Tania Campbell

Tania Campbell
Campbell ka 2021
Mmatoropo wa Ekurhuleni
In office Ngwanatsele a robabonbedi ngwaga wa 2021 – Mopitlo a le masome mararo ngwaga wa 2023
Pele Ga Gagwe	maemo a ne a sena motho
Morago Ga Gagwe	Sivuyile Ngodwana
Mokhanselara wa Ekurhuleni
Incumbent
Assumed office Morule a le malatsi a matlhano ngwaga wa 2000
Moeteledipele wa Democratic Alliance kwa Ekurhuleni
Incumbent
Assumed office Phalane 2020
Pele Ga Gagwe	Phillip de Lange
Ka Ga Ena
O tsetswe	1967 Hillbrow Transvaal
Mokgatlho	Democratic Alliance (fa e sale ka 1997 go tsena gompieno)
Mo/Bakapelo	Dave Campbell
Botsalano	Michele Clarke (mogolowe)
Bana	a le mongwe
Bonno	Boksburg Transvaal Aforika Borwa
Thuto	Germiston Technical College
Alma mater	University of Pretoria
Tiro	Mopolotiki

Tania Lynette Campbell (o o tshotsweng ka 1967) ke mopolotiki wa kwa Aforika Borwa wa Democratic Alliance o o berekileng e le mmatoropo wa Ekurhuleni gabedi, go tswa ka Ngwanatsele 2021 go fitlhela a ntshiwa ka tlhopho ya go tlhoka go mo tshepha ka Phalane 2022 le ka Ngwanatsele 2022 go fitlhela a ntshiwa gape ka tlhopho ya go tlhoka go mo tshepha ka Mopitlo 2023.

Botshelo jwa a le mmotlana

Campbell o tsene sekolo kwa Germiston Technical College. O ne a tswelela a ya go ithutela ditshwanelo tsa setho le boteledipele jwa mmasepala a itebagantse le kgaoganyo madi le go okamela maduo kwa University of Pretoria.

Tiro ya sepolotiki

Campbell o nnile leloko la Democratic Alliance ka 1997 a nna mokhanselara ka 2000 fa toropo ya mmasepala wa Ekurhuleni e tlhamiwa. O ne a tlhophiwa e le mokhanselara wa kgotla 21 (Primrose) ka 2006 a tswelela a le mo kgotleng eo le ka ditlhopho tsa 2011. Ka 2013, o ne a tlhophiwa e le modulasetilo wa DA kwa metro a tlhophilwe gape e le motlhokomedi wa DA ka 2016. Ald Campbell o berekile gape mo makgotleng a le mantsi kwa Ekurhuleni ka setlha a gagwe a le mo ofising. Ka Phalane 2020, o ne a tlhophiwa e le moeteledipele wa DA morago ga o a neng a le mo maemong ao Phillip de Lange a sena go ithola marapo go sena go diriwa tshikinyo ya gore ga a tshephiwe.

Mmatoropo wa Ekurhuleni

Ditlhopho

Mo ditlhophong tse di neng di tshwerwe ka Ngwanatsele a rogwa ngwaga wa 2021, ga go na phathi e e neng ya nna kwa godimo ka manno mo khanseleng. DA e ne e e le mo ma emong a bobedi ka 28% ya tlhopho e setse morago ANC ka 38% ya tlhopho. Ntlhopheng wa DA wa mmatoropo Refiloe Nts'hekhe, o nea ikgogela morago go nna ntlhopheng wa khansele ka Ngwanatsele a robabobedi go tswelela a bereka e le leloko la peo molao ka a ne a sa dumele gore o ka tlhophiwa e le mmatoropo.

Kwa bokopanong jwa ntlha jwa khansele ka Ngwanatsele a le masome mabedi le bobedi, Raymond Dlamini wa DA o ne a tlhophiwa e le motsamaisa dipuisano tsa khansele go sa solofelwa, ka thuso ya diphathi tse dipotlana di tshwana le ActionSA le Economic Freedom Fighters. DA e ne ya tlhopha Campbell go nna ntlhopheng wa bone wa mmatoropo/ ratoropo kgatlhanong le Mzwandile Masina wa African National Congress (ANC). Campbell o ne a fenya ka ditlhopho di le lekgolo, lesome le borataro, fa Masina a ne a bona di le lekgolo le bolthano,Campbell a nna leloko la ntlha la DA go bereka e le mmatoropo/ratoropo wa toropo. Campbell o ne a re o gakgametse gore o tlhophilwe go nnammatoropo fa a bua mo puisanong le News24, a re setlha sa gagwe e le mmatoropo se tsile go nna thata ka DA e sa tshwara bontsi jwa manno kwa khanseleng. Mo puong ya gagwe fa a tlhomamisiwa e le mmatoropo o ne a re o tlaa bo a itebagantse le dikgang tsa go isa ditirelo kwa bathong mo toropong.

