Motse wa Mokubilo

From Wikipedia
Jump to: navigation, search

Template:Orphan

Motse wa Mokubilo is located in Botswana
Location of Mokubilo

Mokubilo ke motse o o mo kgaolong ya legare la Botswana. Ke motse o o sekgele sa dikhilomithara di le lekgolo le lesome (110 km) gotsweng bophirima jwa toropo ya bobedi e kgololwane mo Botswana, e bong Francistown. Motse o o nale sekolo se se potlana fa godimo ga moo ka ngwaga wa 2001 palo batho kwa motseng oo e ne e le sekete le lekgolo le masome a mabedi le boferabonngwe.[2]

Letlhoko la Metsi mo Mokubilo[baakanya | edit source]

Motse wa Mmeya le Mokubilo e nosiwa ke sediba se le sengwe, mme metsi a Mmeya a feta ka motse wa Mokubilo pele, selo se se dirang gore tlhaelo e utlwale thata kwa Mmeya go na le kwa Mokubilo.A re seemo seo se tshwenya thata ka jaana ba kgona go nna dibeke tse tharo ba se na metsi mo motseng, mme e bile a re ba khansele ba a tle ba ba tshelele metsi mo tankeng ya bone, selo se a reng ga se thuse go le kalo ka jaana tanka eo e tsaya malatsi a le mabedi fela e bo e kgaritlhega.O ne a ngongorega gape ka gore ba lekalana la metsi la khansele ba tsaya nako e telele go tshela metsi mo tankeng eo. Rre Maduma a re mo kgweding ya Phalane, sekole se sebotlana sa motse se ne sa gomagomediwa ke go tswalwa ka ntlha ya letlhoko la metsi.

Kgosi ya motse oo Kgosi Polson Keitlhaganetse, a re ba na le dipelaelo tsa gore diphaepe tse di nosang motse wa bone di dipotlana ka jalo ga di kgone go tsisa metsi ka bontsi jo bo tshwanetseng.A re ba kile ba buisana ka kgang e le ba khansele potlana ya Boteti kwa Letlhakane, mme ba ne ba solofetswa fa di tlaa tokafadiwa ka kgwedi ya Seetebosigo, mme nako kgolo ke eno.A re se se ba tshwenyang e le baeteledipele ke gore batho ba motse ba simolotse go nwa metsi a megobe, selo se a reng se ka nna sa tsisa malwetse.E rile a arabela dingongorego tseo, mothusa mokwaledi mogolo wa khansele potlana ya Boteti, Rre Motshwariemang Matseka, a re ga se boammaruri gore metsi kwa motseng wa Mmeya a tlhaediwa ke kago ya matlo a tennyana teng kwa Mokubilo, ka a re mo nakong e e fetileng motse oo o ne o ntse o bona metsi a lekaneng le morago ga matlo ao a sena go agiwa.

A re metse ya Mosu, Mmeya le Mokubilo e noswa ke sediba se le sengwe, mme motse wa Mmeya ke one o o kgakala go na le e mengwe, mo go rayang gore ke one o utlwang manokonoko a mantsi fa go nna le tlhaelo ya metsi.Mo go tsa go tokafatsa diphaephe, Rre Matseka a re diphaephe tse di nosang motse oo ke tsa boatlhamo jo bo lekaneng, mme a re sebe sa phiri ke gore go na le dithotana tse di dirang thelelo ya metsi go ya Mmeya go nna bokete, a bo a re kgang ya go di tokafatsa e kile ya buiwa kwa khanseleng e kgolo ya legare, mme a re e ne e le mogopolo fela o o sa tsenngwang gope mo mananeong a ditogamano.O ne gape a ganetsa dikgang tsa gore ba tsaya nako e ntsi go tshela tanka ya motse oo metsi, a re ba dira jalo ka ponyo ya leitlho fa ba begelwa mathata a tlhaelo ya metsi.

Letlhokola Mokwaledi[baakanya | edit source]

Kgosi ya Mmeya mo kgaolong ya botlhophi ya Tonota bokone, Rre Polson Keitlhaganetse a re go tlhoka mokwaledi wa kgotla mo kgotleng ya gagwe go mo paledisa go dira tiro. A re go tlhoka mokwaledi moo, go raa gore ga a kgone go sekisa, seemo se a reng se dira gore borukutlhi bo gole mo motseng. A re mo nakong ya gompieno, ditsheko tsa motse wa gagwe di sekiwa kwa motseng wa Mokubilo, selo se a reng se imetsa kgosi ya motse oo tiro ka jaanong ke mokang a dirang tiro ya metse e mebedi. Kgosi Keitlhaganetse a re e sa le ka a tsena mo setilong ngwaga ono o rogwa, o ntse a lela ka go tlhoka mokwaledi, mme a re gago nko e tswang lemina. A re go dilo dile mmalwa mo motseng wa gagwe tse a neng a eletsa go di tsibogela ka bofefo, jaaka boitaolo ja banana jo a reng bo tsare phekelo e sele. A re gona le banana bangwe ba ba iketshitseng tsebe seutlwe, ba a reng ba na le go leletsa diletso kwa godimo tsatsi lotlhe go ya go tsena bosigo gare.

Kgosi Keitlhaganetse a re ke gangwe le gape a ntse a bitsa diphuthego tsa kgotla gotla go bua ka mathata a, mme a re seo go lebega o ka re se bifisa seemo le go feta, A re o lekile go buisanya le mapodisi a Tatitown kwa Francistown ba e leng bone ba tlhokometseng kgaolo ya Mmeya, mme maiteko a ba sepodise a folodisiwa ke go tlhoka dipagamo A re medumo ke boremelelo ja dintwa, ka jaana e rile mo bosheng bangwe banana mo motseng ba lwa mo yo mongwe a neng a robadiwa kwa sepateleng se segolwane sa Nyangabgwe.

Dikgoge tsa kwa ntle[baakanya | edit source]

Botswana Tutume

Dipadi tse dingwe.[baakanya | edit source]


Coordinates: 21°20′8″S 26°28′29″E / 21.33556°S 26.47472°E / -21.33556; 26.47472