Amanda Ilestedt

Amanda Ilestedt

Ilestedt playing for Arsenal vs Everton at home.
Motshameki wa kgwele ya dinao
Leina ka botlalo	Amanda Ilestedt
Letsatsi la tsalo	(1993-01-17) 17 January 1993
Lefelo la tsalo	Sölvesborg, Sweden
Bolele	1.78 m (5 ft 10 in)
Maemo	Centre-back
Club information
Current team	Arsenal
Number	28
Youth career
–	Sölvesborgs GoIF
Tiro ya gagwe*
Dingwaga	Setlhopha	Metsh	(Dinno)
2008–2009	Karlskrona FF	7	(9)
2009–2017	FC Rosengård	124	(5)
2011	→ Vittsjö GIK (loan)	1	(0)
2017–2019	Turbine Potsdam	35	(2)
2019–2021	Bayern Munich	32	(5)
2021–2023	Paris Saint-Germain	30	(1)
2023–	Arsenal	12	(1)
Setlhopha sa setshaba
2009–2010	Sweden U17	16	(1)
2010–2012	Sweden U19	32	(2)
2012–2014	Sweden U23	2	(0)
2013–	Sweden	74	(12)
*Metshameko ya gagwe le dinno, correct as of 4 February 2024

Amanda Ilestedt (yo o tshotsweng ka Firikgong a tlhola ga supa ka 1993) ke motshameki wa kgwele ya dinao e e porofeshionale yo o tshamekang e le motshameka morago wa setlhopha sa Women's Super League sa Arsenal le sa setshaba sa Sweden.

Tiro ya setlhopha

Ilestedt o simolotse go tshameka kgwele ya dinao kwa a tsalwang teng le setlhopha sa mo gae sa Sölvesborgs GIF abo a palamela go fitlha kwa setlhopheng sa bone sa ntlha ka 2006. Morago ga setlha se le sengwe o ne a saena le Karlskrona FF ka 2007. Ka 2009 o ne a fudugela kwa LdB FC Malmö, kwa tshimologong a tshamekela setlhopha sa B. O tsene mo setlhopheng sa Damallsvenskan ka 2010 a tshameka metshameko ya liki e le lesome ebile a fenya bosimega.

Ka August 2011 o ne a fuduga ka kadimo a ya kwa setlhopheng sa karolo ya bobedi sa Vittsjö GIK. Morago ga setlha se le sengwe, a boela gape kwa LdB FC Malmö se se neng se fetoletse leina kwa go FC Rosengård ka 2013. Rosengård e ne ya fitlha kwa di quarter-finaleng tsa Cphampions League ya 2014–15 kwa a kopaneng le basireletsi ba sejana seo VfL Wolfsburg. Morago ga maleka a nno setlhopha le Wolfsburg le maleka a dino tse tharo go setlhopha kwa legatong la bobedi, ene le setlhopha sa gagwe ba ne ba ntshetswa kwa ntle ga kgaisano ka ntata ya melao ya dino tse di nositsweng e se mo gae. Ilestedt o ne a tshameka metsotso e feta masome a ferabongwe mo metshamekong yotlhe ka borataro.

Ka Seetebosigo wa 2017 Ilestedt a ya kwa setlhopheng sa Jeremane sa Turbine Potsdam mo tumalanong ya dingwaga tse pedi. Ka Motsheganong wa 2019 a fudugela kwa setlhopheng sa maJeremane se sengwe e bong Bayern Munich, a saena tumalano go fitlhelela Seetebosigo wa 2021. O simolotse tshameko ya gagwe ya Bayern ka Phatlwe a le lesome le bosupa ka 2019, letsatsi la motshameko wa ntlha, mo phenyong ya dino tse tharo go e le nngwe ba se mo gae, kgatlhanong le SC Freiburg. Kgatlhanong le SC Freiburg kwa gae ka Sedimonthole a tlhola malatsi a le marataro ka 2019, a nosa nno ya gagwe ya ntlha ya Bundesliga mo motsotsong wa masome a ferabobedi le motso o le mongwe. O ne a nosa dino di le nne mo metshamekong e le lesome le boferabobedi mo setlheng sa 2020–21 a thusa setlhopha go fenya bosimega ja liki e le la ntlha mo dingwageng tse tharo.

Ka Phukwi a le lesome le bobedi ka 2021 Ilestedt a ya kwa setlhopheng sa Paris Saint-Germain mo tumalanong ya dingwaga tse pedi. Ka Champions League ya 2021–22 o ne a tshameka metshameko e le metlhano mo go e merataro ya ditlhopana mme a nosa nno e le nngwe. Ka Seetebosigo a le lesome le bosupa 2023, PSG ya bega fa a tla a tsamaya kwa bofelong ja tumalano ya gagwe morago ga dingwaga tse pedi kwa toropokgolong ya mafora.

Ka Seetebosigo wa 2023 a le masome a mabedi le bosupa, Arsenal ya bega go saeniwa ga ga Ilestedt. O ne a nosa nno ya gagwe ya ntlha ya Arsenal ka Ngwanatsele a le masome mabedi le boraro ka 2023 mo koping ya Conti kgatlhanong le Southampton, a a fa setlhopha sa gagwe phenyo ya dino tse pedi go e le nngwe mo motsotsong wa masome a ferabongwe le bobedi.