Tiny Chotelo

Tiny Chotelo
Mokhanselara wa Kapa Bokone wa tlshomarelo tikologo le tlholego
In office Motsheganong a le masome mararo ngwaga wa 2014 – Tlhakole a le lesome le botlhano ngwaga wa 2018
Premier	Sylvia Lucas
Pele Ga Gagwe	Patrick Mabilo
Morago Ga Gagwe	Pauline Williams
Mokhanselara wa ditlhabololo wa Kapa Bokone
In office Seetebosigo a le malatsi a matlhano ngwaga wa 2013 – Motsheganong a le masome mararo ngwaga wa 2014
Premier	Sylvia Lucas
Pele Ga Gagwe	Alvin Botes
Morago Ga Gagwe	Mxolisa Sokatsha
Mopalamente wa kgaolo ya Kapa Bokone
In office Motsheganong a le malatsi a marataro ngwaga wa 2009 – Motsheganong a le malatsi a supa ngwaga wa 2019
Ka Ga Ena
O tsetswe	Mopitlo a le malatsi a matlhano ngwaga wa 1962 Gatlhose, Kapa, Aforika Borwa
Mokgatlho	African National Congress
Thuto	Batlharo Tlhaping High School
Alma mater	Thaba Nchu College of Education University of Port Elizabeth
Itsege ka	Mopolotiki

Cukelwa Magdeline Chotelo (o o itsegeng ka leina la Tiny Chotelo; o o tshotsweng ka Mopitlo a le malatsi a matlhano ngwaga wa 1962), ke mopolotiki wa Aforika Borwa. Ke leloko la African National Congress, o ne a tlhophilwe mo palamenteng ya Kapa Bokone ka 2009. Ka 2013 o ne a tlhomiwa leloko la khansele la ditlhabololo. O ne a tlhomiwa mokhanselara wa tlholego le tshomarelo tikologo ka 2014. Chotelo o ne a isiwa maemo tlase ka 2018 a tswa mo khanseleng ka 2019.

Botshelo jwa a le mmotlana le thuto

Chotelo o tsholetswe mo lolwapeng kwa Batswana ka Mopitlo a le malatsi a matlhano ngwaga wa 1962 kwa Gatlhose kwa kgaolong e e neng e le Kapa pele kwa Aforika Borwa. O tsene sekolo sa Batlharo Tlhaping. O ne a aloga ka diploma go tswa kwa Thaba Nchu College of Education. Go tswa kwa University of Port Elizabeth gone o alogile ka highe diploma ya thuto.

Tsa Pereko

Chotelo e ne e le mothusa modulasetilo wa lekgotla la bomme la Manyano le tlhogo ya lephata kwa Gamocwaedi Primary kwa Deurhaam,Kuruman. Ka 1996, o ne a nna leloko la lekanala la ANC la ga Joe Morolong. O ne a nna mokwaledi wa lekalana leo ka 1998.Chotelo o ne a tlhatlosiwa maemo go nna motshwara madi ka 2000 a nna leloko la komiti ya kgaolo ya Kgalagadi. Ka 2004 o ne a nna mothusa modulasetilo wa lekgotla la bomme la African National Congress. Chotelo o ne a tlhophiwa mo komiting ya kgaolo ka 2009.

Puso ya kgaolo

O ne a tlhophiwa go ya palamenteng ya kgaolo ya Kapa Bokone mo ditlhophong tsa Moranang a le masome mabedi le bobedi ngwaga wa 2009 a tsena mo ofising ka Motsheganong a le malatsi a marataro ngwaga wa 2009. O ne a tlhomiwa modulasetilo wa komiti ya temothuo, dipalamo le pereko. Ka 2010 o ne a tlhomiwa modulasetilo wa badulasetilo le modulasetilo wa komiti ya pabalesego, tirosanommogo le ditsela le pereko.

Chotelo o ne a tlhophilwe go nna leloko la khansele ya ditlhabololo ke moeteledipele Sylvia Lucas ka Seetebosigo a le malatsi a matlhano ngwaga wa 2013. Chotelo o ne a tlhatlhama Mxolisa Sokatsha.

Morago ga ditlhopho tsa 2014, Chotelo o ne a simolola setlha sa bobedi e le leloko la palamente ka Motsheganong a le masome mabedi le motso ngwaga wa 2014. Ka Motsheganong a le masome mararo, Lucas o ne a itsise khansele ya gagwe e ntsha. O ne a neela Chotelo maemo a mokhanselara wa tshomarelo tikologo le tlholego, a tlhatlhama Patrick Mabilo. O ne a fokodiwa maemo mo khanseleng ka Tlhakole 2018.

Chotelo o dule mo palamenteng ka Motsheganong 2019, ka a ne a sa tlhagelele mo lenaaneng la ANC la bo ntlhopheng ba ditlhopho tsa 2019.

Botshelo jwa gagwe

Chotelo o nyetswe o na le bana ba le bararo.