Setlha

Campbell le moemedi wa United States kwa Johannesburg, Vincent Spera

Ka Morule a le lesome le motso ngwaga wa 2021, Cambell o ne a itsise komiti ya gagwe ya batho ba le lesome. Bontsi jwa maemo ao a na le MMC ya DA, fa ActionSA e ne e na maemo a mabedi, Inkatha Freedom Party le Congress of the People di iponela maemo a mangwe phathi nngwe le nngwe. Campbell o ne a re komiti ya gagwe e tlaa simolola go bereka go tsosolosa tshepho ya metse ya Ekurhuleni. Ka Tlhakole a le masome mabedi le borobabobedi ngwaga wa 2022, Campbell o ne a tswakanya komiti ya gagwe go akaretsa makhanselara a mabedi a Patriotic Alliance morago ga go kopana ga diphathi go bewa monwana go akaretsa PA mo bokopanong.

Ka Mopitlo a le malatsi a mabedi ngwaga wa 2022, Campbell o ne a ipelela malatsi a gagwe a a lekgolo a le mo ofising ya mmatoropo. O ne a kgalela ANC go bo e re torpo e sutlhe 75% ya sekoloto sa matlole a bo dikgaolo tsa mmasepala tsotlhe, a re go botlhaswa gape ke go sa lebele kgakala ka Mopitlo a le lesome le botlhano. Ka Mopitlo a le lesome le borataro, o ne a latotsa magatwe a moeteledipele wa ActionSA Herman Mashaba a gore o dirile tumalano le le EFF ya gore ba tlaa nna bangwe ba batho ba ba tlaa bong ba botsolosa baeteldipele ba maphata le mookamedi wa toropo, gore ba bone kemo nokeng ya bone go fetisa kgaoganyo ya madi ka Tlhakole.

Ka Phalane a le masome mabedi le borataro ngwaga wa 2022, Campbell o ne a ntshiwa mo maemong a mmatoropo ka tshutiso ya go tlhoka go tshepiwa. Makhanselara a le lekgolo a ne a tlhopha gore a ntshiwe, fa ba le masome a robabongwe le boraro ba ne ba le kgatlhanong le seo. Economic Freedom Fighters ene ya seka ya tsaya karolo mo tlhophong eo. Ka Ngwanatsele a robabobedi ngwaga wa 2022 Campbell o ne a busediwa gape mo maemonga mmatoropo wa Ekurhuleni morago ga go iponela ditlhopho di le lekgolo, masome a mabedi le bone go tswa mo go di le makgolo mabedi, masome mabedi le bone. Tlhopho e le nngwe e ne e sentswe. Se se tlhomogileng ke gore, EFF e ne e e tlhophile le DA le ba e dirisanang le bone go mmusetsa mo maemog. Dipuisano tsa go kopana ga ANC le EFF go ne go padile go dumalanwa, komiti ya ANC ya kgaolo e ne e ganne tshutiso ya tlhopho ya mmatoropo wa EFF kwa toropong, ba baakanyetsa Campbell go boela mo ma maemong.

Campbell o ne a ntshiwa gape mo maemong a mmatoropo ka go tlhoka go tshepiwa, se se bakilwe ke go kopana ga EFF le ANC ga mmogo le diphathi tse dipotlana di supa. Makhanselara a le lekgolo, masome a mabedi le borataro a ne a tlhopha gore a ntshiwe, fa a le masome a robabongwe le motso a ne a tlhopha gore a tswelele e le mmatoropo. Mo ditlhophong tse di latelang tsa mmatoropo, Campbell o ne a ema gape, mme a fenngwa ke mokhanselara wa African Independent Congress Sivuyile Ngodwana, a amogela ditlhopho le le masome a supa le botlhano fela ffa Ngodwana a amogetse di le lekgolo, masome a mabedi le borobabongwe.

Botshelo jwa gagwe

Mogolowe Campbell ke Michele Clarke, o e leng mopalamente wa DA le mmueledi wa phathi wa botsogo.