Xoliswa Sithole
Xoliswa Sithole | |
|---|---|
.jpg) Charlayne Hunter-Gault and Sithole, Peabody Awards ceremony, May 2011 | |
| Tsalo | 31 December 1968 |
| Thuto | University of Zimbabwe |
| Tiro |
|
| O fetheletse | Peabody Award (2010); BAFTA Award (2011); BAFTA Award (2004) |
Xoliswa Sithole (o tshotswe ka Sedimonthole a le masome mabedi le motso 1968) ke modiragatsi wa Aforika Borwa le modiri wa difilimi tsa ditokomane, o goletse kwa Zimbabwe. O fentse sekgele sa BAFTA ka 2004 ka filimi ya gagwe ya ditokomane ya Orphans Of Nkandla. O fentse Sekgele sa Peabody ka 2010 le BAFTA ka 2011 ka ntlha ya filimi ya gagwe ya tokomane ya Zimbabwe's Forgotten Children.
Botshelo jwa pele le thuto
[fetola | Fetola Motswedi]Xoliswa Sithole o tsholetswe mo Aforika Borwa mme a golela kwa Zimbabwe morago ga 1970. Mmaagwe o ne a tlhokafala ka ntlha ya mathata a a amanang le HIV/AIDS ka 1995.[1] Motswala wa ga rraagwe wa bobedi, Ndabaningi Sithole, e ne e le mothei wa Zimbabwe African National Union (ZANU), mme mmueledi le leoolotiki le le bolailweng Edison Sithole (1935–1975) e ne e le ntsalae.[2]
Sithole o ne a dira dithuto tsa masters tsa Seesemane kwa Yunibesithing ya Zimbabwe mme moragonyana a tsaya tshwetso ya go ya kwa U.S. go leka go dira dikirii ya gagwe ya bodiragatsi kwa Penn State.[3] O ne a fetsa nakonyana kwa Lontone a bereka e le mmaboipelego.
Ka 1992, o ne a boela kwa Aforika Borwa go kopana le rraagwe wa madi mme ka 1994, a fudugela koo semmuso ka tsholofelo ya go nna motlhagisi.
Tiro
[fetola | Fetola Motswedi]Xoliswa Sithole e ne e le mothusi wa sebele wa ga Val Kilmer mo filiming ya The Ghost and the Darkness (1996). Maitemogelo ano a ne a dira gore a lemoge gore se ga se selo se a neng a batla go tswelela a se dira.[3] E ne e le mothusa mokaedi le modiragatsi wa filimi ya Aforika Borwa, Fools (1997), ya ga Ramadan Suleman. Charlayne Hunter-Gault, mmegadikgang wa kwa Amerika, o ntse a le motlhokomedi wa ga Sithole. Sithole o ne a mo direla jaaka motlhagisi-mmogo mo ditokomaneng tsa Mandela: Man of Our Times and Trans to Transition.[3] E ne e le Charlayne Hunter-Gault yo o neng a kgarametsa Sithole go itirela filimi ya gagwe ka sengwe se se botlhokwa mo go ene.[1]
Shouting Silent (2002)
[fetola | Fetola Motswedi]Morago ga go tlhokafalelwa ke mmaagwe ka ntlha ya AIDS, o ne a swetsa go dira filimi e e bontshang bothata jo bogolo mo Aforika Borwa, e leng leroborobo la HIV le AIDS. Tokomane e e anelwa ke Sithole mme o tsamaya mo dikarolong tse di farologaneng tsa Aforika Borwa go sekaseka matshelo a bao ba amilweng ke leroborobo le, segolobogolo basetsana mo Aforika Borwa.[4]
Orphans of Nkandla (2004)
[fetola | Fetola Motswedi]Brian Woods e ne e le mokaedi wa filimi e. Ke moeteledipele wa True Vision Productions, yo maikaelelo a gagwe e leng go bontsha batho dikgang tse di ka nnang tsa tlodisiwa matlho. Sithole e ne e le mongwe wa batlhagisi ba ba neng ba dira mo filiming eo ya tokomane. Sithole ke mosadi wa ntlha wa Aforika Borwa go gapa sekgele sa BAFTA.[5]
Martine and Thandeka (2008)
[fetola | Fetola Motswedi]Filimi e e sekaseka ditlhaselo tsa letlhoo la batswantle mo basading ba babedi mo Aforika Borwa. E bontsha kgobalo e basadi bao ba lebanang le yone go tswa go banna.
