Zesta

Zesta

Type	e e ikemetseng
Industry	dithulaganyo
Founded	Phatwe ngwaga wa 2020
Founders	Henry Newman Randall Newman
Areas served	Aforika
Services	go isa dilwana (kgwebo)
Website	https://zesta.one/

Zesta ke kompone e go rekiwang dijo mo go yone mo maranyaneng, e bo e di isa, e bereka mo kgaolong ya Aforika. Pele e ne e itsege ka leina la Square Eats, kompone e ne ya fetola leina go nna Zesta ka ngwaga wa dikete pedi masome a mabedi le botlhano. Zesta e kopanya bareki le mabentlele a dijo, e dira ditirelo tsa go isa dijo, dithoto tse di rekilweng le diphasele le tse dingwe tsa botlhokwa.

Ditso

Sekano sa Square Eats

Zesta pele e tlhamilwe e le Square Eats ka ngwaga wa dikete pedi masome a mabedi ke mawelana Henry Newman le Randall Newman fa ba le dingwaga di le masome mabedi le motso. E ne ya simolodisiwa mo Gaborone, Botswana, ya nna tirelo ya go isa dijo e tumileng mo lefatsheng.

Kompone e ne ya emisa ditirelo ya tsaya tshwetso go ntshafatsa kgwebo ka ngwaga wa dikete pedi masome a mabedi le bobedi. Ka ngwaga wa dikete pedi masome a mabedi le botlhano, kompone e ne ya itsise fa e fetola leina go nna Zesta, e gatelela maikaelelo a yone a go sa nne kompone e isang dijo fela mme le go nna maranyane a go rekiwang ka one.

Lenaneo la segajaja sa COVID-19

Ka nako ya segajaja sa COVID-19, Zesta (e ka nako eo e neng e le Square Eats) e ne ya dira methale ya go netefatsa pabalesego le bophepha, e akaretsa go neela bakgweetsi diatlana le melwara e e itshasiwang mo diatleng mahala le go dira ditsela tsa go isa dijo ba sa amane le bareki. Maiteko a, a ne a baya serala se go nna tirelo e e tshephagalang ka nako ya segajaja.

Tirelo

Zesta e rulaganya go isa dijo go tswa kwa bapating ba le mmalwa ba ba rekisang dijo ka maranyane a megala ya lotheka e e botlhale, a a teng mo IOS le mo Android kgotsa mo websiteng. Bareki ba ka leba dijo tsa mabentlele a ba a ratang, ba reka ba bo ba isediwa dijo kwa matlong ka nako.

Ditshedimosetso tse dingwe

• DoorDash
• Rappi
• Talabat
• Mascom
• Randall Newman