Wendy Nelson (Mopolotiki)

Wendy Nelson
Mokhanselara wa bojanala wa Bokone Bophirima
In office Morule a le malatsi a marataro ngwaga wa 2018 – Motsheganong a le malatsi a supa ngwaga wa 2019
Premier	Job Mokgoro
Pele Ga Gagwe	Desbo Mohono
Morago Ga Gagwe	Kenetswe Mosenogi
Mokhanselara wa Bokone Bophirima wa madi, itsholelo le tlhabololo dikgwebo
In office Motsheganong a le masome mabedi le bosupa ngwaga wa 2014 – Morule a le malatis a marataro ngwaga wa 2018
Premier	Supra Mahumapelo Job Mokgoro
Pele Ga Gagwe	Paul Sebegoe
Morago Ga Gagwe	Wendy Matsemela
Mopalamente wa kgaolo ya Bokone Bophirima
In office Motsheganong a le masome mabedi le motso ngwaga wa 2014 – Motsheganong a le malatsi a supa ngwaga wa 2019
Leloko la palamente ya Aforika Borwa
In office Motsheganong a le malatsi a marataro ngwaga wa 2009 – Motsheganong a le malatsi a marataro ngwaga wa 2014
Ka Ga Ena
O tsetswe	Wendy Joy Nelson Morule a le masome mabedi le botlhano ngwaga wa 1962
Mosetshaba wa	mo Aforika Borwa
Mokgatlho	African National Congress

Wendy Joy Nelson (o o tshotsweng ka Morule a le masome mabedi le botlhabo ngwaga wa 1962) ke mopolotiki wa Aforika Borwa go tswa kwa Bokone Bophirima. E ne e le tona wa madi,itsholelo le tlhabololo kgwebo go wa Bokone Bophirima go tswa ka 2015 go tsena 2018, le tona wa bojanala go tswa ka 2018 go tsena 2019. O ne a le leloko la palamente ya Bokone Bophirima wa ANC go tswa ka 2014 go tsena 2019. O berekile e le moeteledipele wa Bokone Bophirima wa nakwana ka 2018. E ne e le leloko la palamente go tswa ka 2009 go tsena 2014. Nelson o ne tsere karolo gape mo polotiking ya mmasepala wa kgaolo ya Kenneth Kaunda.

Nelson o ne tshwarelwa tsietso ka Phatwe 2019. O ne a fenya tsheko, moatlhodi wa Bokone Bophirima o ne a seka a mmona molato ope o a neng a o lebisitswe.

Tiro ya gagwe mo sepolotiking

O berekile e le mokhanselara wa mmasepala wa Matlosana go tswa ka 1994 go tsena 2000. Ka nako eo, o ne a bereka e le leloko la mmasepala wa Kenneth Kaunda. O ne a tlhomiwa leloko la komiti ya ketelelo pele toropo morago ga ditlhopho tsa 2000 tsa mmasepala. Go tswa ka 2006 go tsena 2009, e ne e le motsamaisa dipuisano tsa mmasepala.

Nelsone ne e le leloko la palamente ya Aforika Borwa go tswa ka 2009 go tsena 2014. Ka nako ya gagwe e le mopalamente, o berekile e le motlhokomedi wa komiti ya COGTA.

Morago ga ditlhopho tsa 2014, Nelson o ne a nna leloko la palamente ya Bokone Bophirima. Moeteledipele Supra Mahumapelo o ne a mo tlhopha go nna mokhanselara wa madi, itsholelo le tlhabololo dikgwebo.

Moeteledipele Supra Maumapelo o ne a itsise ka Motsheganong a le malatsi a robabongwe gore o tla tsaya malatsi a boitapoloso a a faphegileng morago ga megwanto e e go neng go lwelwa gore a ntshiwe mo maemong. Nelson o ne a tlhomiwa moeteledipele wa nakwana. Go tlhomiwa ga gagwe go ne ga baka mekubukubu ka Nelson ka nako eo a ne a lebanwe ke magatwe a tsietso. Mahumapelo o ne a ithola marapo semmuso ka Motsheganong a le masome mabedi le boraro ngwaga wa 2018, Nelson a tswelela mo maemong a go tshwarelela go fitlhelela Job Mokgoro a tlhophiwa a bo a tlhomamisiwa. Nelson o ne a tlhophiwa kwa khanseleng e le mokhanselara wa bojanala, a bereka mo maemong ao go fitlhelela a tswa mo pusong ya khansele ka Motsheganong 2019.

Ka Phatwe 2019,Nelson le tlhogo wa lephata la botsogo la kgaolo, Thabo Lekalakala, ba ne ba tshwarelwa go tsietsa. Nelson o ne a na le seabe mo go thapiweng ga ga Lekalakala mo go neng go se ka fa tsamaisong. Go tshwarwa ga ga Nelson e ne e le lantlha tona wa puso a tshwarwa morago ga go tsenelela dikgang tsa kgaolo ga puso. Nelson le Dr. Lekalakala ba ne ba fenya tsheko eo. Kgotla tshekelo ya Bokone Bophirima e ne ya tsholola tsheko ya mokhanselara wa pele wa Bokone Bophirma Wendy Nelson le tlhogo ya lephata la botsogo wa pele Dr Andrew Lekalakala ya tsietso. Diphathi tsa kganetso di ne tsa supa fa di ituemeletse go tshwarwa ga bone. Moeteledipele wa Democratic Alliance wa dikgaolo, Joe McGluwa, o ne a re go tshwarwa mo, ke lemmenyana fela mo tshenyetso setshaba e e diragalang kwa Bokone Bophirima. Lekgotla la African Transformation Movement (ATM) le ne la amogela go tshwarwa mo.