Victor Ntweng
Victor Bonnye Ntweng (o tshotswe ka kgwedi ya Sedimonthole e thola bongwe ka ngwaga wa sekete, makgolo a robabongwe le masome a robabongwe le botlhano (1995) ke moatlelete wa sekgatshi. Ke motho yo a kileng a nna mmamoratwa wa bosetšhaba wa go feta dimetara di le makgolo a mane (400 )tsa Botswana.[1]
Ditso
[fetola | Fetola Motswedi]Ke leloko la setlhopha sa diatleletiki sa Maun BDF mme o katisiwa ke Kebonyemodisa Mosimanyane[2] [3]. Ntweng e ne e le motabogi wa dimetara di le makgolo a mane (400) pele a fetogela mo go 400m hurdles. O ne a tlhoma rekoto e ntšhwa ya bosetšhaba ya 49.80 ya metsotswana ya 400m hurdles ka ngwaga wa dikete tse pedi le masome a mabedi le bobedi (2022).[4]O ne a fetsa a le bosupa kwa Dikgaisanyong tsa Aforika tsa Athletics kwa Saint Pierre, Mauritius ka kgwedi ya Seetebosigo ka ngwaga wa dikete tse pedi le masome a mabedi le bobedi (2022). [5]O ne a tlhophiwa go emela Botswana kwa Metshamekong ya Commonwealth ya ngwaga wa dikete tse pedi le masome a mabedi le bobedi (2022) kwa Birmingham. [6]
Ka kgwedi ya Tlhakole ka ngwaga wa dikete tse pedi le masome a mabedi le bone (2024)'o ne a fokotsa rekoto ya gagwe e e gaisang le ya bosetšhaba go nna 49.14 ya metsotswana.[7] O ne a gapa sekgele sa selefera kwa Metshamekong ya Aforika ya 2023 kwa Accra ka metsotswana e le 49.38. [8]
Ka kgwedi ya Seetebosigo ka ngwaga wa dikete tse pedi le masome a mabedi le bone (2024), o ne a gapa gouta mo metshamekong ya 400 metres hurdles kwa African Championships kwa Douala, Cameroon. [9]O ne a gaisana kwa Diolimpiking tsa Selemo tsa 2024 kwa Paris ka kgwedi ya Phatwe ka ngwaga wa dikete tse pedi le masome a mabedi le bone (2024), mo metshamekong ya 400 metres hurdles.[10]
O ne a gaisana kwa 2025 World Athletics Relays kwa China mo go Mixed 4 × 400 metres relay ka kgwedi ya Motsheganong ka ngwaga wa dikete tse pedi le masome a mabedi le botlhano (2025).[11] O ne a tlhophiwa go tsenela dikgaisano tsa bommampodi tsa lefatshe tsa metshameko ya diatleletiki kwa Tokyo, Japan, ka kgwedi Lwetse ka ngwaga wa dikete tse pedi le masome a mabedi le botlhano (2025), mme o ne a le mo semi-finalling mo metshamekong ya banna ya 400 metres hurdles, o ne a dira rekoto ya gagwe ya metsotso e le 48.54 mo kgaisanong ya ntlha. [12]
Ka kgwedi ya Motsheganong ka ngwaga wa dikete tse pedi le masome a mabedi le borataro (2026)' o ne a gapa sekgele sa selefera mo metshamekong ya go taboga ka dikgoreletsi ya dimetara di le 400 kwa Metshamekong ya Aforika ya ngwaga wa dikete tse pedi le masome a mabedi le borataro (2026 )kwa Accra, Ghana. [13]
Metswedi
[fetola | Fetola Motswedi]- ↑ Victor Ntweng". World Athletics. Retrieved 22 March 2024.
- ↑ Botswana: Mosimanyane - Man On Golden Mission". All.Africa. 2 December 2020. Retrieved 22 March 2024.
- ↑ Ramono, Kitso (1 February 2024). "A star is born". The Voice BW. Retrieved 22 March 2024.
- ↑ "African Athletics Championships". World Athletics. 8 June 2022.
- ↑ "NTWENG SETS 400M HURDLES NATIONAL RECORD". Daily News. 14 March 2022. Retrieved 22 March 2024.
- ↑ Sekgweng, Baitshepi (3 August 2022). "Redemption time". The Voice BW. Retrieved 22 March 2024
- ↑ "Invitational Track and Field Event". World Athletics. 17 February 2024. Retrieved 22 March 2024.
- ↑ Chepkoech sets championship record and Zango retains title at African Games". World Athletics. 22 March 2024. Retrieved 22 March 2024.
- ↑ Brume sails to fourth title as Bass Bittaye and Moraa win at African Championships in Douala". World Athletics. 24 June 2024
- ↑ Men's 400m Hurdles Results - Paris Olympic Games 2024 Athletics". Watch Athletics. 9 August 2024. Retrieved 30 August 2024.
- ↑ Mixed 4x400 Metres Relay - World Athletics Relays Championships 2025". Watch Athletics. 11 May 2025. Retrieved 13 May 2025.
- ↑ "World Athletics Championships, Tokyo 2025". World Athletics. 16 September 2025. Retrieved 23 September 2025.
- ↑ African Athletics Championships 2026: Lee Eppie leads Botswana charge as Day 3 delivers first medals for hosts Ghana". Olympics. 14 May 2026. Retrieved 14 May 2026.