Jump to content

Theo-Ben Gurirab

Go tswa ko Wikipedia
Theo-Ben Gurirab
Theo-Ben Guribab ka 2006

Theo-Ben Gurirab ( o o tshotsweng ka Firikgong a le masome mabedi le boraro nwgaga wa 1938 a tlhokafala ka Phukwi a le lesome le bone ngwaga wa 2018) e ne e le mopolotiki wa Namibia o o berekileng mo maemong a puso a a farologaneng.[1] O berekile e le tonakgolo wa bobedi wa Namibia go tswa ka Phatwe a le masome mabedi le borobabobedi ngwaga wa 2002 go tsena Mopitlo a le malatsi a le masome mabedi ngwaga wa 2005, morago ga go fokodiwa maemo le go ithola marapo ga ga Hage Geingob. Pele e ne e le tona wa pele wa mafatshe a sele go tswa ka 1990 go tsena 2002 a nna tautona wa palamente ya United Nations go tswa ka 1999 go tsena 2000. O ne a nna motsamaisa dipuisano tsa palamente ya Namibia go tswa ka 2005 go tsena 2015,[2] fa a ne a tlhatlhamiwa ke Peter Katjavivi. Gurirab o ne a felela a ithola marapo mo polotiking ka 2015.

Botshelo jwa a le mmotlana ke thuto

[fetola | Fetola Motswedi]

Guirab o tshotswe ka Firikgong a le masome mabedi le boraro ngwaga wa 1938[3] kwa Usakos kwa kgaolong ya Erongo. Ka ngwaga wa 1960 o ne a aloga mo dithutong tsa diploma tsa go ruta ka nako ya a le kwa sekolong se segolwane sa Augustineum kwa Okahandja, ka 1964 fa a tshabile a le kwa United States, o ne a aloga ka degree tsa sepolotiki go tswa kwa Temple University kwa Pennsylvania.[4]

Tiro ya gagwe ya sepolotiki

[fetola | Fetola Motswedi]

Gurirab o ne a tshabile go tswa ka 1962 go tsena 1989. Pele o ne a tshabela kwa Tanganyika, kwa a neng a fenya dithuso tsa madi tsa United Nations a fudugela kwa United States.[5] E ne e le mothusa moemedi wa SWAPO kwa United Nations le United States go tswa ka 1964 go tsena 1972, a nna tlhogo ya bodiredi jwa SWAPO kwa United Nations go tswa ka 1972 go tsena 1986. Morago o ne a nna mokwaledi wa SWAPO wa mafatshe a sele go tswa ka 1986 go tsena 1990.[6]

E ne e le leloko la SWAPO la palamente e e neng e tsweletse ka Ngwanatsele ngwaga wa 1989 go tsena Mopitlo ngwaga wa 1990, pele fela ga boipuso,[7] ebile a nnile le seabe se segolo mo go kwaleng molaomotheo wa Namibia.[4] Go tswa ka 1990 go tsena 2015 o ne a nna leloko la palamente,[6] a bereka gape mo komiting ya legare ya SWAPO.[4] E ne e le tona wa mafatshe a sele go tswa ka boipuso jwa 1990 go fitlhelela a tlhophiwa ke tautona Sam Nujoma go nna tonakgolo ka Phatwe a le masome mabedi le bosupa ngwaga wa 2002,a tlhatlhama Hage Geingob.[8]

Fa a bereka e le tona wa mafatshe a sele, o ne a tlhophiwa go nna tautona wa United Nations General Assembly ka Lwetse a le lesome le bone ngwaga wa 1999, a dira mo maemong ao go fitlhelela ka Lwetse 2000.[9] Mo dikatlegong tsa ga Gurirab kwa UN go na le go nna modulasetilo wa dipuisano tse di bakileng go busediwa ga Walvis Bay kwa kgaolong ya Namibia, e le go tlhomamisa tharabololo ya khansele ya tshireletso ya makgolo a mane, masome a mararo le bobedi.[5]

Morago ga ditlhopho tsa 2004, Gurirab o ne a tlhophiwa go nna molaola dipuisano tsa palamente kwa tshimologong ya sebaka sa palamente sa Mopitlo a le malatsi a a masome mabedi ngwaga wa 2005.[6][10]

O ne a amogela ditalama tse di neng di le kwa godimo mo maemong a borataro, di le makgolo a mararo, masome a supa le bosupa mo tlhophong ya komiti ya legare ya SWAPO kwa bokopanong jwa ngwaga le ngwaga jwa Phatwe 2002.[11] O ne a nna mongwe wa ba bakwa godimo ka ditlhopho gape mo ditlhophong tsa komiti ya legare ya Ngwanatsele 2007.[12]

Go tswa ka 2008 go tsena 2011,[13] Gurirab e ne e le tautona wa dipalamente tse di kopaneng (IPU), lekgotla la dipalamente tsa mafatshe a a kopaneng.[14]

