Theresa Amerley Tagoe

Theresa Amerley Tagoe
Theresa Amerley Tagoer e ne e le mopolotiki wa mme wa kwa Ghana
Mopalamente wa bokone jwa Ablekuma kwa Ghana
In office Firikgong a le malatsi a supa ngwaga wa 1997 – Firkgong a le malatsi a marataro ngwaga wa 2001
President	Jerry John Rawlings
Mothusa tona wa kgaolo ga Accra ka bophara
President	John Kufuor
Mothusa tona wa matlo le pereko
President	John Kufuor
Mothusa tona wa ditsha le dinaga
President	John Kufuor
Ka Ga Ena
O tsetswe	Theresa Amerley Tagoe Morule a le lesome le boraro ngwaga wa 1943
O Tlhokafetse	Ngwanatsele a le masome mabedi le botlhano ngwaga wa 2010 Accra
Mosetshaba wa	Ghanaian
Bonno	Ghana
Tiro	Mopolotiki

Theresa Amerley Tagoe (o o tshotsweng ka Morule a le lesome le boraro ngwaga wa 1943, a tlhokafala ka Ngwanatsele a le masome mabedi le botlhano ngwaga wa 2010) o a neng a itsege gape e le Iron Lady, e ne e le mopolotiki wa mosadi kwa Ghana,le leloko le le eteletseng pele la phathi ya New Patriotic Party, le leloko la pele la palamente ya kgaolo ya botlhophi ya Ablekuma kwa borwa.

Botshelo jwa a le mmotlana

Tagoe, wa morafe wa Ga, o tshotswe ka Morule a le lesome le boraro ngwaga wa 1943.

Thuto

Tagoe o tsene sekolo se segolwane kwa Aburi Girls kwa a neng a le moeteledipele wa baithuti ba bangwe. O alogile ka bachelor's degree ya puo ya French go tswa kwa University of Ghana.

Tsa bopelotlhomogi

Tagoe o ne a na le sekolo sa basetsana sa bokwaledi se se neng se akaretsa thuto ya French, ga mmogo le go simolola mananeo a boutlwelobotlhoko a akaretsa la go thusa basetsana ba dikhutsana go ithuta ditiro tse di nang le mosola, le lenaneo la go rekisa ditlhapi tse di omeleditsweng la basadi.

Tiro ya sepolotiki

Theresa Tagoe e ne e le mothusa tona wa kgaolo ya Accra, le mothusa tona wa ditsha,dinaga le meepo mo pusong ya ga John Kufuor.

Tagoe e ne e le mongwe wa barulaganyi ba phathi ya New Patriotic Party,ba basadi.

O tlhophilwe go ya palamenteng ka Firikgong a le malatsi a supa ngwaga wa 1997 morago ga go nna mofenyi kwa ditlhophong tsa 1996 tsa Ghana. O ne a amogela ditlhopho di le masome mararo le borobabongwe, masome a robabongwe mo lekgolong, palo e e lekanang le ditlhopho di le dikete di le masome mane le bosupa, makgolo a marataro,masome a mane le bone, a fenya Ebo Hawkson wa National Democratic Congress o ene a iponetseng masome a mararo le botlhano, masome a supa mo lekgolong,kgotsa ditlhopho di le dikete di le masome mane le bobedi,makgolo a matlhano,masome a marataro le borobabobedi.

Boswa

Tagoe o berekile e le leloko la khansele ya lefatshe,gaoe e ne e le leloko la kgansele ya basadi ba baeteledipele mo mafatsheng. Sekele ya Dansoman e ne ya reelelwa ka ene,e bidiwa "Theresa Ameley Tagoe Roundabout", le sehikantswe se ne sa tlhomiwa go mo fa tlotlo.

Botshelo jwa gagwe

Theresa Tagoe o ne a na le bana ba basimane ba le babedi.