Susan Chomba
Susan Chomba | |
|---|---|
| Thuto | Moi University BSc University of Copenhagen MSc, PhD |
| Mohiri | International Centre for Research in Agroforestry, World Resources institute |
| O itsegi ka | Moitseanape wa tsa tikologo |
Susan Chomba ke moitseanape wa tsa maranyane le tikologo wa kwa Kenya. Ke mookamedi wa World Resources Institute.
Botshelo jwa gagwe
[fetola | Fetola Motswedi]Chomba o goletse mo lehumeng kwa Kirinyaga County.[1] Chomba o godisitswe ke nkukuagwe, ka mmaagwe o a neng a sena mopati, a ne a nna fela a bereka. Mmaagwe Chomba o ne a lema capsicum le dinawa mo tshingwaneng e e neng e le ya ga malomaagwe, a tlhama kgolagano ya temo.[2]
Fa Chomba a le dingwaga di le borobabongwe, sekolo sa mo gae se se nang le boroko jwa baithuti se ne sa mo gana ka ntlha ya lehuma, ka jalo a tsena sekolo se se kgakala kwa bophirima jwa Kenya. Fa mmaagwe a sa tlhole a kgona go mo romela kwa sekolong seo, Chomba o ne a boela Kirinyaga go tsena sekolo se segolwane sa kgaolo. Moithuti mongwe le mongwe mo sekolong seo o ne a fiwa tshingwana go lema. Chomba o ne a lekeletsa ka temo e e dirisang di tsatlholego fela, a lemile dikhabetšhe go emelana le seemo se se tsididi sa loapi.[2]
Le ntswa Chomba a ne a eleditse go ithutela molao kgotsa itsholelo ya temothuo, o ne a tsenngwa mo dithutong tsa dikgwa kwa sekolong se segolwane sa ithutelo ditiro sa Moi University.[2][3] Fa a le mo ngwageng wa boraro o ne a itemogela se a batlang go se dira.[2]
Chomba o ne a nna mongwe wa bontlha jwa lekgotla la mafatshefatshe la dipatlisiso tsa temo ya go kopanya dijalo le dimela tse dingwe, mo thulaganyong ya Regreening Africa, ya mafatshe a borobabobedi e e neng e busulosetsa diheketara di le sedikadike tsa lefatshe le le senyegileng mo Aforika.[2]
Chomba e ne e le leloko la setlhopha sa ntlha go aloga ka degree mo dikolong di le pedi tsa kwa Yuropa kwa Bangor University le University ya Copenhagen. O feditse tiro ya dipatlisiso kwa Tanzania.[4] O ne a tsweledisa dithuto tse di kww godimo tsa PhD kwa University ya Copenhagen.[2][3]
Ka ngwaga wa 2021, Chomba o ne a nna mookamedi wa Vital Landscapes for Africa kwa lekgotleng la World Resources Institute, kwa a eteletseng pele tiro ya bone mo dikgweng, tsamaiso ya dijo le batho.[5][3] Gape ke moemedi wa lenaneo la Race to Zero and Race to Resilience ka fa tlase ga bagaka ba UN ba dikgato tsa phetogo seemo sa loapi.[3][6]
Dietsele
[fetola | Fetola Motswedi]- Seetsele sa Peter Henry sa baithuti ba dikgwa, e le moamogedi wa ntlha, kwa Bangor University
- 2016: e le mongwe wa bomme ba ba lesome le borataro ba ba tsosolosang lefatshe, ke Global Landscapes Forum[3]
- 2022: bomme ba le masome mabedi le botlhano ba ba fetolang dikgato tsa seemo sa phetogo ya loapi, Greenbiz[7][8]
- 2023: bomme ba le lekgolo ba BBC, e e akaretsang bomme ba ba nang le thotloetso ba le lekgolo mo lefatsheng ka bophara.[1]
Metswedi
[fetola | Fetola Motswedi]- 1 2 "BBC 100 Women 2023: Who is on the list this year? - BBC News". News. Retrieved 2026-01-27
- 1 2 3 4 5 6 Wadekar, Neha (2023-06-21). "'Women bear the biggest brunt of climate change,' says climate scientist Susan Chomba". The Guardian. ISSN 0261-3077. Retrieved 2026-01-27
- 1 2 3 4 5 "Susan Chomba | World Resources Institute". www.wri.org. Retrieved 2026-02-27
- ↑ "Bangor Alumna among world's most influential women". Bangor University. Retrieved 2026-01-28
- ↑ "Susan Chomba". #ThinkLandscape. Retrieved 2026-01-28
- ↑ Macklin, Fiona (2021-04-26). "Welcoming Global Ambassadors to Race to Zero and Race to Resilience". Climate Champions. Retrieved 2026-01-28
- ↑ "25 more badass women shaping climate action | GreenBiz". www.greenbiz.com. 7 March 2022. Retrieved 2026-01-28
- ↑ "Bloomberg Green at COP28". events.bloomberglive.com. Retrieved 2026-01-28