Sisi Ntombela

Motlotlegi Sisi Ntombela
Ntombela ka 2022
Moeteledipele wa borataro wa Free State
In office Mopitlo a le masome mabedi le bosupa ngwaga wa 2018 – Tlhakole a le masome mabedi le motso ngwaga wa 2023
Pele Ga Gagwe	Ace Magashule
Morago Ga Gagwe	Mxolisi Dukwana
Leloko la khansele ya Free State ya tirisanommogo, ngwao le bonno
In office Phalane a le malatsi a mararo ngwaga wa 2016 – Mopitlo a le masome mabedi le bosupa ngwaga wa 2018
Premier	Ace Magashule
Pele Ga Gagwe	Olly Mlamleli
Morago Ga Gagwe	Oupa Khoabane
Leloko la khansele ya ditlhabolo ya Free State
In office Motsheganong a le lesome le motso ngwaga wa 2009 – Phalane a le malatsi a mararo ngwaga wa 2016
Premier	Ace Magashule
Pele Ga Gagwe	Mantsheng Tsopo
Morago Ga Gagwe	Limakatso Mahasa
Leloko la palamente ya kgaolo ya Free State
In office 2004 – Tllhakole a le masome mabedi le motso ngwaga wa 2023
Ka Ga Ena
O tsetswe	Moranang a le lesome le borataro ngwaga wa 1957 Tweeling Free State Aforika Borwa
Mokgatlho	African National Congress
Mo/Bakapelo	Madala Ntombela
Tiro	Mopolotiki

Sefora Hixsonia "Sisi" Ntombela (o o tshotsweng ka Moranang a le lesome le borataro ngwaga wa 1957) ke mopolotiki wa kwa Aforika Borwa o e neng e le moeteledipele wa boratari wa Free State le leloko la palamente ya Free State la African National Congress (ANC). O berekile pele e le tona wa tirisanommogo le tsa ngwao le bonno le e le tona wa ditlhabololo. Ntombela gape e ne e le mothusa tona wa lekgotla la bomme la African National Congress, le motshwara madi wa ANC kwa Free State.

Botshelo jwa a le mmotlana le pereko

E le mongwe wa bana ba le barataro, Sefora Hixsonia Ntombela o tsholetswe kwa toropo potlaneng ya temothuto ya Tweeling kwa Free State. O ne a fiwa leina la Sisi a santse a le mmotlana. O tsene sekolo sa Tweeling, a aloga kwa Kganyeng Secondarg School. O ne a ya go tsweledisa dithuto kwa Bonamelo Training College a boela kwa Tweeling e le morutabana.

Ka ntlha ya puso ya tlhaolele le seemo sa polotiki se se neng se sa iketla ka nako eo, o ne a ruta baithuti ba gagwe ka bokukuntshwane ka ga Nelson Mandela.Mongwe wa baithuti ba e ne e le ngwana wa mogokgo wa sekolo seo, o a neng a bolela ka dithuto tse tsa sephiri. O ne a tlogela tiro ya go ruta ka ntlha ya kgang eo.

Tiro mo go tsa sepolotiki

Ntombela o bereketse lephata la botsogo e le morulaganyi wa tsa lolwapa le mogakolodi wa banana.

Morago, Ntombela o ne a nna leloko la African National Congress a tlhophiwa modulasetilo wa lekgotla la basadi ba Tweeling ba African National Congress. Morago o ne a nna modulasetilo wa kgaolo. Morago ga ditlhopho tsa 1994, Ntombela o ne a tlhophiwa mmatoropo wa mmasepala wa Tweeling a bereka mo maemong ao go fitlhelela a tlhophiwa go ya palamenteng ya Free State ka 1999. O ne a nna mo palamenteng go fitlhelela a thapiwa go nna tona ka 2001. O ne a boela kwa palamenteng ya kgaolo ka 2004 a nna modulasetilo wa dikomiti tsa selegae le botsogo.

Ka Motsheganong 2009, moeteledipele o mosha  wa Free State Ace Magashule o ne a itsise fa Ntombela a tla tsaya maemo a tona wa ditlhabololo tsa selegae. Ntombela o ne a tlhophiwa mothusa tautona wa lekgotla la basadi la African National Congress ka Phatwe 2015. Magashule o ne a tswakanya khansele ya gagwe ka Phalane 2016, a tlhopha Ntombela go ha khanseleng a le mo maemong a tirisanommogo mo pusong, ngwao le bonno.

Boeteledipele.

Ka Mopitlo 2018, Ntombela o ne a tlhophiwa ke African National Congress go tlhatlhama Ace Magashile go nna moeteledipele wa Free State. O tsene mo maemong ao ka Mopitlo a le masome mabedi le bosupa ngwaga wa 2018, a nna moeteledipele wa bone wa mme mo kgaolong wo. O ne a tlhophowa motshwaramadi wa Free State wa lekgotla la ANC ka Motsheganong 2018. Morago ga ditlhopho tsa Motsheganong 2019, African National Congress e ne ya itsise fa Ntombela a tla a tswelela a le mo maemong a gagwe a boeteledipele jwa Free State. O ne a tlhophiwa go nna wa sennela ruri fa palamente e simolola gape ka Motsheganong a le masome mabedi le bobedi ngwaga wa 2019.

Kwa bokopanong jwa ANC jwa kgaolo jo bo neng bo tshwerwe ka Firikgong 2023,Ntombela o ne a fenngwa ke Mxolisi Dukwana o e neng e le motshwarelela komiti ya kgaolo le tona mo palamenteng ya gagwe mo tlhophong ya modulasetilo wa kgaolo wa phathi. O ne a retelelwa gape ke go tlhophiwa mo komiting ya kgaolo. Ka Tlhakole a le malatsi a matlhano ngwaga wa 2023, Daily Maverick o ne a begile gore PEC wa ANC o mosha o tsere tshwetso ya go busetsa Ntombela mo maemong a boeteledipele. Ka Tlhakole a le masome mabedi le motso ngwaga wa 2023, Ntombela o ne a ithola marapo morago ga go buisana le baeteledipele ba ANC. Dukwana o ne a mo tlhatlhama go nna moeteledipele.

Botshelo jwa gagwe

Ntombela o nyetswe ke leloko la palamente ya ANC Madala Ntombela. O ne a tshwarwa ka mogare wa COVID -19 ka Phalane 2020.