Tjekero Tweya

Motlotlegi Tjekero Tweya Mopalamente
Tona wa dikgwebo le mehama le ditlhabololo
In office 2018–2020
President	Hage Geingob
Pele Ga Gagwe	Immanuel Ngatjizeko
Morago Ga Gagwe	Lucia Iipumbu
Tona wa ditlhaeletsanyo
In office 2015–2018
President	Hage Geingob
Pele Ga Gagwe	Joel Kaapanda
Morago Ga Gagwe	Stanley Simataa
Mothusa tona wa tsa kgwebo le mehama
In office 2010–2015
President	Hifikepunye Pohamba
Mothusa tona wa tsa madi
In office 2005–2010
President	Hifikepunye Pohamba
Ka Ga Ena
O tsetswe	1960 Seetebosigo a le lesome le borobabobedi Shamundambo, South west Africa
Mosetshaba wa	Namibian
Mokgatlho	[SWAPO
Alma mater	University of namibia

Tjekero Tweya (o o tshotsweng ka Seetebosigo a le lesome le borobabobedi ngwaga wa 1960 kwa Shamundambo, kwa kgaolong ya Okavango) ke mopolotiki wa Namibia le leloko la lekgotla la babereki. Tweya ke leloko la palamente la SWAPO. O berekile mo palamenteng ya Namibia e le tona wa madirelo, kgwebo le tlhabololo dikgwebo tse dipotlana, a bereka gape e le tona wa ditlhaeletsanyo.

Botshelo le thuto

Tweya o alogile ka diploma tsa borutabana ka 1988 a bereka e le morutabana le mogokgo ka dingwaga tsa 1989 go tsena 1992. O ne a fudugela kwa Windhoek a berekela lephata la thuto go fitlhelela ka 1996. Ka 1997 o ne a nna moeteledile wa phiro kwa TransNamib le kwa Telecom Namibia.

Tweya o feditse dithuto tsa borutabana kwa University of Namibia ka 1993 le MBA kwa Management College of Southern Africa ka 2012. O na le ditlankana go tswa kwa dikolong tsa ithutelo ditiro tsa Manchester le Harvard.

Tiro ya gagwe mo sepolotiking

Tweya o nnile leloko la SWAPO ka 1975. Ka 1985 Tweya o ne a thusa go tlhama le go nna modulasetilo wa mokgatlho wa baithuti ba Namibia ka dingwaga tsa 1989 go tsena 1991, le go nna tautona wa lekgotla la babereki la Namibia, le le kopantseng makgotla a babereki a Namibia ka dingwaga tsa 1991 le 1993.

Tweya o ne a thapiwa e le mothusa tona wa madi ka 2005. Ka 2010 o ne a fudusediwa kwa lephateng la dikgwebo le madirelo go nna mothusa tona, ka 2015 o ne a tlhatlosiwa maemo go nna tona wa ditlhaeletsanyo. Mo tirong ya go tswakanya mapalamente ka Tlhakole 2018 o ne a nna tona wa madirelo le dikgwebo. O berekile mo lephateng le go fitlhelela ka Mopitlo 2020.