Thembi Simelane

Motlotlegi Thembi Simelane Mopalamente
Tona wa bonno
Incumbent
Assumed office Ngwanaitseele a le malatsi a mararo ngwaga wa 2024
President	Cyril Ramaphosa
Pele Ga Gagwe	Mmamoloko Kubayi
Mopalamente
Incumbent
Assumed office Seetebosigo a le lesome le bone ngwaga wa 2024
President	Cyril Ramaphosa
Pele Ga Gagwe	Ronald Lamola
Tona wa tshiamo le tlhabololo molaomotheo
In office Phukwi a le malatsi a mararo ngwaga wa 2024 – Ngwanaitseele a le malatsi a mararo ngwaga wa 2024
President	Cyril Ramaphosa
Pele Ga Gagwe	Nkosazana Dlamini-Zuma
Tona wa tirisanommogo le ngwao
In office Mopitlwe a le malatsi a supa ngwaga wa 2023 – Seetebosigo a le lesome leborobabongwe ngwaga wa 2024
President	Cyril Ramaphosa
Pele Ga Gagwe	Parks Tau
Mothusa tona wa tirisanommogo le ngwao
In office Phatwe a le lesome ngwaga wa 2021 – Mopitlwe a le malatsi a marataro ngwaga wa 2023
Pele Ga Gagwe	Freddy Greaver
Mmatoropo wa Polokwane
In office Phukwi 2014 – Phatwe 2021
Ka Ga Ena
O tsetswe	Thembisile Phumelele Simelane Tlhakole a le lesome ngwaga wa 1973 Bethal Transvaal
Mo/Bakapelo	Chipyane Nkadimeng
Botsalano	Nokuthula Simelane
Alma mater	University of the North Stellenbosch University

Thembisile Phumelele Simelane-Nkadimeng (o o bonweng ka Tlhakole a le lesome ka ngwaga wa 1973) ke mopilotiki wa kwa Aforika Borwa o o berekang e le tona wa bonno fa e sale ka Ngwanaitseele 2024. Ke leloko la African National Congress (ANC), pele e ne e le tona wa tirisanommogo mo pusong go tswa ka Mopitlwe 2023 go tsena Seetebosigo 2024, a nna tona wa tshiamo le tlhabololo molaomotheo go tswa ka Seetebosigo 2024 go tsena Ngwanaitseele 2024.

E ne e le molwela ditshwanelo wa moithuti kwa Turfloop, Nkadimeng o simolotse tiro ya gagwe a berekela puso a tsena mo polotiking semmuso ka Phukwi 2014 e le mmatoropo wa Polokwane. Mo dingwageng tsa bofelo e le mmatoropo, o ne gape e le tautona wa lekgotla la puso ya mo gae go tswa ka 2019 go tsena 2021. O nnile bo ntlha jwa puso ka Phatwe 2021, fa tautona Cyril Ramaphosa a mo thapa go nna mothusa tona wa tirisanommogo mo pusong le dikgang tsa ngwao.

Pele ga bokopano jwa masome a matlhano le botlhano ka Ngwanaitseele 2022, Nkadimeng o ne a tlhophiwa mo setlheng sa dingwaga tse tlhano mo komiting ya pereko. Ramaphosa o ne a mo tlhatlosa maemo go nna leloko la khuduthamaga morago ga bokopano joo, o ne a tlhomiwa tona wa tshiamo le tlhabololo molaomotheo morago ga ditlhopho tsa Motsheganong 2024. O ne a tswakanngwa go nna tona wa bonno ka Ngwanaitseele 2024.

Botshelo jwa a le mmotlana

Simelane o bonwe ka Tlhakole a le lesome ngwaga wa 1973 kwa Bethal kwa e neng e le kgaolo ya Transvaal Botlhaba (kwa e leng Mpumalanga gompieno). Fa e le moithuti wa sekolo se segolwane ka dingwaga tsa bofelo tsa puso ya tlhaolele, o ne a le matlhagatlhaga mo bokopanong jwa baithuti ba Aforika Borwa.

O tsene sekolo se segolwane sa ithutelo ditiro sa University of the North, kwa a neng a rutuntshiwa ke Joyce Mashamba. O alogile ka Bachelor of Arts ka 1994, diploma ya thuto e kgolwane ka 1995, le Honours ka 1997. Kwa Turfloop, o ne a tswelela a le matlhagatlhaga mo polotiking ya baithuti, e le leloko (morago a nna mothusa tautona) wa khansele ya kemedi ya baithuti le leloko la bokopano jwa baithuti ba Aforika Borwa (SASCO); e ne e le mokwaledi wa SASCO wa kgaolo ya Transvaal Bokone (kwa e leng Limpopo gompieno) ka 1994 go tsena 1996.

