Tandi Mahamehlala

Tandi Mahambehlala
Mothusa tona wa bonno
Incumbent
Assumed office Phukwi a le malatsi a mararo ngwaga wa 2024
Modulasetilo wa komiti ya bojanala
In office Lwetse a le malatsi a supa ngwaga wa 2021 – 2024
Pele Ga Gagwe	Supra Mahumapelo
Modulasetilo wa komiti ya botsalano jwa mafatshe le tirisanommogo
In office Phukwi a le malatsi a mabedi ngwaga wa 2019 – Phatwe a le masome mabedi le bosupa ngwaga wa 2021
Pele Ga Gagwe	Moses Masango
Mothusa tona wa ditlhaeletsanyo
In office Mopitlo a le masome mararo le motso ngwaga wa 2017 – Tlhakole a le masome mabedi le borataro ngwaga wa 2018
Mopalamente
Incumbent
Assumed office Motsheganong a le masome mabedi le motso ngwaga wa 2014
Constituency	Kapa Bophirima
Ka Ga Ena
Mokgatlho	African National Congress
Alma mater	University of the Western Cape
Tiro	Mopolotiki

Tandi Mahamehlala ke mopolotiki wa kwa Aforika Borwa o o berekileng e le mothusa tona wa bonno fa e sale ka Phukwi a le malatsi a mararo ngwaga wa 2024. E ne e le modulasetilo wa komiti ya bojanala go tswa ka 2021. Ke leloko la African National Congress (ANC), o berekile e le modulasetilo wa komiti ya botsalano le mafatshe a sele go tswa ka 2019 go tsena 2021. Mahambehlala e ne e le mothusa tona wa ditlhaeletsanyo ka ngwaga wa 2017 go tsena 2018. O nnile mopalamente fa e sale ka 2014.

Botshelo jwa a le mmotlana le thuto

Mahambehlala o berekile mo khanseleng ya baemedi ba baithuti ya sekolo sa Msobomvu High School go tswa ka 1988 go tsena 1990. O alogile ka advanced diploma ya Public Administration ka 2014 le honours degree ya public administratikn go tswa kwa University of the Western Cape ka 2016. Ka 2017, Mahambehlala o ne a simolola go dira dithuto tsa master of public Administration mo sekolong sa UWC. O na le ditlankana tsa ditlhaeletsanyo tsa maranyane a go bua le go bona, phiro ya setshaba le go kanoka matlhoko a setshaba le go dira moalo wa dithulaganyo tsa setshaba.

Tsa pereko

Ka 2005, Mahambehlala o ne a tsere karolo mo go tlhamiweng ka komiti ya banana ba Kapa Bophirima. E ne e le mokwaledi wa lekgotla la banana la African National Congress (ANCYL) le mothusa mokwaledi wa lekalana la kgaolo ya Dullah Omar la lekgotla leo go tswa ka 2004 go tsena 2008. Go tswa ka 2005 go tsena 2008, o berekile e le motlhabolola setshaba wa toropokgolk ya lephata la ditlhabololo la Kapa. Ka 2008, o ne a tlhophiwa go nna mokwaledi wa kgaolo wa African National Congress kwa Kapa Bophirima, maemo a a nnileng mo go one go fitlhelela 2011. Go tswa ka 2011 go tsena 2014, Mahambehlala o ne a berekela Eskom e le mogakolodi mogolo o tiro ya gagwe e leng go dira botsalano le bana le seabe.

Tiro ya gagwe kwa palamenteng

Mahambehlala o eme e le ntlhopheng wa mopalamente wa ANC go tswa kwa Kapa Bophirima mo ditlhophong tsa 2014, a tlhophiwa go ya palamenteng a bo a tlhomamisiwa ka Motsheganong a le masome mabedi le motso ngwaga wa 2014. O ne a isiwa kwa komiting ya palamente ya kgothetso, tlhabololo dikgwebo potlana, ditlhaeletsanyo le ditirelo tsa poso.

Ka Mopitlo 2017, o ne a tlhomiwa mothusa tona wa ditlhaeletsanyo ke tautona Jacob Zuma. O nnile mo maemong ao go fitlhelela ka Tlhakole a le masome mabedi le borataro ngwaga wa 2018, fa tautona o  mosha Cyril Ramaphosa a sena go itsise matona a gagwe.

Mahambehlala o ne a emela ditlhopho gape e le wa masome mane le borobabongwe mo lenaaneng la ANC mo ditlhophong tsa 2019, a tlhophiwa gape. O ne a tlhophiwa e le modulasetilo wa komiti ya botsalano jwa mafatshe le tirisanommogo. Ka nako ya gagwe e le modulasetilo wa komiti, Mahambehlala o ne a sa utlwane le go tlhoka go tsaya kgato ga ga tona wa botsalano jwa mafatshe Naledi Pandor kgatlhanong le matona a a neng a na le seabe mo thekong e e tletseng dingangisano ya kago e e onetseng kwa New York ka didikadike di le lekgolo,dikete di le lesome le borobabobedi, a bolelela Pandor mo bokopanong jwa komiti ka Tlhakole 2021: "o tshwanetse go ikgapha mo go itlotlomatseng, mafoko a gago, a maikgogomoso".

Ka Phatwe a le masome mabedi le borataro ngwaga wa 2021, ANC e ne ya itsise fa Mahambehlaka a tlaa fapaanela maemo le Supra Mahumapelo, modulasetilo wa komiti ya bojanala. O ne a ithola marapo e le modulasetilo wa komiti ya botsalano jwa mafatshe le tirisanommogo ka Phatwe a le masome mabedi le bosupa ngwaga wa 2021. Ka Lwetse a le malatsi a suoa ngwaga wa 2021, o ne a tlhophiwa e le modulasetilo wa komiti ya bojanala, a tlhatlhama Mahumapelo.

Ka Morule 2022, Mahambehlala e ne e le mongwe wa mapalamente a ANC a matlhano a a neng a seka a reetsa taelo ya phathi ya go tlhopha kgatlhanong le go amogelwa ga pego ya kgaolo ya masome a robabobedi le borobabongwe ya gore a gona le bosupi jo bo lekaneng go supa gore tautona Cyril Ramaphosa o tlodile molaomotheo kgotsa molao mo tlhaselong ya Phala Phala, mme pele ga go tlhopha go fela Mahambehlala o ne a leka go fetola tlhopho. ANC e ne ya tsiboga ka gore go tlaa nna le dikotlhao kgatlhanong le bone.