Tsakani Shiviti

Motlotlegi Tsakani Shiviti Mopalamente
Mopalamente
Incumbent
Assumed office Seetebosigo a le lesome le bone ngwaga wa 2024
Mothusa mokwaledi-mogolo wa lekgotla la banana la African National Congress
In office Phukwi a rogwa ngwaga wa 2023 – Motsheganong a le masome mabedi le borobabobedi ngwaga wa 2024 Serving with Olga Seate
President	Collen Malatji
Mokwaledi-Mogolo	Mntuwoxolo Ngudle
Pele Ga Gagwe	Thandi Moraka
Ka Ga Ena
O tsetswe	Tsakani Goodness Shiviti Motsheganong a le lesome le bobedi ngwaga wa 1990 Malamulele Transvaal]] South Africa
Mokgatlho	African National Congress
Alma mater	University of Limpopo

Tsakani Goodness Shiviti ( o o tshotsweng ka Motsheganong a le lesome le bobedi ngwaga wa 1990) ke mopolotiki wa kwa Aforika Borwa o o emetseng African National Congress (ANC) fa e sale ka Seetebosigo 2024. Ke mokwaledi mogolo wa lekgotla la ANC la banana. Kwa palamenteng, ke modulasetilo wa komiti ya maranyane le botegeniki.

Botshelo jwa gagwe le thuto

A tshotswe ka Motsheganong a le lesome le bobedi ngwaga wa 1990, Shiviti o tsholetswe a bo a godisiwa kwa Mapapila, motse o o kwa Malamulele kwa e leng Limpopo gompieno. Ene le batsalwa le ene ba barataro ba godisitswe ke nkuku wa bone fa batsadi ba bone ba bereka kwa Gauteng. Lolwapa lwa gagwe ke ba lotso lwa Tsonga.

Morago ga sekolo se segolwane, o ne a tswa kwa lolwapeng kwa ntle ga kemo nokeng ya batsadi ba gagwe  go tsena sekolo sa ithutelo ditiro sa University of Limpopo, a tsena ka thuso ya South African Students Congress (SASCO) le madi a a neng a a bolokile fa a santse a dira moriri. O alogile la Bachelor of Arts ya ditlhaeletsanyo. O ne a tlhophiwa e le mothusa tautona wa SASCO ka 2016, ka nako ya letsholo la #FeesMustFall.

Tiro ya sepolotiki

Morago ga go aloga, Shiviti o ne a bereka mo makgotleng a dikgwebo potlana. Small Enterprise Finance Agency le Small Enterprise Development Agency. Ka Phukwi a rogwa ngwaga wa 2023, o ne a tlhophiwa e le mothusa mokwaledi mogolo wa African National Congress (ANC) mo lekgotleng la banana, a thusa mokwaledi mogolo Mntuwoxolo Ngudle; kwa bokopanong joo, Olga Seate o ne a tlhophiwa go nna mothusa mokwaledi wa bobedi, e le maemo a a neng a sa tswa go tlhamiwa.

Mo ditlhophong tsa Motsheganong 2024, Shiviti o ne a tlhophiwa go emela ANC kwa palamenteng ya Aforika Borwa. O mo komiting ya maranyane le botegeniki, e e neng ya mo tlhopha go nna modulasetilo wa yone ka bongwefela jwa pelo ka Phukwi a le lesome ngwaga wa 2024. Fa a le mo maemong ao ka Ngwanatsele 2024, o ne a supa matshwenyego ka lobelo lo Aforika Borwa a tsamayang ka lone mo go fetogeleng kwa dikoloing tsa motlakase, a re phetogo e e tshwanetse go sala morago thulaganyo e potlana mo pusong e le tsela ya go fema kgoreletso mo mmarakeng. Kgwedi eo SABC e ne ya mo inola a kgothatsa ba ba neng ba le teng kwa ditshupong tsa sepolotiki kwa Mbombela go tsaya dimausu tse di le mo diatleng tsa batswakwa.

Botshelo jwa gagwe

Shiviti ke MoKeresete.