Zolani Mahola

Zolani Mahola (o belegwe ka 19 Phukwi 1981) ke moopedi wa mo Afrika Borwa, motshameki wa difilimi, mmoki wa dipolelo le sebui sa tlhotlheletso, jaanong gape o itsiwe ka leina la The One Who Sings.[ O itsege thata jaaka moopedi wa pele wa setlhopha sa mmino sa Afrika Borwa sa Freshlyground go tloga ka 2002. Ka 15 Phatwe 2019, Mahola o ne a itsise semmuso ka go simolola ga gagwe tiro ya go opela a le esi fa setlhopha sa Freshlyground se ne sa tswelela go nna le tiragatso ya bone ya bofelo morago ga dingwaga di le 17 ka 31 Sedimonthole 2019 kwa Kirstenbosch Gardens kwa Cape Town. [1] 3]

Botshelo jwa gagwe

Mahola o tsholetswe le go golela kwa toropong ya Port Elizabeth, Eastern Cape, mo Afrika Borwa. O ne a tsena sekolo sa Trinity High School (se moragonyana se neng sa kopanngwa le St Dominic's Priory School). Mo ngwageng wa gagwe wa bofelo kwa sekolong se segolwane, o ne a bereka jaaka moamogedi wa baeng kwa Makro ka mafelobeke le ka malatsi a boikhutso a sekolo. O goletse kwa Ntshekisa Street, e leng mmila o moleele o o tlhanaselang kwa New Brighton, toropo e e kwa ntle ga Port Elizabeth. O ne a nna le rraagwe le kgaitsadie yo mmotlana magareng ga 1999 le 2001.[ Ka 2011, Zolani le Freshlyground ba ne ba neela konsarata ya mahala mo Ntshekisa Street jaaka karolo ya loeto lwa bone lwa dingwaga tse 10.[ 5] Ha a ntse a ithutela degree ya Theatre le Performance kwa University of Cape Town,[6] o ne a kgethwa go tshameka karolo e kgolo mo terameng ya thelebišene ya Tsha-Tsha, e e neng ya gasiwa mo SABC 1.[ Mahola o ne a dira lentswe la Zoë mo filiming ya Zambezia (2012), mme gape a rekota pina "Get Up" mo filiming ya pele. 8]

Tiro ya gagwe ya kopelo

E simolotse ka (2002 -2019)

Mahola le baopedi ba bangwe ba le barataro ba ne ba bopa Freshlyground kwa Cape Town ka 2002.[ 9] Morago ga gore Freshlyground ba gatise alebamo ya bone ya bobedi, Nomvula, ka 2004, The Sunday Times e ne ya tlhalosa Mahola jaaka mongwe wa baopedi ba ba gaisang le ba ba rotloetsang ba bašwa ba Afrika Borwa. 10] O ne a ya kwa Cape Town, Durban le Pretoria le moopedi wa pop wa kwa Engelane Robbie Williams ka 2006, le Freshlyground ba dira jaaka setlhopha se se tshegetsang sa Williams. Setlhopha seno se ne sa tshegetsa B.B. King jaaka moanelwamogolo wa tiragatso ya gagwe ya kwa bofelong jwa 2000 (ngwaga o go ganetsanwang ka one) kwa Zénith Paris. Gape ba ne ba tshameka kwa Radio City Music Hall kwa konsareteng ya 2009 46664 mmogo le Stevie Wonder, Aretha Franklin, Cyndi Lauper, Jesse Clegg, le Soweto Gospel Choir. Mo Sejaneng sa Lefatshe sa FIFA sa 2010, Mahola, le Freshlyground le Shakira, ba ne ba opela pina ya "Waka Waka (This Time for Africa) " mo meletlong ya go bula le go tswala. "Waka Waka (This Time for Africa) " e ne e le pina ya semmuso ya Sejana sa Lefatshe sa FIFA ka 2010. 12] Kwa Glamour Women of the Year Awards 2011, e e neng e tshwerwe ka 25 Phukwi kwa Johannesburg, Mahola e ne e le mongwe wa basadi ba le robedi ba ba neng ba tlotliwa ke karolo ya Afrika Borwa ya makasine wa Glamour. Glamour e ne ya bolela fa ene le Kyla-Rose Smith e le "The Icons" ya basadi ba Afrika Borwa ka 2011.[ 13] Mahola o buile ka 2018 ka go simolola porojeke ya gagwe ya solo e e tla bong e ikemetse ka nosi go tswa go di-label le batlamedi ba bagolo.[ 14]

