Sankie Mthembi-Mahanyele

Sankie Mthembi-Mahanyele
Mothusa mokwaledi wa African National Congress
In office Morule 2002 – Morule 2007
President	Thabo Mbeki
Pele Ga Gagwe	Thenjiwe Mtintso
Morago Ga Gagwe	Thandi Modise
Tona wa matlo
In office 1995–2003
President	Nelson Mandela Thabo Mbeki
Pele Ga Gagwe	Joe Slovo
Morago Ga Gagwe	Bridgitte Mabandla
Ka Ga Ena
O tsetswe	Sankie Dolly Mthembi Mopitlo a le masome mabedi le boraro ngwaga wa 1951 Sophiatown Johannesburg Transvaal Union of South Africa
Mokgatlho	African National Congress
Mo/Bakapelo	Winston Nkondo Mohale Mahanyele
Bana	Nare

Sankie Dolly Mthembi-Mahanyele ( o a neng a fana ka Mthembi pele; o o tshotsweng ka Mopitlo a le masome mabedi le boraro ngwaga wa 1951) o pele a neng a itsege ka leina la Sankie Mthembi-Nkondo kgotsa Sankie Nkondo, ke mopolotiki, moemedi le molweladitshwanelo o o kgatlhanong le puso ya tlhaolele. E ne e le tona wa matlo go tswa ka 1995 go tsena 2003, o berekile gape e le mothusa mokwaledi-mogolo wa African National Congress (ANC) go tswa ka 2002 go tsena 2007.

Botshelo jwa a le mmotlana le go lwela ditshwanelo

Mthembi-Mahanyele o tshotswe ka Mopitlo a le masome mabedi le boraro kwa Sophiatown kwa Johannesburg, ngwaga wa 1951. O alogile mo dithutong tsa matric kwa Sekane-Ntoane High School kwa Soweto ka 1970 a ya go tsena sekolo se segolwane se se tlwaelesegileng ka diphuduego tsa polotiki sa University of the North, a aloga ka bachelor's degree ka 1976.

Morago ga go aloga, Mthembi-Mahanyele o ne a tshabela kwa ntle le African National Congress (ANC), e e neng e thibeletse kwa Lusaka,Zambia. E ne e le mmegadikgang wa Radio Freedom a bereka ka fa tlase ga ga Thabo Mbeki mo lephateng la dikgang tsa mafatshe a sele la ANC. Ka nako e (le morago), o ne a kwala buka ka leina la sephiri la Rebecca Matlou.

Tiro ya gagwe fa e sale ka puso ya tlhaolele

Puso

Morago ga phelelo ya puso ya tlhaolele ka 1994, o ne a tlhomiwa mothusa tona wa pabalesego mo pusong ya Aforika Borwa, ka fa tlase ga tautona Nelson Mandela. O ne a emela ditlhopho tsa mothusa mokwaledi mogolo wa ANC kwa bokopanong jwa masome mane le borobabongwe ka Morule 1994, mme le ntswa go ne go dumelwa fa a ne a na le kemo nokeng ya ga Mandela,Mbeki le Jacob Zuma, o ne a latlhegelwa ke ntlhopheng wa lekalana le le mo molemeng Cheryl Carolus.

Morago ga loso lwa ga Joe Slovo, o ne a nna tona wa matlo go tswa ka 1995 go tsena 2003, a bereka ka fa tlase ga ga Mandela le motlhatlhami wa gagwe Mbeki. Ka 1999, o ne a sekisa pampiri ya dikgang ya Mail & Guardian a e sekisetsa go mo senya leina,    mabapi le magatwe a pampiri eo ka Morule 1998 a gore Mthembi-Mahanyele o neetse tsala ya gagwe konteraka ; kgotlatshekelo ya ikuelo e ne ya dumalana le ya Johannesburg gore pego e o ga se tshenyo leina. Ka 2003, o ne a fenya seetsele go tswa kwa United Nations Habitat ka tiro ya gagwe ya maemo a matlo.

Pereko ya morago

Go ithola marapo ga ga Mthembi-Mahanyele mo palamenteng go ne ga sala morago ga go tlhophiwa ga gagwe jaaka mokwaledi mogolo wa ANC kwa bokopanong jwa masome matlhano le motso ka Morule 2002. O nnile mo maemong ao go fitlhelela ka bokopano jwa masome matlhano le bobedi ka Morule 2007, fa a ne a sa emela ditlhopho. Mo dingwageng tse di fa moragonyana, o ne a bereka e le modulasetilo wa letlole la kgothetso la Aforika Borwa go tswa ka Tlhakole 2012 go fitlhelela a ithola marapo ka 2015. E ne e le moemedi wa Aforika Borwa kwa Switzerland go tswa ka 2018 go tsena 2022, fa a tlhomiwa moemedi kwa Spain.

Botshelo jwa gagwe

Fa a tshabile, Mthembo-Mahanyele o ne a nyalwa ke Zinjiva Winston Nkondo, a itsewe ka leina la Sankie Mthembi-Nkondo. Nkondo o ne gape e le molweladitshwanelo wa ANC le mokwadi (a dirisa leina la sephiri la Victor Matlou); ba ne ba kgaogana. Ka 1996, Mthembi-Mahanyele o ne a nyalwa ke Mohale Mahanyele (o o tshotsweng ma 1939 a tlhokafala ka 2012) e le mogwebi. Ba ne ba na le ngwana wa mosetsana a le nosi, o o bidiwang Nare.