Tjama Tjivikua

Tjama Tjivikua
Mothusa mogokgo wa Namibia University of Science and Technology
In office 1995 – Mopitlo 2019
Morago Ga Gagwe	Erold Naomab
Ka Ga Ena
O tsetswe	1958 Phukwi a le masome mabedi le bosupa Otjomupanda
Mo/Bakapelo	Neavera Olivier
Bonno	Windhoek, Namibia
Alma mater	Rockland Community College Lincoln University University of Lowell University of Pittsburgh Massachusetts Institute of Technology
Tiro	Ramaranyane

Tjama Tjivikua (o o tshotsweng ka Phukwi a le masome mabedi le bosupa ngwaga wa 1958) ke morutegi ebile ke mogwebi wa kwa Namibia. E ne e le mogokgo wa Polytechnic of Namibia kwa Windhoek fa e sale e bulwa ka 1995. Fa sekolo se ne se fiwa leina le lešha la Namibia University of Science and Technology ka 2015, Tjivikua o ne a tswelela ka go se etelela pele, a le mo maemong bogokgo go fitlhelela ka Mopitlo 2019.

Botshelo jwa a le mmotlana le thuto

Tjivikua o tshotswe ka Phukwi a le masome mabedi le bosupa ngwaga wa 1958 kwa Otjomupanda, kwa kgaolong ya Otjondjupa. Mmaagwe e ne e le mooki, fa rraagwe e ne e le morutabana, O goletse kwa Oruua kwa Ovitoto, a simolola sekolo se sebotlana ka 1965 kwa St Barnabas Anglican School kwa Windhoek kwa Old Location. Ba lolwapa lwa gagwe ba ne ba fudugela kwa Katutura ka ntlha ya go fudusiwa ka dikgoka ga batho bantsho go stwa kwa Old Location, a tsweledisa sekolo koo. Morago ga go fetsa sekolo se segolwane sa Augustineum ka 1976 go tsena 1978, Tjivikua o ne a bereka kwa bankeng ya Barclays (e gompieno e leng First National Bank) kwa Windhoek.

Tjivikua o dule kwa Namibia ka Seetebosigo 1979 go ithuta Chemistry kwa United States kwa Rockland Community College go tswa ka 1979 go tsena 1980, le kwa Lincoln University go tswa ka 1980 go tsena 1983, kwa a alogileng a le kwa godimo mo setlhopheng sa gagwe. O ne a fetsa MSc kwa University of Lowell le PhD kwa University of Pittsburgh le Massachusetts Institute of Technology. Patlisiso ya gagwe e ne e le ka go lemoga dimolekhule mo khemisiting ya dikhemikale. E ne e le mosekaseki o o lemogiwang thata ka nako eo, o berekile e le mothusa morutuntshi wa Chemistry kwa Lincoln University go tswa ka 1990 go tsena 1995.

Tsa Pereko

Ka ngwaga wa 1995, Tjivikua o ne a boela Namibia go nna mogokgo wa Polytechnic of Namibia. Fa sekolo se se fetolwa leina go nna Namibia University of Science and Technology ka 2015, Tjivikua o ne a tswelela a se eteletse pele go fitlhelela ka Mopitlo 2019. Morne du Toit le Andrew Niikondo ba ne ba thapiwa go tshwarelela mameo ao ka tatelano go fitlhelela Erold Naomab a thapiwa ka 2021.

Tjivikua o berekile mo makgotleng a lefatshe a tshwana le komiti ya go loga maano go tswa ka 1998 go tsena 2006, komiti ya diphitlhelelo (1997 go tsena gompieno) khansele ya thuto e kgolwane (2006 go tsena gompieno) le a mangwe. O na le dikgatlhego di le mmalwa tsa dikgwebo, di akaretsa, tsa madi, temothuo le lookwane.