Fa a bereka a le esi (2019 - Le jaana)

Ka 15 Phatwe 2019, Mahola o ne a itsise semmuso ka go simolola tiro ya gagwe jaaka moopedi le sebui sa phatlalatsa. [15] Ka Ngwanatsele 2019, Mahola o ne a kwala le go tshameka mo terameng ya mosadi a le mongwe e e theilweng mo botshelong jwa gagwe e e bidiwang "The One Who Sings" kwa Baxter Theatre kwa Cape Town. Ka ngwaga wa 2020 o ne a amogela Fleur Du Cap award jaaka Best Actress in a Musical ka ntlha ya go tshameka mo terameng e. Ka Pherekgong 2020, Mahola o ne a tshameka kwa Kirstenbosch Gardens le yo o kileng a gapa Grammy Award, yo o tshamekang sele e le nngwe, Yo-Yo Ma. Bobedi ba ne ba dira mmogo le diopedi tse di farologaneng tsa kwa Capetonia go akaretsa le moopedi yo o tumileng wa SeXhosa le "letlotlo la bosetšhaba" la Aforika Borwa Madosini mo pineng e e neng ya opelwa kwa United Nations ka bogare jwa 2020 e e bidiwang "Amphibious Soul" ka tirisano le Sea Change Project (badiri ba My Octopus Teacher), e Mahola e leng moemedi wa yone. Mahola o ne a golola pina ya gagwe ya ntlha ya solo ka 27 Ngwanatsele 2020 e e bidiwang "Remember Who You Are" pele ga go golola alebamo ya gagwe ya ntlha ya solo ka 2021. O ne a golola pina e e le karolo ya boemedi jwa gagwe jwa Give Her A Crown, e leng letsholo la go maatlafatsa basadi ka go dirisa dipolelo go ama leroborobo la tirisodikgoka ya bong mo Afrika Borwa. Ka Diphalane 2021, single ya gagwe "Wawundithembisile" featuring Sun-El Musician e ne ya gololwa. Kgwedi e e latelang, o ne a golola alebamo ya gagwe ya ntlha, Thetha Mama, e e nang le tirisanommogo le bataki ba bangwe ba Capetonian jaaka Rre Sakitumi, Derek Gripper, Kenza, le Sun-El Musician. 16]

Metswedi

[1] Thompson, Sharon (15 May 2007). "Zolani Mahola: the face of fresh". Eastern Cape Madiba Action. Retrieved 17 August 2009.

[2] Thangevelo, Debashine (15 October 2021). "Zolani Mahola breaks fresh ground as 'The One Who Sings'". Retrieved 15 October 2021.

[3] Wagner, Loenie (25 August 2019). "Going solo: Zolani Mahola on quitting Freshlyground, and finding her voice". Sunday Times. Retrieved 9 July 2021.

[4] Snaparazzi Gallery Archived 20 October 2009 at the Wayback Machine

[5] Freshlyground. "Freshlyground South Africa 2011 Gig Guide". Retrieved 27 November 2011.

[6] "Zolani Mahola | TVSA". www.tvsa.co.za. Retrieved 8 January 2018.

[7] "Zolani Mahola | TVSA". www.tvsa.co.za. Retrieved 8 January 2018.

[8] Zambezia (2011) |a National Film and Video Foundation Archived 20 April 2013 at the Wayback Machine

[9] Germany, Süddeutsche de GmbH, Munich. "News & Schlagzeilen auf Süddeutsche.de". Süddeutsche.de. Retrieved 8 January 2018.

[10] Zolani Mahola of Freshlyground – Times LIVE

[11] "E-Paper – Aboangebote – Der Tagesspiegel". www.tagesspiegel.de. Retrieved 8 January 2018.

[12] FIFA.com (5 May 2010). "Shakira and Freshlyground sing Official FIFA World Cup song". FIFA.com. Archived from the original on 7 May 2010. Retrieved 8 January 2018.

[13] Groger, Jill (28 July 2011). "Glamour women". The New Age. TNA Media. Archived from the original on 23 March 2012. Retrieved 10 August 2011.

[14] "I've finally decided to start my 1st solo project – Zolani Mahola, Freshlyground". 702. Retrieved 27 March 2019.

[15] Berry, Orielle. "Freshlyground's Zolani Mahola goes solo". Independent Online. Retrieved 15 August 2019.

[16] Seemela, Masego. "The One Who Sings releases album on solo journey". Sowetan LIVE. Retrieved 15 October 2021.