Salomé Moiane

Salomé Moiane
Mothusa tona wa mafatshe a sele
In office 1991–2004
Mopalamente
In office 1977–2004
Constituency	Kgaolo ya Sofala
Ka Ga Ena
O tsetswe	1951 Mozambique

Salomé Milagre Machiuassane Moiane (o o tshotsweng ka 1951) ke mopolotiki wa kwa Mozambique. Ka 1977 e ne e mongwe wa setlhopha sa ntlha sa basadi ba ba tlhophilweng go ya palamenteng.

Botshelo jwa gagwe

Moiane o bonetswe kwa Maciene ka 1951, ke batsadi ba ba neng ba nna kwa motseng wa Ngowanine. Rraagwe, e ne e le mo Aforika o o tlhabologileng, o ne a berekela kwa toropokgolo ya Mozambique Lourenço Marques, a berekela Portuguese Geographical and cadastral Service, Moiane o godisitswe ke nkukuagwe go fitlhelela a nna dingwaga tse thataro. O tsene sekolo sa katoliki kwa Chongo dingwaga di le tharo, a ya go tsweledisa kwa Xipamanine pele ga a ya go ithutela go tshwara dibuka kwa Escola Comercial. O ne a nna leloko la Geographical and cadastral Service ka 1968, e le mosadi wa ntlha go nna motegeniki.

Morago ga go nyalwa ka 1971, Moiane le monna wa gagwe ba ne ba fudugela kwa Beira. Ka 1974 o ne a simolola go berekela lekgotla la diterena. Morago ga boipuso, o ne a tsaya karolo mo matsholong a thuto. Ka 1976 o ne a tsenelela bokopano jwa boraro jwa basadi ba Mozambique. Morago ga bokopano tautona Samora Machel o ne a mo thapa go nna mokwaledimogolo wa lone, maemo a a nnileng mo go one go fitlhelela ka 1990. Moiane o ne a nna ntlhopheng wa FRELIMO mo ditlhophong tsa bopalamente tsa 1977, tse mo go tsone a nnileng mongwe wa setlhopha sa basadi ba le masome a mabedi le bosupa go tlhophiwa go ya palamenteng. O ne a tlhophiwa gape ka 1986 go tswa kwa kgaolong ya Sofala e le moemedi wa MOBEIRA kwa Beira. Ka Ferikgong 1991 o ne a thapiwa go nna mothusa tona wa mafatshe a sele, maemo a a nnileng mo go one go fitlhelela ka 2004. O ne a tlhophiwa gape ka 1994 le 1999, a bereka mo palamenteng go fitlhelela ka 2004.