Jump to content

Setlhopha sa bomme sa Double Action F.C

Go tswa ko Wikipedia

Double Action Ladies F.C. ke setlhopha sa kgwele ya dinao sa bomme se se kwa Gaborone, Botswana. Setlhopha se se gaisana mo dikgaisanyong tsa bomme tsa Botswana, e leng liki ya kgwele ya dinao ya bomme ya maemo a a kwa godimo mo Botswana.

Setlhopha se se tlhomilwe ka ngwaga wa 1995, se ne sa felela e le sa bobedi mo dikgaisanong tsa bomme tsa Botswana pele ga se fenya dikgatiso tse tharo tse di latelang. Fa dikgaisano tsa Bommampodi tsa Basadi ba Botswana di simolola gape ka 2005, setlhopha seno se ne sa gapa dikgele di le robongwe ka go latelana pele ga se neela Township Rollers serwalatlhogo sa sone ka 2015.[1]

Liki ya Ditshimega tsa Basadi ya COSAFA ya 2021

[fetola | Fetola Motswedi]

Ka 2021, setlhopha seno se ne sa emela Botswana mo kgatisong ya ntlha ya Liki ya Ditshimega ya Basadi ya COSAFA, mme sa emisetsa Prisons XI morago ga gore ba ikgogele morago ka ntlha ya mabaka a madi.[2] Ba fentse motshameko wa bone wa ntlha kwa Liking ya Basadi ya COSAFA ya 2021 ka dino di le 3-0 kgatlhanong le Manzini Warriors go tswa kwa Eswatini.[3] Mo motshamekong wa bone wa bobedi, ba ne ba fenngwa ke setlhopha sa Mamelodi Sundowns Ladies go tswa kwa Aferika Borwa ka dino di le thataro go lefela. Ba feditse setlhopha sa B e le ba bobedi morago ga go fenya 6-0 kgatlhanong le Lesotho Defence Force Ladies go tswa kwa Lesotho.[4]Setlhopha se ne sa fitlha kwa makgaolakgannyeng a kgaisano ya dikgaolo.[5] Ba latlhegetswe ke Dikgosigadi tsa Ditshukudu Tse di Ntsho ka 2-0 go tswa kwa Zimbabwe.[6]

Dikgaisano tsa Bommampodi ba Botswana tsa 2022

[fetola | Fetola Motswedi]

Mo setlheng se se latelang, fa bommampodi bo simolola gape morago ga dingwaga di le mmalwa tsa go kgaotsa, Double Action e ne ya bona sekgele sa bone sa bolesometharo ka go fenya Mexican Girls ka 4-2 mo makgaolakgannyeng.[7]

Liki ya Ditshimega tsa Basadi ya COSAFA ya 2022
[fetola | Fetola Motswedi]

Ba butse Liki ya bona ya Ditshimega ya Basadi ya COSAFA ya 2022 ka go tshwana ka 1-1 le Mamelodi Sundowns Ladies go tswa kwa Aforika Borwa. Ba fentse motshameko wa bone wa bobedi ka 2-0 kgatlhanong le CD Costa do Sol go tswa kwa Mozambique. Ba ne ba lekalekanya setlhopha sa A ka dintlha di le 4 mme pharologano ya dino e ne e raya gore ba tla gaisana mo motshamekong wa mmentlele wa boronse. Ba ne ba fetsa mo maemong a boraro ka kakaretso morago ga go fenya 3-0 kgatlhanong le Olympic de Moroni go tswa kwa Comoros. Setlhopha seno gape se ne sa tsamaya ka awate ya fair play.[8]

Dikgaisano tsa Bommampodi ba Botswana tsa 2023
[fetola | Fetola Motswedi]

Ba fentse bommampodi ba 2023 ka phenyo ya Gaborone United Ladies ka 1-0.[9]

Liki ya Ditshimega tsa Basadi ya COSAFA ya 2023
[fetola | Fetola Motswedi]

Ba simolotse Liki ya Ditshimega tsa Basadi ya COSAFA ya 2023 ka go tshwana ka 1-1 le Green Buffaloes go tswa kwa Zambia.[10]Ba fentse motshameko wa bone wa bobedi kgatlhanong le Bomme ba Sesole sa Tshireletso sa Lesotho go tswa kwa Lesotho ka 1-0.[11]Ba ne ba tswelela kwa setlhopheng sa A se se kwa godimo morago ga phenyo ya Ntopwa ka 4-0 go tswa kwa Malawi.[12] Ba fentse makgaolakgang a bona ka 2-0 kgatlhanong le CD Costa do Sol go tswa kwa Mozambique.[13] Ba latlhegetswe ke Mamelodi Sundowns Ladies go tswa kwa Aforika Borwa ka dino di le 2-0 mo makgaolakgannyeng.[14]Ba fentse sekgele sa fair play ngwaga wa bobedi ka tatelano.[15]

  1. ↑ "Botswana - List of Women Champions". www.rsssf.com. Retrieved 27 June 2022.
  2. ↑ "Double Action ready to surprise and book ticket for Egypt". Retrieved 2022-06-27
  3. ↑ Keagakwa, City (1 September 2021). "Double Action pursues regional glory". The Midweek Sun. Retrieved 20 August 2024.
  4. ↑ "ENG, FRE, POR: Double Action join Sundowns in Champions League Qualifiers semifinals". 2021-08-30. Retrieved 2024-08-20.
  5. ↑ "successful-debut-for-double-action-sundowns-and-black-rhinos". successful-debut-for-double-action-sundowns-and-black-rhinos. Retrieved 2024-08-20.
  6. ↑ Boranabi, Kabelo (2021-09-04). "Double Action bow out". Mmegi Online. Retrieved 2024-08-20.
  7. ↑ "Double Action ladies club bag coveted DTC championships prize | Sunday Standard". 2022-06-16. Retrieved 27 June 2022.
  8. ↑ "EN, FR, PR: Green Buffaloes stun Mamelodi Sundowns to win regional title". 2022-08-13. Retrieved 2024-08-20.
  9. ↑ Boranabi, Kabelo (2023-07-11). "Double delight!". Mmegi Online. Retrieved 2024-08-20.
  10. ↑ "GBWFC held by Double Action in COSAFA Qualifiers opener - ZamFoot". zambianfootball.co.zm. 2023-08-30. Retrieved 2024-08-20.
  11. ↑ "EN, FR, PR: Green Buffaloes, Double Action record wins on day three in Durban". 2023-09-01. Retrieved 2024-08-20
  12. ↑ "EN, FR, PR: Semifinal line-up complete at Champions League Qualifiers". 2023-09-04. Retrieved 2024-08-20.
  13. ↑ Shozi, Asanda (2023-09-07). "Sundowns Ladies and Double Action to Battle for CAFCL COSAFA Qualifiers 2023 Title". gsport4girls. Retrieved 2024-08-20.
  14. ↑ Raophala, Mauwane (2023-09-08). "Sundowns beat Double Action to qualify for CAF Champions League". FARPost. Retrieved 2024-08-20
  15. ↑ "EN, FR, PR: Mamelodi Sundowns qualify for CAF Women's Champions League finals". 2023-09-08. Retrieved 2024-08-20
Retrieved from "https://tn.wikipedia.org/w/index.php?title=Setlhopha_sa_bomme_sa_Double_Action_F.C&oldid=43527"