Sharne Mayers

Sharne Mary Mayers (yo o tshotsweng ka Phukwi a le lesome le boferabongwe ka1992) ke motshameki wa kirikete wa kwa Zimbabwe yo o tshamekang mo setlhopheng sa bosetshaba sa kirikete sa basadi sa kwa Zimbabwe.

Mayers o ne a bidiwa mo setlhopheng sa Zimbabwe sa 2008 Women's Cricket World Cup Qualifier kwa Afrika Borwa. O ne a nna mokapoteni wa setlhopha sa bosetshaba sa kirikete sa basadi sa kwa Zimbabwe mo kgaisanong ya 2017 Women's Cricket World Cup Qualifier ka Tlhakole wa 2017. O tshamekile motshameko wa gagwe wa ntlha wa boditshabatshaba wa Basadi wa Twenty20 (WT20I) wa Zimbabwe kgatlhanong le basadi ba Namibia ka Firikgong wa 2019. Ka Phukwi wa 2019, e ne e le mongwe wa basadi ba le bane ba ba neng ba thibetswe ke International Cricket Council (ICC) go tshameka mo setlhopheng sa Global Development Squad,se se neng se tshwanetse go ya tshameka kgatlhanong le ditlhopha tsa Women's Cricket Super League, morago ga gore ICC e emise tshameko ya Zimbabwe Cricket pelenyana mo kgweding.

Ka kgwedi ya Ngwanatsele 2021, o ne a bidiwa mo setlhopheng sa Zimbabwe sa Women's One Day International (WODI) go tshameka kgaisano kgatlhanong le Bangladesh. O ne a tshameka la ntlha kwa WODI ka Ngwanatsele a le lesome le boraro ka 2021, a tshamekela Zimbabwe kgatlhanong le Bangladesh. Moragonyana mo go yone kgwedi eo, o ne a bidiwa mo setlhopheng sa Zimbabwe sa kgaisano ya 2021 Women's Cricket World Cup Qualifier kwa Zimbabwe.