Ka 1997, Simelane o ne a simolola tiro ya gagwe mo tsamaisong ya morago ga puso ya tlhaolele, mo sebakeng sa dingwaga tse di lesome tse di latelang, o ne a nna mo maemong a a farologaneng mo maphateng a mane a puso, a a tlhomogileng e le a e le mookamedi wa ofisi ya ditlhaeletsanyo kwa ofising ya moeteledipele wa Limpopo go tswa ka 2002 go tsena 2006. Go tswa ka 2009 go tsena 2013, o ne a fudugela kwa mohameng o o ikemetseng e le mookamedi wa tsa pereko kwa Anglo American Platinum. Morago ga go tswa kwa Anglo, o ne a nna mookamedi wa Golden Threats, kompone e e itebagantseng le dipeeletso tsa dikompone e bareki ba yone ba akaretsang Anglo,BKS, le Development Corporation. Fa a tsweletse a bereka, o ne a le mo maemong a a kwa godimo mo makalaneng a mo gae a African National Congress (ANC) le lekgotla la yone la bomme kwa Polokwane,Limpopo. Fa godimo ga moo, o ne a dira Bachelor of Philosophy ya melao kwa Stellenbosch University ka 2001 a fetsa lenaneo la bookamedi jo bo tlhomogileng kwa Wits Business School ka 2009.

Mmatoropo wa Polokwane:2014 go tsena 2021

Ka Phukwi a rogwa ngwaga wa 2014, e le bontlha jwa tswakanyo ya bo mmasepala ba Limpopo, ANC e ne ya itsise fa e tlaa tlhopha Nkadimeng e le mmatoropo wa mmasepala wa Polokwane morago ga go ithola marapo ga ga Freddy Greaver. O ne a tlhophiwa gape go nna mmatoropo morago ga ditlhopho tsa mo gae tsa 2016, a fenya Frank Haas wa Democratic Alliance. Pampiri ya dikgang ya Sowetan e ne ya re o dirisana mmogo le ratoropo wa Limpopo Stan Mathabatha.

Setlha sa ga Nkadimeng e le mmatoropo se ne se lebanwe ke mathata a sepolotiki. O emetse ditlhopho gabedi e le ntlhopheng wa modulasetilo wa kgaolo ya Peter Mokaba wa ANC, mme a latlhegelwa kgatlhanong le Motalane Monakedi ka Phalane 2014 le John Mpe ka Phukwi 2018. Mo ditlhophong tsa 2018, o ne a tshosediwa ka letsholo la gagwe, go latlhegelwa ga gagwe go ne ga baka kopo ya semmuso ya ga Mpe gore Nkadimeng a ntshiwe mo ofising ya mmatoropo. Phathi ya kganetso ya Economic Freedom Fighters le yone e ne ya re a ntshiwe ka 2021 morago ga mosekisi mogolo a sena go ntsha pego ya tshekatsheko ya mmasepala wa Polokwane.

Ka Seetebosigo 2019, Nkadimeng o ne a tlhophiwa go tlhatlhama Parks Tau e le tautona wa lekgotla la Local Government Association (SALGA); pele e ne e le modulasetilo wa lekgotla leo kwa Limpopo.

Puso ya lefatshe

Tirisanommogo le puso: 2021 go tsena 2024

Ka Phatwe a le malatsi a matlhano ngwaga wa 2021, tautona Cyril Ramaphosa o ne a itsise fa a thapile Nkadimeng go nna mothusa tona wa tirisanommogo le tsa ngwao. A tlhomamisitswe ka Phatwe a le lesome, o ne a ithola marapo e le mmatoropo wa Polokwane le tautona wa SALGA. John Mpe o ne a mo tlhatlhama go nna rratoropo. Ngwaga o o latelang, ka Ngwanaitseele 2022,bokopanog jwa ANC jwa masome a matlhano le botlhano bo ne jwa tlhopha Nkadimeng mo setlheng sa dingwaga tse tlhano mo komiti kgolo ya phathi. O ne a amogetse ditlhopho di le sekete, makgolo a marataro, masome a robabobedi le bonngwe mo ditalameng di le dikete di le nne, le masome a mabedi le borobabongwe, se se mo dira ntlhopheng wa lesome le botlhano mo komiting ya maloko a le masome a robabobedi. O ne a tlhophilwe gape go nna leloko la komiti ya pereko, a thapilwe e le modulasetilo wa komiti potlana ya peo molao le puso, gape a le mo setlhopheng sa komiti kgolo se se neng se filwe maikarabelo a go loga maano a puso e e kopaneng.

Morago ga bokopano jwa masome a matlhano le botlhano, Nkadimeng o ne a tlhatlhama Nkosazana Dlamini-Zuma e le tona wa tirisanommogo le ngwao mo tswakanyong ya matona ka Mopitlwe a le malatsi a marataro ngwaga wa 2023. Mongwe wa matona a mabedi a a neng a thapilwe mo khuduthamageng go tswa kwa ntle ga palamente, go bolelwa fa a ne a itlhophetswe ke Ramaphosa. Parks Tau le Zolile Burns-Ncamashe ba ne ba thapiwa e le bathusi ba gagwe.

