Thuthukile Zuma

Thuthukile Zuma
Moeteledipele wa babereki, lephata la ditlhaeletsanyo le ditirelo tsa poso
In office Motsheganong 2014 – Morule 2015
Morago Ga Gagwe	Frans Mthombeni
Ka Ga Ena
O tsetswe	Moranang a le masome mabedi le borobabongwe ngwaga wa 1989
Mokgatlho	African National Congress
Batsadi	Jacob Zuma Nkosazana Dlamini-Zuma

Thuthukile Zuma (o o tshotsweng ka Moranang a le masome mabedi le borobaboedi ngwaga wa 1989) ke ngwana wa ga Jacob Zuma le mosadi wa gagwe wa pele Nkosazana Dlamini-Zuma wa gofejane mo baneng ba bone ba bane ba basetsana.

E ne e le moeteledipele wa babereki wa ga tona Siyabonga Cwele kwa lephateng la ditlhaeletsanyo le ditirelo tsa poso, a nna moeteledipele o mmotlana wa ntlha mo ofising ya tona kwa Aforika Borwa. Go thapiwa ga gagwe go ne ga kgalwa ka ntlha ya bonana jwa gagwe, go ipelaetswa fa a tlhaela kitso ya maemo ao, le go bo a le gaufi thata ka losika le tautona, se se gwetlha pelaelo ya go thapa ka losika.

Dingangisano

Thuthukile Zuma o ne a tlhasela phathi ya MK are ga e na lepele le le morago.

Botshelo jwa a le mmotlana

Zuma o alogile kwa Westerford High School ka Morule 2006, a ya go feleletsa degree ya gagwe ya anthropology ka 2012 kwa University of Witwatersrand. Ene le mogolowe Nokuthula Nomaqhawe le Gugulethu Zuma-Ncube ba na le kompone ya Nyenyedzi Productions, e e gatisitseng setshwantsho se se kgatlhisang sa Mzansi magic sa It's For Life, ka 2011. Ka 2011 gape, ene le mogolowe Gugulethu ba ne ba ithaopa kwa Luthuli House, ofisikgolo ya African National Congress.

O ne a nna leloko la lekgotla la tshireletso ya lefatshe e le o o amanyang kompone le setshaba selekanyo sa ngwaga, morago ga ditlhopho tsa 2015, o ne a ya go nna moeteledipele wa babereki mo lephateng la ditlhaeletsanyo le ditirelo tsa poso, kwa a neng a amogela madi a ngwaga le ngwaga a a tsamaelang sedikadike. Go ne ga begiwa fa maemo ao a ise ke a itsisiwe setshaba, le ntswa melawana ya phiro e re go tshwanetse go diriwa jalo. Pego e e tswang kwa lephateng e ne ya supa fa tona a bone boitseanape jwa gagwe go dira tiro eo. Losika lwa gagwe lo ne lo sa lebelelwa. Komiti ya pereko e ne ya tlhotlhomisa go thapiwa ga gagwe morago ga ikuelo ya batho.

Zuma o ne aithola marapo mo maemong a gagwe a moteledipele wa babereki ka Morule 2015. Ka 2017 o ne a tswelela ka go amana le ANC, le dipolotiki mo boemong jwa ga rragwe le mmaagwe.