Jump to content

Yasmeen Khan (motshameki wa kirikete)

Tsenya dikgolaganyo
Go tswa ko Wikipedia

Yasmeen Khan (yo o tshotsweng ka Firikgong ka 1999) ke motshameki wa kirikete wa kwa Namibia ebile e le mokapotene wa pele wa setlhopha sa bosetshaba sa kirikete sa basadi.[1][2] Ga jaana ke mothusa mokapotene wa setlhopha, o tshameka jaaka mmitse wa letsogo la moja, motiki wa letsogo la moja wa lebelo le le fa gare, le motshwari wa diwikete ka dinako dingwe.

Botshelo jwa gagwe jwa pele

[fetola | Fetola Motswedi]

Khan o belegetswe kwa George, kwa kgaolong ya Kapa Bophirima kwa Aforika Borwa.[1][3] Ene le batsadi ba gagwe ba ne ba fudugela kwa Namibia fa a ne a le ka fa tlase ga ngwaga,[3] mme o godiseditswe kwa Windhoek.[4] Rraagwe o tswa kwa Karachi, Pakistan, mme o rata kirikete thata.[4][5] Mmaagwe e ne o rata metshameko le go feta.[4]

Fa Khan a sa ntse a le monnye, o ne a lebelela kirikete mo thelebisheneng le rraagwe. Gape o ne a tshameka motshameko oo kwa kwa lwapeng la bone.[3] Ka 2022, o ne a gakologelwa le The Express Tribune ka go etela Karachi a le dingwaga di le thataro, le go bona basimane ba tshameka kerikete mo mebileng: "... go ne go le thata, mme go lebega go le monate".[4] Fa a le dingwaga di le some, o ne a ikutlwa a godile go ka nna leloko la setlhopha sa basimane sa kirikete kwa sekolong se se potlana, mme a swetsa go tsaya motshameko ka tsela ya semmuso.[3]

Kwa tshimologong, Khan o ne a tshamekela setlhopha sa basimane ba dingwaga tse di kwa tlase ga lesome le boraro. Fa nako e ntse e tsamaya, o ne a tlhatlogela kwa setlhopheng sa ba ba ka fa tlase ga dingwaga di le lesome le bosupa, go tswa foo a tlhatlogela kwa setlhopheng sa bobedi, mme kwa bofelong a tlhatlogela kwa setlhopheng sa ntlha. O ne a iponna gore go thata go tshameka le basimane, ka gonne ba ne ba itaya kgwele thata e bile e tika ka bonako. Gape ba ne ba tlhola ba dira metlae ka basetsana ba ba tshamekang kerikete, mme Khan o rile batshameki ka ene ga ba ise ba ko ba mo nyenyefatse.[5] Ba a neng a ba sala morago thata, e ne e le batshameki ba kirikete ba kwa Pakistan e bong Shahid Afridi, mme segolobogolo Younis Khan,[4] yo o neng a tlhotlheletsa mokgwa wa gagwe wa go itaya kgwele.[5] Gape o ne a tlhotlhelediwa ke Novak Djokovic le Alyssa Healy.[3][4]

Ngwaga morago ga go simolola go tshameka kirikete ya sekolo, Khan o ne a tsena mo setlhopheng sa bosetshaba sa basetsana ba dingwaga tse di kwa tlase ga lesome le boraro Ka 2013, fa a na le dingwaga di le lesome le bone, o ne a bilediwa kwa setlhopheng sa bosetshaba sa basadi. Ka ngwaga wa 2018, morago ga go fetsa sekolo se segolo, o ne a tsaya ngwaga go ikatisetsa le go tshamekela lefatshe la gagwe.[5]

Tiro ya mo gae

[fetola | Fetola Motswedi]

Mo gae kwa Namibia, Khan o tshamekela Zebras Cricket Club, jaaka motshameki wa makgonatsotlhe,[3]

