Sir Seretse Khama International Airport

Sir Seretse Khama International Airport (IATA:GBE,ICAO:FBSK), e e dikhilomithara di le lesome le botlhano kwa bokone jwa Gaborone, ke maemelo magolo a difofane kwa toropokgolo ya Botswana. Maemelo a a difofane a biditswe jaaka tautona wa ntlha wa lefatshe la Botswana Sir Seretse Khama. E butswe ka ngwaga wa 1984 go emela pharakano mo kgaolong le mo ditshabatshabeng. E na le motsamao wa bapagami o o kwa godimo mo lefatsheng la Botswana. Ka ngwaga wa 2017, maemelo a a ne a fiwa e le lantlha molao wa go laola kgwebo e ka mo go faphegileng go le pharologanyo mo mafatsheng a mangwe, e ee tla nnang le maphata a a latelang: CAAB, Botswana Innovation Hub, ITPA le diamond hub mo lekalaneng la diteemane.

Ditso

Maemelo a difofane a butswe lantlha ka ngwaga wa sekete makgolo a robabongwe masome a robabaobedi le bone, a reelelwa ka Seretse Khama, tautona wa ntlha wa lefatshe la Botswana, o o eteletseng lefatshe pele go bona boipuso ka ngwaga wa sekete, makgolo a robabongwe masome a maratato le borataro.

Sefofane sa British Airways se ne sa simolola go fofela kwa maemelong a o a difofane ka ngwaga wa sekete, makgolo a robabongwe masome a robabobedi le bosupa go tswa kwa Lontone Heathrow go feta ka Johannesburg, mme tsela e ne ya emisiwa ka Moranang ngwaga wa sekete, makgolo a robabaongwe masome a robabongwe le borobabongwe.

Ka ngwaga wa dikete pedi le borobabobedi, maemelo a ne a simolola go atologa mo go golo. Maemelo a magologolo a ne a tsenya batho ba le makgolo a mabedi masome a mabedi le botlhano ka nako e le nngwe. Selekanyo sa maemelo se ne sa oketsega go tswa mo dimithareng di le dikete tharo, lekgolo le masome a mane go nna dikete di le lesome le bosupa. Mafaratlhatlha a a tsenyang dithoto le go tlhola se se mo bekeng a ne a tsenngwa. Tsela e sefofane se tabogang mo go yone e ne ya ntshafadiwa, ga agiwa tsela ya dimithara di le dikete di le nne.

Difofane le mesepele

Difofane	Mesepele
Air Botswana	Cape Town, Durban, Francistown, Harare,Johannesburg-O.R. Tambo,Kasane, Lusaka, Maun, Windhoek-Hosea Kutako
Airlink	Cape-Town, Johannesburg-O.R. Tambo
Ethiopian Airlines	Addis Ababa
South African Airways	Johannesburg-O.R Tambo

Ditiragalo le dikotsi

Ka ngwaga wa 1999, Phalane a le malatsi a a lesome le motso, mokgweesi wa difofane, Captain Chris Phatswe, o ne a kweetsa sefofane sa Aerospatiale ATR 42 Aircraft A2-ABB kwa ntle ga teseletso mo mosong. Fa a setse a le mo phefong a kopa ka segowagowe go bua le tautona, moeteledipele wa Air Botswana, Ramapodisi, seteishene sa mapodisi sa central le mokapelo wa gagwe. Ka tautona a ne a le kwa ntle ga lefatshe, o ne a letlelelwa go bua le mothusa tautona. Le ntswa ba ne ba lekile gantsi go mo kgotsofatsa gore a boele tlase ka sefofane go tlhatlhanggwe ka matshwenyego a gagwe, o ne a tlhalosa gore o ya go thudisanya sefofane se a se pagameng le se sengwe kwa maemelong a tson. Morago ga go fofa di oura di le pedi, o ne a dikologa gabedi mme a thula difofane tsa ATR 42 di le pedi kwa maemelong. O ne tlhokafala mme ga seka ga tlhokafala ope gape kwa ntle ga gagwe.

Metswedi ya dikgang tsa Air Botswana ya re mokgweetsi o ne a sa letlelelwe go kgweetsa difofane ka nako e o ka mabaka a botsogo, o ne a gana go busediwa go fitlhelela ka ngwaga wa 2000 kgwedi ya Tlhakole. Ditsamaiso tsa Air Botswana di ne tsa amega ka e ne e na le sefofane se le sngwe se se setseng ka nakwana sa BAe 146 se se neng se sa bereka ka ntata ya mathata a maranyane.

Dipalopalo

Pego ya madi	Palo ya bapagami	Ref
2014/15	740 733
2015/16	727 912

Lephata la difofane la sesole sa Botswana

Lephata la difofane la sesole sa Botswana (Botswana Defence Force Air Wing) sa batlotlegi le kwa maemelong a a difofane.

Dipadi tse dingwe

• Tshedimosetso ka maemelo a difofane a Sir Seretse Khama International Airport kwa Great Circle Mapper
• Ditso tsa dikotsi tsa difofane tsa Sir Seretse Khama International Airport kwa Aviation Safety Network