Fa a sena go thapiwa,Nkadimeng o ne a re nngwe ya maikaelelo magolo a gagwe e le tona ke go netefatsa go itshetlela ga bo mmasepala,bogolo jang tse di busiwang ke bokopano. Go tsamaisana le se, o ne a kwadisa molao wa makhanselara. Adriaan Basson wa News24 o ne a mo akgolela maitsholo a gagwe a bogolo le tsepamo a dipuso tse di kopaneng. O ne a simolodisa molao wa kemo nokeng, kelotlhoko le go tsaya karolo wa 2023, o o neng o akaretsa ditsela tsa go tsaya karolo mo go bo mmasepala ba ba sa tsamaisiweng sentle ga puso, le melawana ya go dira metheo ya ditlhabololo tsa dikgaolo. Lephata la gagwe le ne la okamela seemo sa dipharagobe mo dikgaolong tse di farologaneng morago ga ditiragalo tsa seemo sa bosa se se sa iketlang, Nkadimeng o ne a filwe marapo a go buisana le lekgotla la babereki ba mmasepala ka mogwanto le ngalo ditiro kwa Matjhabeng.

Tshiamo le bonno: 2024 - go tsena gompieno

Ka dilthopho tsa Motsheganong 2024, Nkadimeng o ne a tlhophiwa go ya palamenteng ya Aforika Brwa. Ka Seetebosigo a le masome mararo, tautona Ramaphosa o ne a itsise fa a mo tlhophilwe mo khuduthamageng ya gagwe ya boraro e le tona wa tshiamo le tlhabololo molaomotheo , Andries Nel e le mothusi wa gagwe. Ba ne ba tlhomamisiwa e le tona le mothusa tona ka Phukwi a le malatsi a mararo ngwaga wa 2024. Se se ne sa sala morago go tlhamiwa ga GNU ka kopano, morago ga gore ANC e latlhegelwe ke bontsi ka ditlhopho. Lephata leo pele le ne le okametse lephata la dipaakanyo, le le tlhamilweng e le lephata le le ikemetseng mo GNU go akaretsa maloko a diphathi tse dikopaneng e le matona.

Simelane o ne a tswakanngwa go nna tona wa bonno ka Ngwanaitseele 2024.

Tsa semolao

Ka ngwaga wa 2016, Simelane e le mmatoropo wa Polokwane o ne a amogela madi a kadimo a dikete di le makgolo a matlhano, masome a supa le botlhano go tswa kwa mmaakanyi wa VBS wa lebentlele la kofi; madi ao ke one fela a a adimisitsweng ka 2016. Ka ngwaga wa 2024, mapodisi a ne a tlhasela diofisi tsa mmasepala wa Polokwane go batla bosupi jwa tshenyetso setshaba jo bo tsamaelanang le peeletso ya didkadike di le makgolo a mararo, masome a mane le borobabongwe le banka ya VBS Mutual ka 2016 le 2017. Madi a go ne go belaelwa a amana le go utswa madi kwa mmasepaleng oo fa o berekisana le banka ya VBS . Ka Phalane a le malatsi a supa ngwaga wa 2024, Simelane o ne a re o boleletse tautona Ramaphosa ka madi ao pele ga a mo thapa mo khuduthamageng ya gagwe. Ka Moranang a le lesome le borataro ngwaga wa 2025, DA e ne ya sekisetsa Simelane go tsietsa Eskom ka madi a dikete di le makgolo a supa.

Botshelo jwa gagwe

Nkadimeng o ne a nyetswe ke mopolotiki Chipyane Clifton Nkadimeng go fitlhelela ka 2019, fa ba tlhalana. Pampiri ya The Sunday World e ne ya bega gore o ne a beeleditswe ke Matome Ralebipi, modulasetilo wa lekgotla la Limpopo Roads ka Tlhakole 2024.O na le bana ba le bane, gape o godisitse ngwana wa ga kgaitsadie.

Mogoloe, Nokuthula Simelane, e ne e le molweladitshwanelo o o kgatlhanong le puso ya tlhaolele le mmereki wa Umkhonto we Sizwe, o a neng a nyelela ka nako ya Nkadimeng e santse e le ngwana ka 1983 a le dingwaga di le masome mabedi le boraro. Go ne ga upololwa ka komiti ya boammaruri gore Simelane o ne a tshwerwe kwa Johannesburg a isiwa kwa Vlakplaas, kwa a neng a bogisiwa mo go tseneletseng ke maloko a lekalana la tshireletso. Ba thusiwa ke lekgotla la ditshwanelo tsa setho, Nkadimeng le ba lelapa la gagwe ba ne ba bolotsa letsholo mo boemong jwa ga Simelane le batswa setlhabelo ba bangwe ba melato ya puso ya tlhaolele, ba batla tshekiso le dikarabo. Nkadimeng o inotswe are tsheko ya ga mogoloe e supa go itlhokomolosa dikgakololo tsa TRC ke puso ya Aforika Borwa . Ka ngwaga wa 2016, Lekgotla la boatlhodi le ne la itsise fa le tlaa sekisetsa banna ba le bane molato wa go tsaya Simelane ka dikgoka, lelapa la gagwe lo ne la kwala tumelo ya gore o tlhokafetse ka 2018. Tsheko ya polao e ne e tsweletse ka 2024.