Zimbabwe's Forgotten Children (2010)
[fetola | Fetola Motswedi]E kaelwa ke Xoliswa Sithole le Jezz Neumann, Zimbabwe's Forgotten Children e ne ya gapa Sekgele sa Peabody ka 2010.[6] Tokomane e e sekaseka matshelo a bana ba le bantsi kwa Zimbabwe le mathata a ba tshwanetseng go lebana le one jaaka dikgang tsa sepolotiki. Ba botsolotsa bana ba ba nnang fa, mme re bona lesedinyana la matshelo a bone. Bana ba le bantsi ba tshwanelwa ke go tlhokomela borremogolo le bommemogolo ba ba lwalang go na le go ya sekolong.
Difilimi tsa gagwe di ntse di tlhagelela ka metlha mo mananeong a Moletlo wa Difilimi wa Aforika kwa New York, le kwa meletlong e mengwe ya boditšhabatšhaba ya difilimi.[7] Ka 1999, e ne e le moemedi wa Aforika Borwa kwa Moletlong wa Difilimi wa Cannes.[8]
Sithole o tlhagisitse South Africa from Triumph to Transition le Mandela mo CNN Prime Time, le motseletsele wa Real Lives mo thelebišeneng ya Aforika Borwa. Diporojeke tse dingwe tsa difilimi le thelebišene tsa ga Sithole di akaretsa Child of the Revolution (2005–2015), The First South African, Return to Zimbabwe, Martine and Thandeka (2009), South Africa's Lost Girls, le The Fall (2016). "Ke na le keletso e le nngwe fela mo botshelong," o ne a bolelela mmotsolotsi Audrey McCluskey, "E le nngwe fela – go tlhama ditshwantsho tse di fetolang lefatshe."[9]
Diponagalo tsa bodiragatsi tsa ga Sithole di akaretsa dikarolo mo difiliming tsa Cry Freedom (1987), Mandela (1987, thelebišene), Fools, le Chikin Biznis.
Metswedi
[fetola | Fetola Motswedi]- 1 2 Fluker, Elayne. "Shouting silent: A filmmaker tackles a taboo". login.proxy180.nclive.org. Retrieved 29 Phalane 2025.
- ↑ Xoliswa Sithole, "Zimbabwe's forgotten children, struggling to survive", BBC News (2 March 2010).
- 1 2 3 McCluskey, Audrey. "The Devil You Dance With: Film Culture in the New South Africa". login.proxy180.nclive.org. doi:10.5406/j.ctt1xcjpw.28?searchText=Xoliswa+Sithole&searchUri=/action/doBasicSearch?Query=Xoliswa+Sithole&so=rel&ab_segments=0/basic_search_gsv2/control&refreqid=fastly-default:2c813ecd8e7f6a738cb2322e36b10bdb&seq=1 (inactive 7 July 2025). JSTOR 10.5406/j.ctt1xcjpw.28. Retrieved 4 March 2025.
- ↑ Riggs, Mickey. "Shouting Silent / Speaking Out: Women, AIDS and Hope in Mali". login.proxy180.nclive.org. Retrieved 29 Phalane 2025.
- ↑ Noor-Jehan Yoro Badat and Kashiefa Ajam, "No room in the Jumbo for winning filmmaker" IOL (23 April 2005).
- ↑ Gladys Ganiel, "Zimbabwe's Forgotten Children: Review of the Documentary by Xoliswa Sithole" Building a Church without Walls (22 March 2010).
- ↑ Xoliswa Sithole, African Film Festival New York.
- ↑ Speaker profile: Xoliswa Sithole Archived 10 October 2020 at the Wayback Machine, World Affairs.
- ↑ Audrey T. McCluskey, The Devil You Dance With: Film Culture in the New South Africa (University of Illinois Press, 2010): 213. ISBN 9780252091865.