Linda Mvusi
Linda Mvusi (c. 1954, wa kwa Bloemfontein) ke motshameki le motlhami wa dipolane. Mvusi o ne a tsaya sekgele sa motshameki wa mosadi[1] yo o gaisitseng ba bangwe kwa Cannes Film Festival ka ngwaga wa 1988 ka ntlha ya seabe sa gagwe mo filiming ya A World Apart e e neng e tsamaisiwa ke Chris Menges. Mvusi e ne e le mo Afrika Borwa wa ntlha go amogela sekgele sa motshameki yo o gaisang wa mosadi kwa Cannes.[2] Mvusi o ne gape a abelwa ka sekgele sa bokgoni jwa gagwe jwa go aga mo Musiamong wa Apartheid.[3]
Hisitori[fetola | Fetola Motswedi]
Linda Mvusi o tsholetswe mo toropong ya Free State Kwa Afrika Borwa ka ngwaga wa 1955[4] mme o godiseditswe kwa Northern Rhodesia, Ghana le Kenya ka go latelana.[5]
O ne a katisitswe jaaka motlhami wa dikago mme o ne a sedila bokgoni jwa tiro ya gagwe kwa Harare fa a tla kopana le Chris Menges yo o neng a leka go batla mafelo a a ka direlang filimi ya gagwe e e bidiwang A World Apart, gaufi le Bulawayo. Kwa tshimologong Mvusi o ne a sa rate filimi eno ka a ne a belaela gore ke filimi e e dirilweng ke batho ba ba tswang kwa ntle ba dirisa madi a dinaga di sele go e direla babogedi ba dinaga di sele. Mvusi o ne a akanya gore dimilione tsa madi a a tswang kwa dinageng di sele di ne di thibela Ba afrika go bolela dikgang tsa bone. O ne a bolela gore "batlhami ba dibaesekopo ba basweu ba gatelela tsela e rona ka bo-rona re godileng ka yone, tsela e rona ka borona re lebang hisitori ka yone , tsela e rona ka borona re lebang dilo ka yone". Le fa go ntse jalo Menges o ne a mo kgatlhisa fa a simolola go tsenya batho ba selegae le maloko a ANC mo motshamekong.[6]
Filimi e ne e theilwe mo terameng ya botshelo jwa ga Shawn Slovo. Filimi e bua ka botshelo jwa ga Shawn Slovo wa dingwaga di le lesome le boraro, morwadie Joe Slovo le Ruth First. Filimi eno e sekaseka kamano e e leng teng fa gare ga morwadie le mmaagwe wa letso la sekgoa. Mme yo o ineetse mo go lwantsheng kgatelelo ya sepolotiki mo Afrika Borwa, mme bokete jwa tiro ya lelwapa le sepolotiki di a thulana ebile di dira gore malwapa a kgaogane. Filimi e dirilwe ele mo nakong ya puso ya tlhaolele mo Afrika Borwa. Ka nako eo Joe Slovo e ne e le moeteledipele wa lekoko la Bokomonisi mo Afrika Borwa. Mo filiming maina a batsadi a fetotswe go nna Gus le Diana Roth mme morwadiabone o bidiwa Molly.[7]
Mo botshelong jwa mmang-tota le mo baesekopong ba ne ba tlhopha mosetsana mongwe gore a tlhokomele ngwana wa bone. Motho yo, e bong Elsie, o ne a tshamekiwa ke Mvusi mo filiming eo.
