Vida Akoto-Bamfo

Vida Akoto Bamfo
Moatlhodi wa kgotlatshekelo ya Ghana
In office Phatwe a le masome mararo le motso ngwaga wa 2009 – Tlhakole a le lesome le bone ngwaga wa 2019
Nominated by	John Atta Mills
Appointed by	John Atta Mills
Moatlhodi wa kgotlatshekelo ya boikuelo ya Ghana
In office 1991–1999
Nominated by	Jerry Rawlings
Ka Ga Ena
O tsetswe	Tlhakole a le malatsi a supa ngwaga wa 1949
Mosetshaba wa	Ghanaian
Alma mater	Aburi Girls High School University of Ghana
Tiro	Moatlhodi

Vida Akoto-Bamfo (o o tshotsweng ka Tlhakole a le malatsi a supa ngwaga wa 1949) ke moatlhodi wa kgotlatshekelo ya kwa Ghana wa pele. O berekile kwa kgotlatshekelong go tswa ka 2009 go tsena 2019.

Botshelo jwa gagwe le thuto

Vida Akoto-Bamfo o tshotswe ka Tlhakole a le malatsi a supa ngwaga wa 1949,ke Bannerman-Williams le Grace Darkua Dodoo kwa Pokuase, kwa kgaolong e e mabapi le Accra kwa Ghana. O tsene sekolo se sepotlana kwa Accra Royal School kwa toropong ya James. Ka 1963, o ne a amogelwa kwa sekolong se segolwane sa basetsana sa Mfantsiman kwa a alogileng ka setlankana sa O Level. O ne a ya go tsweledisa dithuto kwa Aburi Girls go tswa ka 1967 go tsena 1969. O ithutetse molao kwa University of Ghana Law School ka 1972 go tsena 1975. O ne a ya go tsweledisa dithuto tseo kwa Ghana School of Law kwa Accra.

Tsa Pereko

Pele ga a bereka e le mmueledi ka 1981,Akoto-Bamfo o berekile kwa ofising ya ramelao a berekela puso. O ne a ya go berekela kompone ya British Indian kwa Accra, le e e sa tlholeng e bereka ya Zenith Assurance, e le mogogi wa yone o o lebaganeng le dikopo,go tswa ka 1976 go tsena 1981. O ne a nna makaseterata wa kgaolo ka 1981. Fa a le makaseterata, o ne a bewa pele kwa kgotlatshekelong ya mmakaseterata kwa New Town dingwaga tse pedi tsa ntlha. Morago o ne a fudusediwa kwa Cocoa Affairs kwa a berekileng e le mongwe wa bo mmakaseterata ba ntlha koo. Morago o ne a tlhomiwa moatlhodi wa setlhopha sa dikgaolo kwa Tema ka nakwana pele ga a boela Cocoa Affairs go tswa nako eo go fitlhelela 1991 fa a tlhatlosiwa maemo go pagama setilo sa kgotlatshekelo e tona dingwaga tse tharo. Morago ga go bereka e le moatlhodi dingwaga tse tharo, o ne a fudusediwa kwa Gambia dingwaga tse pedi e le modulasetilo wa komiti ya dithoto. O ne a tlhomiwa moatlhodi wa kgotlatshekelo ya ikuelo ka 1999, a tswelela a le mo maemong a go fitlhelela a tlhophiwa a bo a tlhomiwa kgotlatshekelo kgolo ya Ghana ke John Evans Atta Mills, tautona wa Ghana ka 2009. O ne a ithola marapo ka Tlhakole 2019. O ne a thapiwa le Nasiru Sulemana Gbadegbe le Benjamin Teiko Aryeetey (o a ithotseng marapo). O ne a ya go bereka le baatlhodi bagolo Stephen Alan Brobbey,Georgina Theodora Wood le Samuel K Date-Bah, ba botlhe ba ithotseng marapo.

Botshelo jwa gagwe

Vida Akoto-Bamfo o ne a nyetswe ke Eugene Akoto-Bamfo Snr. mmueledi. O ne a itshupa fa a le wa kereke ya Methodist mme a obama kwa kerekeng ya Police.