Tuti Faal

Tuti Faal
Mohumagadi wa Gambia
In office Ngwanatse le a le malatsi a marataro ngwaga wa 1996 – 1997
President	Yahya Jammeh
Pele Ga Gagwe	Fanta Singhateh
Morago Ga Gagwe	Zeinab Jammeh
Ka Ga Ena
O tsetswe	Kembujeh, The Gambia
Mo/Bakapelo	Yahya Jammeh

Tuti Faal, o o itsegeng gape ka leina la Tuti Faal Jammeh (o o tshotsweng ka 1953 kwa Kembujen, ke mohumagadi wa pele wa lefatshe la bophirima jwa Aforika la Gambia. Jaaka mosadi wa ntlha wa ga tautona Yahya Jammeh, e ne e le mohumagadi go tswa ka 1994 go fitlhelela ba kgaogana ka 1998.

Ka botshelo jwa gagwe

Lolwapa lwa ga Tuti Faal lo ne lo tswa kwa Mauritania. Faal o bereketse kompone ya ditlhaeletsanyo ya Gambia, Gambia Telecommunications Company.

Yahya Jammeh o nyetse Tuti Faal ka Lwetse 1994,dikgwedi fela morago ga go atlega mo go thankgoleng puso. E ne e le lonyalo lwa ntlha lwa ga Jammeh.

Tuti Faal o buile kwa bokopanong jwa mafatshefatshe jwa basadi kwa Beijing ka 1995, ka seemo sa basadi kwa Gambia. Ka Phalane 1997,o ne a ya kwa United States le monna wa gagwe mo loetong lwa tiro.

Ka a ne a sena bana mo lonyalong lwa bone,tautona Jammeh go bolelwa fa a ne a mo romela Saudi Arabia ka 1997 go tlhatlhobiwa. Ka Morule 1997, o ne a nyala Zeinab Jammeh a tlhala Tuti Faal fa a santse a le mo tlhatlhobong. Morago ga tlhalo,Tuti Faal o ne a tswa kwa ntlong ya botautona a ya go itshetlela kwa gae kwa Kembujeh.

O ne a ya go fetsa dingwaga tse pedi kwa Mauritani pele ga a boela Gambia ka 2006. Babegadikgang ba Gambia ba ne ba bega gore Jammeh o agetse Faal ntlo ebile o mo etela kgapetsakgapetsa. Go ne go na le magatwe a gore Jammeh o nyala gape.

Ka 2015, o ne a dira kopo ya botshabi kwa United States, a fudugela kwa Seattle, Washington.