Zina Saro-Wiwa

Zina Saro-Wiwa (o tshotswe ka ngwaga wa 1976. Port Harcout, Nigeria) ke moitseanape le modiragatsi wa ditshwantsho tsa motshikinyego. O dira tshimolodiso ya ditshwantsho tsa motshikinyego, distshwantsho tsa motshikinyego tsa dipina, tatediso ya ditiragalo le ditshantsho tsa motshikinyego tsa ditekeletso.

Saro-Wiwa ke ene moitseanape wa ditshwantso tsa motshikinyego yo o tlhamileng lekgamu la alt-Nollywood. Lekgamu le le dirisa puo le ditsela tsa go kgatlhisa leitlho tse di dirisiwang ke bontsi ja badiri ba ditshwantsho tsa motshikinyego tsa Nollywood, e le mo dithogong tse di amang dikgang tse di seng motlhofo tsa polotiki.

Mmega dikgang wa pele wa BBC, bodiragatsi jwa gagwe bo itshupile mo kgatlhegong ya gagwe ya go fetola ka fa lefatshe le bonang Africa ka teng a dirisa ditshwantsho tsa motshikinyego, botaki le dijo. Ditiro tsa gagwe di akaretsa New West African Kitchen, tiro e mo go yone Saro-Wiwa a fang dijo tsa Africa Bophirima selebego se sesha. Mogopo mongwe le mongwe o akaretsa pontshiso ya setshwantsho sa motshikinyego sa seAfrica le thuto ka dijo tseo.

Ka kgwedi ya Moranang e thola maltsi a le masome a mabedi le bobedi ka ngwaga wa 2011, Saro-Wiwa o ne a balelwa mo baeteledi pele ba le masome a mabedi le botlhano ba ba gaisang botlhe ba African Renaissance mo pampiring ya dikgang ya The Times newspaper.

Ka ngwaga wa 2017, mokwalo o ne wa gatisiwa mo Norient o supile thata fa tiriso ya setshwano sa ditshwantsho tsa motshikinyego tsa Nollywood ya ga Saro-Wiwa e senya puo le tebego e e kgatlhisang ya ditshwantsho tsa motshikinyego tsa Nigeria.

Botshelo le Dithutego

Zina Saro-Wiwa o tsholetswe mo Port Harcourt, Nigeria ke Ken le Maria Saro-Wiwa. Rrragwe o a sa tlholeng a le mo botshelong, mokwadi ga mmogo le mmoki Ken Saro-Wiwa o ne a tuma ka go nna molwela ditshwanelo tsa setho le tikologo wa letso la Nigeria. O ne a bolawa ka ngwaga wa 1995 ke sesole sa Nigeria fa a le dingwaga di le lesome le boferabongwe. O goletse mo Surrey and Sussex mo UK kwa mosadi wa ga Saro-Wiwa le bana ba le batlhano ba neng ba nna teng. O tsene sekolo se se ikemetseng sa basetsana sa Roedean kwa Sussex le University ya Bristol kwa a ithutileng ditso tsa itsholelo le kamano ya batho.

Kgaitsadie wa mosetsana ke mokwadi wa bojanala Noo Saro-Wiwa, mokwadi wa Looking For Transwonderland ( e gatisitswe ke Granta). Mogolowe wa mosimane Ken Wiwa, ke mokwadi wa dikwalo mo In The Shadow of a Saint( e gatisitswe ke Random House/Vintage).