Khan o ne a tlhophiwa ke setlhopha sa kgaolo ya Bophirima go tshameka mo setlheng sa 2021/22 sa thulaganyo ya kgaolo e le ya Basadi ya Cricket South Africa. O ne a tshameka motshameko wa gagwe wa ntlha ka Tlhakole a le lesome le bobedi ka 2022, mo motshamekong kgatlhanong le KwaZulu-Natal Inland .[6]

Tiro ya boditshabatshaba

[fetola | Fetola Motswedi]

Ka ngwaga wa 2013, morago ga go bitswa mo setlhopheng sa bosetshaba a na le dingwaga di le lesome le bone, Khan o ne a tshamekela setlhopha seo mo kgaisanong e e neng e tshwaretswe kwa Tanzania moragonyana mo ngwageng oo. Le fa go ntse jalo, ka nako eo ya botshelo jwa gagwe o ne a baya thulaganyo ya sekolo le maitlamo a gagwe kwa pele.[5]

Khan o ne a tshamekela Namibia mo motshamekong wa Women's Twenty20 International (WT20I) ka Phatwe a le masome mabedi ka 2018, kgatlhanong le Malawi mo kgaisanong 2018 Botswana Cricket Association Women's T20I Series kwa Gaborone, Botswana.[7] O ne gape a eteleletse setlhopha pele[7] mo motshamekong wa bone wa ntlhantlha wa WT20I.[8] Moragonyana mo kgaisanong eo, o ne a etelela Namibia pele go ya kwa makgaolakgannyeng,[8] go akaretsa le go nosa masome marataro le motso kgatlhanong le Lesotho.[9] Mo makgaolakgannyeng, kwa Namibia e neng ya fenya Sierra Leone ka wiwikete di robabongwe, o ne a nna motshameki wa motshameko ka go dira metabogo e le masome mararo le bosupa mo dikgweleng di masome mararo le boferabobedi.[8]

Ka Firikgong wa 2019, Khan o ne a etelela Namibia pele metseletseleng ya metshameko e e neng e tshamekiwa kwa Walvis Bay, Namibia[10] kgatlhanong le Zimbabwe. Dikgwedi tse tharo morago ga hoo, o ne a etelela pele Namibia mo motseletseleng o mongwe wa metshameko, kgatlhanong le Botswana kwa Windhoek.[11] Namibia e ne ya latlhegelwa ke motseletsele wa ntlha,[10][12] mme ya fenya wa bobedi,[11] ka Khan a le kwa godimo ga sekagare sa go itaya kgwele mo motseletseleng wa bofelo.[13]

Khan o ne a nna mokapotene wa setlhopha sa gagwe kwa kgaisanong ya ICC Women's Qualifier Africa kwa Harare, Zimbabwe. Morago ga go fenya setlhopha sa B, Namibia e ne ya fenngwa ke Zimbabwe kwa makgaolakgannyeng, mme go ya ka Khan, setlhopha se ne sa tsaya "... dilo tse dintsi tse di siameng ... "[14] Ka jalo Zimbabwe e ne ya iponna phatlha kwa kgaisanong ya 2019 ICC Women's World Twenty20 Qualifier le kgaisano ya 2021 Women's Cricket World Cup Qualifier.[15] Le fa go ntse jalo, ka International Cricket Council (ICC) e ne ya thibela Zimbabwe go tsaya karolo mo metshamekong ya ICC ka nakwana,[16][17] Namibia e ne ya tsaya maemo a setlhopha sa Zimbabwe mo motshamekong wa ntlha wa dikgaisanong tse pedi tseo.[18][19]

Ka Phatwe wa 2019, Khan o ne a etelela Namibia pele mo Twenty20 Qualifier, e e neng e tshwaretswe kwa Scotland.[20][21][22] O ne a le motshameki yo o dirileng metabogo e e eteletseng kwa pele, ka metabogo e le masome a matlhano le botlhano mo metshamekong e le metlhano.[23]