Menges o ne a tlhalosa fa a rata go dira le batshameki ba ba senang kitso e e tsepameng jaaka Mvusi le Jodhi May (o ne a tshameka Molly mo filiming). Le fa go ntse jalo, pono ena e ka tswa e bontshitse kamano e e sa siamang magareng ga ga Menges le Barbara Hershey, yo o neng a tshameka karolo e kgolo ya go nna mmaagwe.[8] Mvusi o ne a bega gore go ne go na le dikganetsano tse dintsi ka nako ya fa go dirwa filimi. Bontsi jwa kgotlhang e ne e le ka go bo ba ne ba sa batle go latlhegelwa ke "polelo e ntsho", mme Mvusi o ne a tshwaela fa dikganetsano tse ,di ne di le botlhokwa ka gonne filimi e ne e dumalana le molaetsa wa yone. O akgotse Menges ka go tshwaela gore "ba na le kutlwelo botlhoko thata, ka gonne bana le boammaaruri"[9]. Filimi ye, ene e remeletse mo go Ruth First yo o neng a bolawa ke bomo ya sephuthelwana se a neng a se rometswe ke ba Sepodisi sa Aforika Borwa ka ngwaga wa 1982.[10]
Dikago[fetola | Fetola Motswedi]
Go dira ga gagwe go ne ga tsewa go le botlhokwa ke makasine wa Newsweek.[11] Mvusi o ne a boela kwa tirong ya gagwe ya go aga mme a dira a le mo komponeng ya gagwe mo Afrika Borwa. O ne a dira mo Musiamong wa Apartheid kwa Johannesburg[12] ko a neng a fiwa seetsele sa go dira ka botswerere ke ba South African Institute of Architects [13]ka ngwaga wa 2004, Mvusi o ne a tswelela a ya go direla mo motse-setoropo o o bidiwang Fort West kwa Tshwane.[14]
Difilimi tse a tsereng karolo[fetola | Fetola Motswedi]
1988: Lefatshe le le Farologaneng
Ditlotla/Dietsele[fetola | Fetola Motswedi]
Moletlo wa Difilimi wa Cannes ka 1988
Best Actress for A World Apart(mme yo gaisitseng ba bangwe)
Setheo sa Baagi sa Aforika Borwa
Moputso wa 2004 wa Bokgoni wa Musiamo wa Apartheid kwa Johannesburg (o kgaogantswe)
Metswedi[fetola | Fetola Motswedi]
- ↑ Best actress Archived 5 March 2012 at the Wayback Machine, Orion Pictures, accessed March 2010
- ↑ Sellström, Tor (2002). Sweden and national liberation in Southern Africa: Vol. 2, Solidarity and assistance 1970-1994 (PDF). Uppsala: Nordiska Afrikainstitutet. p. 692. ISBN 91-7106-448-6. OCLC 41157147.
- ↑ 2004 Convention Archived 4 October 2008 at the Wayback Machine, South African Institute of Architects, accessed March 2010
- ↑ 50 women to watch in 2004, The Star, Zambia, accessed March 2010 Archived 5 December 2007 at the Wayback Machine
- ↑ Made, Patricia A.: Zimbabwe : Flirtation With Acting Ends with an Award. IPS-Inter Press Service, 23 June 1988, Harare
- ↑ Henron, Kim: Telling Stores With Light. In: The New York Times, 21. August 1988, Section 6; S. 32, Column 1, Magazine Desk
- ↑ "Festival de Cannes: A World Apart". festival-cannes.com. Archived from the original on 20 August 2011. Retrieved 26 July 2009
- ↑ Henron, Kim: Telling Stores With Light. In: The New York Times, 21. August 1988, Section 6; S. 32, Column 1, Magazine Desk
- ↑ Henron, Kim: Telling Stores With Light. In: The New York Times, 21. August 1988, Section 6; S. 32, Column 1, Magazine Desk
- ↑ Ruth First: Williamson given amnesty". Independent Online (South Africa). 1 June 2000. Retrieved 28 March 2010.
- ↑ Ansen, David: Home Sweet Home. In: Newsweek, 18. Juli 1988, United States Edition, The Arts, Movies, S. 56
- ↑ credits, SharpCity.co.za Archived 9 November 2009 at the Wayback Machine
- ↑ 2004 Convention Archived 4 October 2008 at the Wayback Machine, South African Institute of Architects, accessed March 2010
- ↑ 50 women to watch in 2004, The Star, Zambia, accessed March 2010 Archived 5 December 2007 at the Wayback Machine
Dikgolagano tse di ko ntle[fetola | Fetola Motswedi]
Linda Mvusi at IMDb