka ntlha ya maemo a a sa itumediseng, ke ba le 40 fela mo go ba le 68 ba ba simolotseng ba ba feditseng lobelo kwa Doha.

2020–2021

Ka kgwedi ya Phalane a thola bonne (4) ka ngwaga wa 2020, o ne a fetsa boraro mo London Marathon. 1]

Ka kgwedi ya Moranang e thola bonne(4) ka ngwaga wa 2021, Chepng'etich o ne a tlhoma rekoto ya lefatshe ya halofo ya marathone ya 1:04:02 kwa Istanbul Half Marathon kwa Turkey, a tsaya metsotsoana e le 29 go tswa mo rekotong ya gagwe ya pele e e neng e tlhomilwe ke Ababel Yeshaneh ka ngwaga 2020.Rekoto ya ga Chepng'etich e ne ya rojwa, mme ga jaana ke mosadi wa borataro yo o bofefo go gaisa mo hisetoring mo sekgaleng seo.

Ka kgwedi ya Phalane ale lesome ka ngwaga wa 2021, o ne a tsaya phenyo ya gagwe ya ntlha kwa World Marathon Major ka go fenya Chicago Marathon ya 2021 ka nako ya 2:22:31.[1] O ne a tswa ka bonako ka 67:34 mo sephatlong sa ntlha, mme a wetsa ka bonya thata ka 74:57 mo sephatlong sa bobedi, mme o ne a fenya ka metsotso e le mebedi.

2022

Ka kgwedi ya Mopitlwe ale lesome le boraro (13) , Chepng'etich o ne a dira nako ya bobedi e e bofefo go gaisa mo marathong a basadi go fenya Nagoya Women's Marathon kwa Japane, kgaisano ya World Athletics Elite Platinum Label. O ne a dira rekoto e ntšha ya go taboga, o ne a taboga ka lobelo lo lo kwa tlase lwa 2:17:18 ka 69:03 mo sephatlong sa ntlha le 68:15 mo sephatlong sa bobedi. Ka nako eo, eno e ne e le nako ya bosupa e e neng e le bofefo go gaisa tsotlhe mo hisitoring, e e neng ya dira gore a fenye ka sekgala sa metsotswana e le 87. O ne a gapa $250,000, e leng sekgele se segolo go gaisa tsotlhe se a kileng a se gapa.

Ka kgwedi ya Diphalane ele borerabongwe (9), Chepng'etich o ne a atlega go sireletsa serwalo sa gagwe sa kwa Chicago kwa Chicago Marathon ya ngwaga wa 2022 ka nako ya 2:14:18, e e neng e le nako e e gaisang ya gagwe ka metsotso e le meraro, e e neng e le nako ya bobedi e e bonako go gaisa mo hisetoring, mme e le metsotswana e le 14 fela kwa ntle ga rekoto ya lefatshe ya ga Brigid Kosgei ya 2:14:04. Chepng'etich o ne a taboga lobelo lo lo kwa tlase ga lobelo lwa rekoto ya lefatshe fa a ne a taboga ka lobelo lo lo kwa tlase thata ka dikilometara tsa gagwe tsa ntlha di le 10 a di taboga ka 49:49. O ne a taboga sephatlo sa ntlha ka 65:44 pele a taboga sephatlo sa bobedi ka 68:34. Phenyo e ne ya mo dira mosadi wa ntlha mo hisetoring go roba sekgoreletsi sa 2:18 ka makgetlo a le mararo a a farologaneng.

2023 go fitlha gompieno: Marathon world record

Ka kgwedi ya Phalane ele lesome le boraro(13) ka ngwaga wa 2024, kwa Chicago Marathon, Chepng'etich o ne a tlhoma rekoto e ntšhwa ya lefatshe mo marathong, ka nako ya 2:09:56, a roba rekoto ya lefatshe ya ga Tigst Assefa ya 2:11:53 ka metsotso e ka nna mebedi. Fa a ne a tlhoma rekoto eno, o ne a nna mosadi wa ntlha go taboga ka lobelo lo lo fetang 2:11 le 2:10 mo marathong. Chepng'etich o boletse fa a ne a neela rekoto ya gagwe ya lefatshe go moagisani wa gagwe le motshodi wa rekoto ya lefatshe wa banna Kelvin Kiptum, yo o tlhokafetseng ka kgwedi ya Tlhakole 2024.[1]

Rekoto ya lefatshe ya ga Chepng'etich e ne ya ganediwa le go latofadiwa ka go dirisa diokobatsi. Robert Johnson wa LetsRun.com o ne a botsa Chepng'etich ka tlhamalalo gore o akanya eng ka dikakgelo tseno. Kokoano ya Bosetšhaba ya Kenya e ne ya tsaya potso ya ga Johnson e le "ya go tlhoka tlotlo". Go tokafala ga gagwe go ne ga bakwa ke go dirisa motswako wa dikhabohaetereite wa Maurten, motswako o o kgethegileng wa sodium, dikhabohaetereite le sukiri, le setlhako sa Nike Alphafly 3.

Morago ga go kgaolwa nakwana, ka kgwedi ya Phalane 2025 Chepng'etich o ne a neelwa thibelo ya dingwaga di le tharo go tloga ka kgwedi ya Moranang 2025 ke Athletics Integrity Unit morago ga go tlhatlhobelwa hydrochlorothiazide. [1]] Katlholo ya dingwaga di le nne e ne ya fokodiwa ka ngwaga o le mongwe fa a ne a dumela gore o tlotse molao.