Sarah Paulse

Sarah Paulse
Mopalamente wa Aforika Borwa
In office Lwetse a le lesome ngwaga wa 2010 – Motsheganong a le malatsi a marataro ngwaga wa 2014
Pele Ga Gagwe	Patricia de Lille
Mopalamente wa kgaolo ya Kapa Bophirima
In office Moranang 2004 – Lwetse 2010
Ka Ga Ena
Mosetshaba wa	mo Aforika Borwa
Mokgatlho	Independent Democrats (go fitlhelela e phatlaladiwa)
Mo/Bakapelo	Desmond
Botsalano	Patricia de Lille (monnawe)
Tiro	mopolotiki

Sarah Unes Paulse ke mopolotiki wa kwa Aforika Borwa o o berekileng mo palamenteng ya Kapa Bophirima go tswa ka 2004 go tsena 2010 le kwa palamenteng ya Aforika Borwa go tswa ka 2010 go tsena 2014 e le leloko la Independent Democrats. Ke kgaitsadie Patricia de Lille, moeteledipele wa gompieno wa phathi ya Good le moeteledipele wa pele wa Independent Democrats.

Tiro ya sepolotiki

Paulse e ne e le leloko la Independent Democrats, phathi ya sepolotiki e jaanong e phatlaladitsweng e e neng e eteletswe pele ke Patricia de Lille o e leng mogolowe. E ne e le modulasetilo wa lekalana la phathi eo la Boland. Le ntswa a ne a le mo maemong a borobabongwe mo lenaaneng la bo ntlhopheng ba kgaolo ya Kapa Bophirima mo ditlhophong tsa 2004, Paulse o ne a tlhophiwa go tsaya mangw a manno a mararo a phathi eo e neng e a iponetse mo palamenteng ya kgaolo. De Lille o ne a lebisiwa molato wa go thapa losika, selo se a neng a se ganetsa. De Lille o ne a fa mabaka a gore Paulse o tlhophilwe go nna mo mannong ao ka gore o sale a nna leloko la phathi eo pele ga e tlhamiwa le gore phathi eo e ela tlhoko bong, phathi eo e ne e na le molao wa gore makgotla a yone a le masome mararo mo lekgolong a tshwanetse go emelwa ke basadi.

Ka nako ya ditlhopho tsa 2009, phathi e ne ya tsaya tshwetso ya go romela Paulse kwa palamenteng ya kgaolo gape mo boemong jwa ga Brett Herron, o a neng a le kwa godimo ga gagwe mo maemong a bo ntlhopheng, ebile e tlhagelela mo lenaaneng la IEC la palamente ya kgaol. Mokwaledi -mogolo wa ID Haniff Hoosen o ne a buelela tshwetso ya phathi are ke go netefatsa kemedi.

Ka Lwetse 2010, Paulse o ne a thapiwa go nna moeteledipele wa ID le go tsaya manno a ga mogolowe kwa palamenteng, morago ga gore mogolowe a thapiwa e le tona wa kgaolo ke moeteledipele wa kapa Bophirima le moeteledipele wa Democratic Alliance Helen Zille; selo se se diragtese morago ga ID le DA di itsise fa di kopana ngwaga o o o simologa, fa ID e tlaa phatlaladiwa kwa ditlhophong tsa 2014.

Paulse e ne e se ntlhopheng wa bopalamente wa DA kwa ditlhophong tsa 2014, ka jalo o ne a tlogela palamente.

Botshelo jwa gagwe

Pele ga ditlhopho tsa mmasepala tsa 2011, tse mo go tsone De Lille e neng e le ntlhopheng wa DA wa mmatoropo wa Kapa, ANC e ne ya lebisa De Lille molato wa go thapa ka losika; phathi e ne ya re monna wa ga Paulse, ebong Desmond, e ne e le mokgweetsi wa ga De Lille dingwaga di le dintsi le gore De Lille o ne a netefatsa gore ngwana wa gagwe wa mosimane Shaun, o bona mmereko kwa mmasepaleng wa Witzenberg pele ga a thapiwa kwa mmasepaleng wa Stellenbosch. De Lille o ne a ganetsa magatwe a.