Yemi Akinseye George

Yemi Akinseye George
Tsalo	1963 Ondo, Nigeria
Letso	Mo- Nigeria
Alma mater	Mmmadikolo wa Lagos
Tiro	Modiri wa semolao; motsamaisi wa academy
Mohiri	Yemi Akinseye-George le Balekane
O itsegi ka	Dikgetsi tsa semolao

Yemi Akinseye George, SAN (yo o tsholetsweng ka 1963) ke moporofesa wa molao wa setšhaba wa kwa Nigeria le Tautona wa Setheo sa Dithuto tsa Loago le Semolao. Ke molekane yo mogolo wa Yemi Akinseye-George & Partners, e leng feme e e tlamelang ka ditirelo tsa boleng tsa semolao le tsa bagakolodi go batho ka bongwe, mekgatlho ya dikompone, le dipuso mo teng le kwa ntle ga Nigeria.

Botshelo jwa pele

George o tshotswe ka 1963 kwa mmusong wa Ondo, kwa Nigeria. O ne a bona dikirii ya Bachelor ya Molao (LLB) ka 1985 le Masters ya Molao (LLM) kwa Mmadikolo wa Lagos. O ne a bidiwa kwa Bar ya Nigeria jaaka Barrister le Solicitor wa Kgotlatshekelokgolo ya Nigeria ka 1986. Fa a sena go wetsa Tirelo ya Baša ya Bosetšhaba ya gagwe ka 1986, o ne a tswelela kwa mmadikolo wa Lagos kwa a neng a bona dikirii ya masters mo molaong wa setšhaba gone.

tiro

Ka 1989, o ne a tsenela mmadikolo wa Ibadan, kwa a neng a nna motlhatlheledi yo mogolo gone. Morago ga dingwaga di le borobabobedi tsa tirelo ya thuto kwa mmadikolo wa Ibadan, o ne a amogela thuso ya madi kwa Davis Center kwa mmadikolo wa Princeton. O dirile dipatlisiso ka ga tshenyetso sechaba le go ikobela molaotheo mo Aforika kwa Princeton (1997-1998). Ka 2003, o ne a tlhomiwa go nna Mogakolodi yo o Kgethegileng wa Ditona tsa Bosiamisi le Babueledi-Kakaretso ba Repaboliki ya Bosetšhaba ya Nigeria. Fa a ntse a direla mo maemong ano, o ne a tlhomiwa go nna moporofesa wa molao wa setšhaba kwa mmadikolo wa Adekunle Ajasin kwa Ondo State ka Sedimonthole 2004. O ne a direla jaaka morutabana wa lefapha la molao kwa mmadikolo.Ka Phukwi 2012, o ne a nna Mmueledi yo Mogolo wa Nigeria, mmogo le Femi Falana le ba bangwe ba le masome a mabedi le bobedi .O na, go tloga ka pitso ya gagwe go bar ka matlhagatlhaga a kopantse borutegi le tiragatso ya semolao.

Botlhanka

Ke leloko la mekgatlho e e latelang ya seporofešenale:

• Leloko la Mokgatlho wa Babueledi ba Nigeria

• Leloko la Neteweke ya baporofesa ba Molao, mmadikolo wa Pittsburgh

• Leloko la Mokgatlho wa Boditšhabatšhaba wa Phetogo ya Molao wa Bokebekwa

• Leloko la Mokgatlho wa Molao wa Boditšhabatšhaba wa Nigeria

• Leloko la Neteweke ya Ditheo tsa Thuso ya Semolao tsa mmadikolo

• Mmueledi yo Mogolo wa Nigeria

• Leloko la Lekgotla la Thuto ya Semolao kwa Nigeria

• Leloko la lenaneo la boto ya Tshireletso ya Semolao le Thuso

Bona gape

• Lenaneo la Babueledi ba bagolo ba Nigeria