Tom Alweendo

Motlotlegi Tom Alweendo
Tom Alweendo ka 2024
Tona wa meepo le kgothetso
In office Tlhakole a robabobedi ngwaga wa 2018 – Mopitlo a le masome mabedi le motso ngwaga wa 2025
President	Hage Geingob
Prime Minister	Saara Kuugongelwa
Pele Ga Gagwe	Obeth Kandjoze
Tona wa ofisi ya ga tautona, moeteledipele wa komiti ya dithulaganyo
In office Mopitlo a le masome mabedi le motso ngwaga wa 2010 – Tlhakole a robabobedi ngwaga wa 2018
President	Hifikepunye Pohamba]] Hage Geingob
Prime Minister	Hage Geingob
Pele Ga Gagwe	Helmut Angula
Morago Ga Gagwe	Obeth Kandjoze
Molaodi wa banka ya Namibia
In office Firikgong a rogwa ngwaga wa 1997 – Mopitlo a le masome mabedi le botlhano ngwaga wa 2010
President	Sam Nujoma Hifikepunye Pohamba
Prime Minister	Hage Geingob Theo Ben-Gurirab Nahas Angula
Pele Ga Gagwe	Jaafar Ahmad
Morago Ga Gagwe	Ipumbu Shiimi
Ka Ga Ena
O tsetswe	Mopitlo a le lesome le bosupa ngwaga wa 1958 Omusheshe
Alma mater	University of Witwatersrand

Thomas Kavaningilamo Alweendo (o o tshotsweng ka Mopitlo a le lesome le bosupa ngwaga wa 1958 kwa Omsheshe, kwa kgaolong ya Oshana) ke mopolotiki wa kwa Namibia o o berekileng e le tona wa meepo le kgothetso go tswa ka Tlhakole a robabobedi ngwaga wa 2018 go tsena Mopitlo a le masome mabedi le motso ngwaga wa 2025. Ka 1997, o ne a nna molaodi wa ntlha wa mo Namibia wa banka ya Namibia fa a tlhatlhama Jafaar bin Ahmad wa Malaysia.

Ka 2010, Alweendo o ne a tlhophiwa go etelela pele komiti ya dithualaganyo tsa lefatshe. Fa Hage Geingob a nna tautona ka Mopitlo 2015, o ne a tlhomamisa Alweendo mo maemong ao. Mo tswakanyong ya matona ka 2018, Alweendo o ne a nna tona wa meepo le kgothetso, a fapaana le Obeth Kandjoze.

Thuto

Alwendo o na le bachelor's degree go tswa kwa University of the Witwatersrand kwa Aforika Borwa le Master of Business Administration go tswa kwa University of Wales kwa United Kingdom.

Jaaka molaodi wa banka ya Namibia, o ne a tshegetsa kamano ya dolara ya Namibia le ranta ya Aforika Borwa. Mo dikatlegong tsa gagwe ka nako ya gagwe kwa bankeng ya Namibia ke go dira gore mafaratlhatlha a dituelo le a dibanka a nne mo gae ga mmogo le go tlhama lefelo la matlhale a madi. O ne a supa tshwenyego ka go oketsega ga sekoloto sa puso a botsa fa madi a a dirisiwang mo thutong a ntsha maduo a a botoka.

Ka Mopitlo 2022, Alweendo o ne a baya monwana tumalano le tona wa tsa itsholelo wa Germany, Robert Habeck, go dirisana mmogo mo go tsholetseng tlhabololo ya phefo e tala.