Thandiwe Banda

Thandiwe Banda
Mohumagadi wa Zambia
In office Seetebosigo a le masome mabedi le borobabongwe ngwaga wa 2008 – Lwetse a le masome mabedi le boraro ngwaga wa 2011
President	Rupiah Banda
Pele Ga Gagwe	Maureen Mwanawasa
Morago Ga Gagwe	Christine Kaseba
Ka Ga Ena
Mo/Bakapelo	Rupiah Banda
Bana	Ba le babedi

Thandiwe Banda (o o tshotsweng ka 1972 kgotsa 1972) ke morutabana wa polotiki wa kwa Zambia o o berekileng e le mohumagadi wa Zambia go tswa ka Seetebosigo 2008 go fitlhela Lwetse 2011. Banda, o a neng a le mo dingwageng tsa masome a mararo fa a tsena mo maemong ao ka 2008, e ne e le mohumagadi o mmotlana mo ditsong tsa Zambia. E ne e le mosadi wa bobedi wa ga tautona wa pele Rupiah Banda go fitlhelela a tlhokafala ka Mopitlo 2022.

Botshelo jwa gagwe

Mosadi wa ntlha wa ga Rupiah Banda, Hope Mwansa Makulu,o tlhokafetse ka 2000. Ene le mosadi wa gagwe wa bobedi Thandiwe Banda,ba nyalane ka dingwaga tsa 2000, le ntswa ba na le pharologanyo ya dingwaga di le masome mane. O ne a le dingwaga di le masome a supa ka nako ya lonyalo lwa bone, fa Thandiwe a ne a le di le masome mararo. Thandiwe le Rupiah Banda ke batsadi ba mawelana Temwani le Duniya, ba ba tsileng e le kgakgamatso mo bobeding joo, go ya ka puisano e a e dirileng kwa BBC Africa.

Banda o ne a tlhophiwa tautona ka 2008,se se dira Thandiwe Banda mohumagadi o monnye mo ditsong tsa Zambia. Ka nako ya gagwe, Banda o ne a buelela go tlhamiwa ga ofisi ya semmuso ya mohumagadi ka madi a puso go ema nokeng ditiro tsa gagwe tsa setshaba le tsa mautlwelobotlhoko. Banda o ne a lwela molao o o gagametseng, go otlhaya ba dira molato ba tiriso dikgoka mo gae le mo tlhakanelong dikobo. O ne a eme nokeng makgotla a a ikemetseng kwa Zambia.

Ka Morule a le masome mabedi ngwaga wa 2012, pampiri ya puso ya Times of Zambia e ne ya gatisa tsebe e e neng e bua magatwe a gore puso e gapile matlo a ga Thandiwe Banda a le mmalwa, a akaretsa lefelo la boroko kwa Malawi, le le tlhwatlhwa ya dibilione tsa madi a kwacha. Banda o ne a re magatwe a ga a na boammaruri, a gwetlha gore ba mo kope maitshwarelo gape ba boele morago se ba se kwadileng, selo se pampiri e neng ya se gana pele. Ka Firikgong 2012, o ne a pega tsheko ya tshenyo leina kgatlhanong le Times of Zambia le morulaganyi wa yone. Ka Phalane 2012,pampiri e ne ya gatisa kopo maitshwarelo, mme tsheko kgatlhanong le pampiri e ne ya tswelela. Thandiwe Banda o ne a fenya tshekk kgatlhanong le Times of Zambia ka Motsheganong 2014. Kgotlatshekelo e ne ya duela Banda dikete tsa madi a kwacha go mo phimola dikeledi.

Banda o ne a fitlhelwa a na le kankere ya lebele ka 2014, a tsaya loeto go ya lefatsheng le le mabapi la Aforika Borwa go bona tlhokomelo ga botsogo. O ne a boela Zambia ka Firikgong a le lesome ngwaga wa 2015, morago a tsena mo dikgweng tsa kalafi.