TransNamib

Terena ya TransNamib kwa borwa jwa Keetmanshoop

TransNamib Holdings Limited (TransNamib) ke kompone ya diporo ya puso ya Namibia. Kompone e e bereka le tsa dithoto ka seporo le ka tsela, ga mmogo le terena ya bapagami. Diofisikgolo tsa yone di kwa toropokgolong ya lefatshe leo ebong Windhoek.

Ditso

Seporo sa ntlha sa mo gae se agilwe ka ngwaga wa 1895 ke kompone ya Damaraland Guano. Seporo sa ntlha sa morafe ebile e le boremelelo jwa magokaganyane a gompieno, se agilwe ke puso ya bokolone ya Jeremane. Kopanyo ya dikhilomithara di le makgolo a mararo, masome a robabobedi le boraro gareng ga Swakopmund le Windhoek e ne ya tlhilomowa semmuso ka Seetebosigo a le lesome le borobabongwe ngwaga wa 1902. Seporo sa ma Jeremane se ne sa okamelwa ke Railways of South Africa morago ga ntwa ya ntlha ya mafatshe, ya amanngwa le magokaganyane a Aforika Borwa. Morago ga boipuso jwa Namibia, TransNamib e ne ya tsaya taolo ya magokaganyane a seporo.

Ditirelo

TransNamib e simolotse go dira ka seporo sa dikhilomithara di le dikete pedi, makgolo a robabobedi, masome a robabobedi le boraronka ngwaga wa 1995. Fa e sale jalo, go okeditswe seporo mo magokaganyaneng ka kanamiso ya kwa bokone.

Ka ngwaga wa 2011, tsela ya Karasburg - Ariamsvlei e ne ya senngwa ke dipula tse di matsorotsoro, ditirelo di ne tsa emisiwa ka nakwana.

Ditsela le maemelo

• Windhoek-Tsumeb/Walvis Bay
  • Windhoek Railways Station
  • Okahandja
  • Karibib
    • Swakopmund
    • Walvis Bay
  • Omaruru
  • Otjiwarongo
  • Tsumeb
• Northern Extension
  • Tsumeb
  • Ondangwa (e feditswe ka 2006)
  • Oshikango (e santse e baakangwa, e tlaa amana le Angola mo bokamosong)