Alan Khan

Alan Khan yo o tshotsweng ka kgwedi ya Sedimonthole e tlhola malatsi ale lesome le bosupa ka ngwaga wa 1971 ke modiragatsi wa tsa maranyane le kgaso ya seromamowa kwa lefatsheng la Aforika Borwa. Thulaganyo ya gagwe ya puisano e e bidiwang Walk the Talk with Alan Khan mo seromamoweng sa Lotus, e fentse dikgaisano tsa ngwaga wa 2017 tsa "Best News and Actuality Talk Show PBS" tse di neng di tshwaretswe kwa Liberty South African Radio Awards. O ne a tsenelela dithututuntsho tsa South African Radio Hall of Fame ka ngwaga wa 2015. Ka ngwaga wa 2020, Khan o ne a kaiwa ele mongwe wa "Bagasi ba Seromamowa ba Tlhwatlhwa ba batlhano" kwa Aforika Borwa. Ka ngwaga wa 2023, Alan Khan o ne a kaiwa ele mongwe wa Badiragatsi ba ba masome a matlhano ba nang le Tlhotlheletso e Kgolo ba Africa Borwa.

Gone jaanong ke Mookamedi Mogolo wa Dikgang tsa Kgwebo kwa Unibesithing ya Thekenoloji kwa Durban. Khan o nyetse porofesa wa thutoloago Mariam Seedat Khan ka kgwedi ya Mopitlo ka ngwaga wa 1997. Ba kopane a sena go mo mmotsolosa kwa thulaganyong ya gagwe ya puisano Capital Live mo seromamoweng sa Capital Radio 604. Ba nale barwa ba babedi, Naseer le Ameer.

Khan o ne a tshwara moletlo wa dikgaisano tsa mafatshefatshe wa ditshwantsho tsa motshikinyego kwa ngwaga wa 2019, Moletlo wa Tsosoloso wa Aforika go tlogeng ka ngwaga wa 2012 go wa 2019 le dikgaisano tsa bomasome a mabedi le botlhano tsa mafatshefatshe tsa maeto ka ngwaga wa 2018.