Tsudao Gurirab

Tsudao Immanuel Gurirab( o o tshotsweng ka Firikgong a le malatsi a mabedi ngwaga wa 1962) ke mopolotiki wa kwa Namibia. Ke leloko la Congress of Democrats (CoD), Gurirab pele e ne e le leloko la South West Africa People's Organization (SWAPO) go fitlhelela ene le Ben Ulenga, Ignatius Shixwameni le ba bangwe ba ne ba tswa mo SWAPO go tlhama CoD ka 1999. E ne e le leloko la palamente ya Aforika o mongwe fela,e le ene fela o o tlhophilweng go tswa Namibia e se wa phathi ya SWAPO. Ka 2007, Gurirab o ne a tlhophiwa go nna modulasetilo wa phathi.

Thuto

Gurirab o ne a tshaba le SWAPO, a aloga ka diploma go tswa kwa United Nations Institute for Namibia kwa Lusaka,Zambia ka 1983, BA mo go tsa itsholelo go tswa kwa University of Sussex ka 1984, le MA mo go tsa melao le tsamaiso go tswa kwa University of Namibia/Institute of Social Sciences kwa The Hague, Netherlands.

Tiro ya sepolotiki

Gurirab o ne a nna bontlha jwa lephata la itsholelo la SWAPO e le mosekaseki kwa Luanda, Angola go tswa ka 1987 go tsena 1988.Morago ga go fela ga ntwa ya Namibia ya boipuso,Gurirab o ne a bereka e le leloko la lekgotla la barulaganyi ba pampiri ya dikgang ya SWAPO ya Namibia Today, le mo setlhopheng sa ditlhopho sa phathi eo ka 1989. Go tswa ka boipuso ka 1990 go fitlhelela ka 1995, Gurarib o o tswang kwa Usakos e ne e le mokwaledi mogolo wa lephata la kgwebo le marekisetso fa Ben Amathila e ne e le tona. O tlogetse polotiki ka 1995 a bereka e le wa itsholelo o o ikemetseng ka nosi. Gurirab le maloko a mangwe a tlhwatlhwa a SWAPO ba ne ba ya go nna maloko a CoD ka 1999. Mo ditlhophong tsa 1999, phathi e ntsha e ne ya iponela ditilo di le supa mo go di le masome a supa le bobedi, ba lekalekana la Democratic Turnhalle Alliance (DTA) mo maemong a bobedi mo palamenteng ya Namibia le setilo sa ga Gurirab. Gurirab o ne a nna mo setilong seo mo ditlhophong tsa 2004 e le wa boraro mo lenaaneng la CoD la ditlhopho tsa palamente, le ntswa ba ne ba latlhegetswe ke ditilo di le pedi. Gurirab o ne a seka a tlhophiwa gape mo ditlhophong tsa 2009, ka moeteledipele wa CoD Ben Ulenga, e le ene fela o a neng a tlhophilwe gape.

Tsa kgwebo

Gurirab, o o katiseditsweng tsa itsholelo, ke mookamedi wa Tulajo Financial Holdings, kompone e e fang dithuso tsa madi. O na le diabe di le dikete di le lesome le bosupa, lekgolo,lesome le borobabobedi kwa First National Bank Holdings.