Ka ngwaga wa 2020, Khan o ne a ithola marapo a go nna mokapotene wa setlhopha, ka gonne dithuto tsa gagwe di ne di mo rwesa maikarabelo a mantsi.[5] Ka nako yone eo, morago ga go gobala mo mokwatleng, o ne a simolola go nna motshwari wa diwikete, e e leng tiro e a e tsereng fa go thusa setlhopha sa bosetshaba go dira jalo.[4]

Ka Motsheganong 2021, Khan o ne a tlhophiwa go nna motlatsa-mokapotene wa Namibia wa kgaisano ya 2021 Kwibuka Women's T20 kwa Kigali, Rwanda.[24] Mo motshamekong wa bolesome, kgatlhanong le Botswana, o ne a nosa 31*,[25] mme mo seka-makgaolakgannyeng a ntlha, kgatlhanong le Nigeria, o ne a nna motshameki wa motshameko, ka 78*. Morago ga fa Kenya e sena go fenya Namibia kwa makgaolakgannyeng, o ne a bidiwa mo setlhopheng sa kgaisano,[26] se se tlhophilweng ke Rwanda Cricket Association.[27] Ka Lwetse wa 2021, o ne a tshameka mo kgaisanong ya ICC Women's T20 World Cup Africa Qualifier kwa Gaborone, Botswana, kwa Namibia e feditseng e le nngwe ya ditlhopha tse nne tse di tseneng mo kgaisanong e e latelang.[28] Mo kabo-dimphong ya ngwaga le ngwaga ya 2020/21 ya Namibia, o ne a tlhophiwa jaaka motshameki yoo betsang kgwele go gaisa, wa ngwaga wa setlhopha sa bosetshaba. [29]

Ka Moranang wa 2022, Khan o ne a tshameka mo 2022 Capricorn Women's Tri-Series kwa Windhoek. Mo motshamekong wa ntlha wa kgaisano, magareng ga Namibia le Zimbabwe, o ne a nosa masome a mararo le borataro go nna le seabe se segolo mo phenyong ya ntlha ya Namibia kgatlhanong le leloko le le tletseng la ICC.[30][31] Zimbabwe e ne ya fenya Namibia kwa makgaolakgannyeng a metshameko e meraro, ka diwikete di le supa.[32]

Kwa ntle ga lebala

[fetola | Fetola Motswedi]

ka ngwaga wa 2022, Khan o ne a ithuta tsa tlhaeletsano le ditshwantsho.[4] O rata mmino, mme ka dinako tse dingwe o tshameka katara, e seng ka tsela e a neng a ka rata ka yone. Gape ke mokapaditshwantsho le motlhami.[5]

