Thandi Tobias

Thandi Tobias
Mothusa tona wa pereko le madirelo
In office Motsheganong a le lesome le motso ngwaga wa 2009 – Motsheganong a le masome mabedi le botlhano ngwaga wa 2014
President	Jacob Zuma
Mopalamente
In office Mopitlo a le lesome le botlhano ngwaga wa 2023 – Motsheganong a le masome mabedi le borobabobedi ngwaga wa 2024
Ka Ga Ena
O tsetswe	Thandi Vivian Tobias
Mosetshaba wa	mo Aforika Borwa
Mokgatlho	African National Congress
Alma mater	University of the Western Cape Univesrity of South Africa Rhodes Univesrity
Tiro	Mopolotiki

Thandi Vivian Tobias ke mopolotiki wa kwa Aforika Borwa o o berekileng e le mopalamente go tswa ka 2004 go tsena 2019 le ka 2023 go tsena 2024. O berekile e le mothusa tona wa tsa pereko le madirelo go tswa ka 2009 go tsena 2014. Tobias ke leloko la African National Congress.

Thuto

Tobias o na le diploma e e fa godimo ya melao ya itsholelo (economic policy) go tswa kwa sekolong se segolwane sa ithutelo ditiro sa University of Western Cape le setlankana sa itsholelo le madi a setshaba go tswa kwa University of South Africa le setlankana sa dipuisano mo boeteledipeleng kwa Rhodes University.

Tiro ya sepolotiki

Tobias pele o ne a bereka a le mo komiting ya African National Congress le komiti ya lekgotla la banana la African National Congress.

Tiro mo palamenteng

Mopalamente: 2004 go tsena 2019

Tobias o ne a tlhophilwe e le mopalamente wa ANC mo ditlhophong tsa 2004. Kwa palamenteng e ne e le leloko la komiti ya madi a setshaba. Ngwaga o o latelang, o ne a tlhophiwa modulasetilo wa komiti ya tshireletso. Ka Lwetse a le lesome le bobedi ngwaga wa 2007, o ne tlhophiwa e le modulasetilo wa komiti ya pereko mme a seo.

Morago ga ditlhopho tsa 2009, Tobias o ne a neelwa maemo a go nna mongwe wa bo mothusa tona ba babedi ba lephata la pereko le madirelo ke tautona Jacob Zuma. Tobias o ne a rata go siiwa ke sefofane se se yang Brussels ka Ngwanatsele 2009 morago ga gore koloi ya gagwe ya Mercedes wa 2005 wa modiro wa E 350, e a neng a e tsere mo go tona wa pele Mandisi Mpahlwa, e senyege mo tseleng go ya mapalamelong a difofane.

Tobias o ne a seka a thapiwa gape go nna mothusa tona wa tsa pereko le madirelo ka ditlhopho tsa 2014, a boela go ya go nna kwa morago mo palamenteng. Ka 2017, o ne a tlhomiwa motlhokomedi mogolo wa komit ya madi. Morago ga gore palamente e dumalane a bo e tlhomamise kakanyetso ya go fetola melao e e laolang koporase ya dipeeletso tsa setshaba (Public Investment Corporation) ka Motsheganong 2018, Tobias o ne a inolwa are: "mengwe ya melawana e tlaa netefatsa go tsisa dipeeletso tse di kwadilweng le tse di sa kwadiwang ke tona wa madi go bega mo palamenteng ka pego ya ngwaga le ngwaga mo lephateng la gagwe. Ka jalo ga gona go nna le dipeeletso tse di fitlhegileng di sa kwalwa tse di tlaa sekeng di bonwe ke setshaba". Tobias o ne a sa kwalwa e le ntlhopheng wa palamente mo ditlhophong tsa 2019, ka jalo a tswa mo palamenteng.

Go boela palamenteng: 2023

Ka Mopitlo a le lesome le botlhano ngwaga wa 2023, Tobias o ne a tlhomamisiwa mo palamenteng ke mothusa motsamaisa dipuisano tsa palamente Lechesa Tsenoli. O ne a le kwa tlase ka maemo mo lenaaneng la ANC la kgaolo ya Free State ka 2024, ka jalo a ka se tlhophiwa gape.

Modulasetilo wa lekgotla la batlhokomedi ba sekao sa Aforika Borwa (Brand South Africa)

Ka bokopanong kwa palamente ka Phalanr 2019, Tobias o ne a tlhophiwa go bereka e le modulasetilo wa lekgotla la batlhokomedi ba sekao sa Aforika Borwa. Ka Mopitlo a le lesome le bobedi ngwaga wa 2021, mookamedi wa pele wa Brand South Afeica Kingslet Makhubela o ne a isa ngongora kwa go motsamaisa dipuisano tsa palamente Thandi Modise morago ga gore Tobias a bue kwa bokopanong jwa komiti ya tsamaiso gore Makhubela o kobetswe go tlhoka go tsamaisa sentle ke Brand South Africa; ngongora e e ne ya fetesidiwa kwa komiting ya palamente ya dinonofo le bokgoni morago ga malatsi. ale lesome le bobedi.