Gurirab o ne a tlhophiwa gape mo palamenteng mo diltlhophong tsa bopalamente tsa 2009, tse mo go tsone SWAPO e neng ya nna le palo e ntsi go fetisa tse dingwe ya ditilo. Fa mapalamente a nna mo ditiling tsa one ka Mopitlo a le masome mabedi ngwaga wa 2010, ba ne ba dumalana ka mowa o le mongwe go busetsa Gurirab mo maemong a go tsamaisa dipuisano tsa palamente. Fa a bua ka nako ya tiragalo eo, Gurirab o ne a gatelela botlhokwa jwa molaomotheo: "jaaka mongwe wa bakwadi ba one, ebile ke le mongwe wa matona a a berekileng ka lobaka, le batlhami ba lefatshe la rona, ke itse ka tebelopele e molaomotheo e o o fang Namibia, ga mmogo le tsholofetso ya bokopano, kagisano, puso ya batho ka batho, molao, seriti sa batho, le maitlamo a go sireletsa se re se kgobokantseng mo tshokolong ya kgololesego le boipuso."[15]

Ka Phatwe 2014, fa SWAPO e tlhopha baemedi ba bo palamente ba ditlhopho tsa Ngwanatsele 2014, Gurirab o ne a seo mo go bone.[16] Fa palamente e simolola go kopana ka Mopitlo a le malatsi a a masome mabedi ngwaga wa 2015, Gurirab o ne a tlhatlhamiwa ke Peter Katjavivi.[17]

Loso

[fetola | Fetola Motswedi]

Gurirab o tlhokafaletse kwa sepateleng sa Windhoek ka Phukwi a le lesome le bone ngwaga wa 2018 ka ditiragalo tsa tlwaelesego.[18] O bolokilwe kwa mabitleng a bagaka.

Dietsele

[fetola | Fetola Motswedi]
  • 1999: Bongaka jwa molao, kwa University of Namibia[4]
  • Maemo a ntlha a Order of the sun[4]
  • Fa e sale ka 2002: leloko la lekgotla la mafatshefatshe la Raoul Wallenberg[13]

Metswedi

[fetola | Fetola Motswedi]
  1. ↑ Krasno, Jean E. "Interview with: Theo-Ben Gurirab". United Nations Dag Hammarskjöld Library. Archived from the original on 15 July 2018. Retrieved 08 October 2025.
  2. ↑ "Gurirab Theo Ben". www.parliament.na. Archived from the original on 2 May 2021. Retrieved 08 October 2025.
  3. ↑ September, Andre (23 January 2018). "Theo-Ben Gurirab at 80 – a personal reflection". The Namibian.
  4. ↑ 4.0 4.1 4.2 4.3 4.4 Liswaniso, Mwaka (18 July 2014). "Theo-Ben Gurirab (1938 ...) An educator, politician and diplomat". New Era. p. 6.
  5. ↑ 5.0 5.1 "Dr. Theo-Ben Gurirab (Namibia)". United Nations. Retrieved 08 October 2025.
  6. ↑ 6.0 6.1 6.2 Profile at Namibian Parliament website. Archived 8 March 2020 at the Wayback Machine
  7. ↑ List of members of the Constituent Assembly, Namibian Parliament website.
  8. ↑ Christof Maletsky (28 August 2002): "Nujoma shuffles the Cabinet pack", The Namibian via allafrica.com.
  9. ↑ Peter Mwaura, "Namibian to lead UN General Assembly", Africa Recovery, volume 13 #2–3 (September 1999), page 4.
  10. ↑ "New parliament takes office in Namibia", VOA News, 20 March 2005.
  11. ↑ "The ruling party's new Central Committee" Archived 9 March 2003 at the Wayback Machine, The Namibian, 27 August 2002.
  12. ↑ Christof Maletsky, "Swapo big names dropped", The Namibian, 3 December 2007.
  13. ↑ 13.0 13.1 "Theo-Ben Gurirab IPU President 2008–2011". Inter-Parliamentary Union. Retrieved 08 October 2025.
  14. ↑ "IPU chief condemns undemocratic transition of power in Madagascar". Xinhua News Agency. 4 April 2009. Archived from the original on 6 April 2009.
  15. ↑ John Ekongo, "New MPs take their seats", New Era, 23 March 2010.
  16. ↑ "Swapo undergoes massive transition... Complete overhaul in parliamentary ranks" Archived 21 March 2023 at the Wayback Machine, New Era, 1 September 2014.
  17. ↑ "Katjavivi is now Speaker of the National Assembly" Archived 16 November 2018 at the Wayback Machine, NAMPA, 20 March 2015.
  18. ↑ "Namibia mourns liberation hero Gurirab". Southern Times. 14 July 2018. Archived from the original on 4 May 2019. Retrieved 08 October 2025.
Retrieved from "https://tn.wikipedia.org/w/index.php?title=Theo-Ben_Gurirab&oldid=44361"