Bona gape

[fetola | Fetola Motswedi]
  1. 1 2 "Yasmeen Khan". ESPN Cricinfo. Retrieved 15 February 2025.
  2. ↑ "Yasmeen Khan looking forward to putting Namibia in the spotlight". International Cricket Council. Retrieved 15 February 2025.
  3. 1 2 3 4 5 6 Uugwanga, Michael (5 November 2020). "Khan taking cricket by storm". Confidente. Retrieved 15 February 2025.
  4. 1 2 3 4 5 6 7 8 Raheel, Natasha (28 April 2022). "Meet Yasmeen: Namibia's star cricketer". The Express Tribune. Retrieved 15 February 2025.
  5. 1 2 3 4 5 6 7 "Interview: Yasmeen Khan – Vice Captain of Namibia Women's Cricket Team". Female Cricket. 17 April 2022. Retrieved 15 February 202.
  6. ↑ End of the innings". Western Province Women's Cricket. Facebook. 12 February 2022. Retrieved 15 February 2025.
  7. 1 2 "2nd Match, Botswana Cricket Association Women's T20I Series at Gaborone (Oval 2), Aug 20 2018". ESPN Cricinfo. Retrieved 16 February 2025.
  8. 1 2 3 "Botswana 7s tournament: A complete round-up". Women's Criczone. 30 August 2018. Archived from the original on 4 January 2019. Retrieved 16 February 2025.
  9. ↑ "Full Scorecard of NAM Women vs LES Women 11th Match 2018 - Score Report". ESPNcricinfo. Retrieved 16 February 2025.
  10. 1 2 "Zimbabwe Women tour of Namibia - Cricket Schedules, Updates, Results". ESPNcricinfo. Retrieved 15 February 2025.
  11. 1 2 "Botswana Women tour of Namibia, BOT-W in Namibia 2019 score, Match schedules, fixtures, points table, results, news". ESPNcricinfo. Retrieved 16 February 2025.
  12. ↑ Sibanda, Mehluli (13 January 2019). "Lady Chevrons buzzing after white wash". The Sunday News (Bulawayo). Retrieved 16 February 2025.
  13. ↑ "Botswana Women in Namibia T20I Series, 2019 - Namibia Women Cricket Team Records & Stats". ESPNcricinfo. Retrieved 16 February 2025.
  14. ↑ "'Even though we have lost, we take a lot of positives' – Namibia skipper Yasmeen Khan". www.icc-cricket.com. 14 May 2019. Retrieved 16 February 2025.
  15. ↑ "Just two steps away from World Cup spots for teams in Women's Qualifiers". International Cricket Council. Retrieved 16 February 2025.
  16. ↑ "ICC board and full council concludes in London". International Cricket Council. Retrieved 16 February 2025.
  17. ↑ "Zimbabwe suspended by ICC over 'government interference'". ESPN Cricinfo. Retrieved 15 February 2025.
  18. ↑ "Nigeria awarded men's T20 World Cup Qualifiers entry". ESPN Cricinfo. Retrieved 16 February 2025.
  19. ↑ "Namibia and Nigeria to compete in ICC Women's and Men's T20 World Cup Qualifiers". International Cricket Council. Retrieved 16 February 2025.
  20. ↑ "Match official appointments and squads announced for ICC Women's T20 World Cup Qualifier 2019". International Cricket Council. Retrieved 16 February 2025.
  21. ↑ "Namibia announces women's cricket World Cup qualifier squad". Xinhua News. Archived from the original on 22 August 2019. Retrieved 16 February 2025.
  22. ↑ "Captains ready for Women's T20 World Cup Qualifier". International Cricket Council. Retrieved 16 February 2025.
  23. ↑ "ICC Women's T20 World Cup Qualifier, 2019 - Namibia Women: Batting and bowling averages". ESPN Cricinfo. Retrieved 16 February 2025.
  24. ↑ "Irene van Zyl backs Namibia batting to come good in Kwibuka T20 Tournament". Women's CricZone. Retrieved 16 February 2025.
  25. ↑ "Full Scorecard of NAM Women vs BOT Women 6th Match 2021 - Score Report". ESPNcricinfo. Retrieved 16 February 2025.
  26. ↑ "Kenya win fourth Kwibuka Women's Twenty20 title in Kigali". Daily Nation. 13 June 2021. Retrieved 16 February 2025.
  27. ↑ "Global Game: Kenya win the Kwibuka T20 Women Tournament, beat Namibia in Finals". International Cricket Council. Retrieved 16 February 2025.
  28. ↑ Schütz, Helge (16 September 2021). "Namibia through to semis". The Namibian. Retrieved 16 February 2025.
  29. ↑ "Newsletter - An Exciting Year for Cricket Namibia". cricexec. 1 March 2022. Retrieved 16 February 2025.
  30. ↑ Nixon, Andrew (20 April 2022). "Namibia women beat Zimbabwe in closely fought contest". Cricket Europe. Retrieved 16 February 2025.
  31. ↑ Schütz, Helge (22 April 2022). "Great start by the Capricorn Eagles". The Namibian. Retrieved 16 February 2025.
  32. ↑ "Full Scorecard of NAM Women vs Zim Women Final 2022 - Score Report". ESPNcricinfo. Retrieved 16 February 2025.
[fetola | Fetola Motswedi]
Retrieved from "https://tn.wikipedia.org/w/index.php?title=Yasmeen_Khan_(motshameki_wa_kirikete)&oldid=41658"