Bala Usman

Yusufu Bala Usman
Tsalo	Yusufu Bala Usman 1945 Musawa
Leso	24 Lwetse 2005(2005-09-24) (aged Tempolete:Age in years)
Letso	Nigerian
Alma mater	Ahmadu Bello University
Tiro	Historian
Bana	7, including Hadiza Bala Usman

Yusufu Bala Usman o tshotswe ka ngwaga wa 1945, a tlhokafala ka ngwaga wa 2005, kgwedi ya Lwetse e le malatsi a le masome a mabedi le bone. Ke mantswitswidi wa ditso ebile ke lepolotiki kwa Nigeria, ke mongwe wa baithuti ba ba agileng ditso tsa Nigeria. Ke mosimolodi wa Centre for Democratic Development, Research and Training kwa Ahmadu Bello University kwa toropong ya Zaria.

Botshelo jwa gagwe

Usman o tsholetswe kwa Musawa, kwa kgaolong ya Katsina, rragwe e ne ele Durbin wa kwa Katsina, morrwarragwe e le Usman Nagogo, rragwemogolo e le Sarking Katsina Muhammadu Dikko Dan Gidado, mme mmaagwe e le morwadia Abdullahi Bayero o kileng a nna moeteledipele kwa Kano. O tsene sekolo kwa Musawa Junior Primary School, a ya go tsena gape kwa Kankia Senior Primary School, Minna Senior Primary School le kwa Government College kwa Kaduna. O ne a ya go tsweledisa dithuto kwa University Tutorial College le kwa University of Lancaster kwa a feleleditseng dithuto tsa gagwe tsa Ditso le maranyane a sepolotiki. O ne a boela kwa Nigeria ka ngwaga wa 1967 go nna morutabana kwa Barewa College kwa Zaria kwa a rutileng teng go fitlhelela ka 1971. Usman o simolotse dithuto tsa gagwe tsa morago go kalogo ka ngwaga wa 1970 kwa Ahmadu Bello University, kwa a alogileng teng ka PhD degree ka ngwaga wa 1974. O simolotse go rutuntsha teng ele morutuntshi wa nakwana pele ga a tlhatlhosiwa maemo go tlhomamisiwa.

O nnile mokwaledi wa puso ya Kaduna ka nakwana ka nako ya Nigerian Second Republic, ka fa tlase ga puso ya ga Balarabe Musa.

Tiro mo go tsa thuto

Usman e ne ele motho o o botlhokwa thata gareng ga baitseanape ba ditso kwa Ahmadu Bello University, ka fa a lebelelang ditso tsa Aforika ka teng go akaretsa go ema nokeng tiriso ya metswedi ya dipuo gammogo le metswedi ya marope le e e mo mokwalong. O ne a dumela gore metswedi yotlhe e kgona go tsaya lotlhakore, mme metswedi e e kwadilweng ke bakwadi ba kwa Europe ga e sekasikiwe mo go lekaneng, go tlhola gore a ga go na se se ntshitsweng kgotsa fa go feteleditsweng . Go ya ka ene moitseanape wa ditso ga a ka ke a kgaoganngwa le thuto gagwe. Nngwe ya tshekatsheko e a e dirileng mo go kwaleng ditso tsa Aforika e akaretsa go kgala Heinrich Barth, o eleng mokwadi o o tlotlilweng mo batithung ba kwa bophirima, Usman o ne a akanya gore Barth o ne a itebagantse thata le popego le mekgwa ya ba a ne a ithuta ka bone, golo mo a neng a dumela gore ke maduo a thotloetso ya ditso tsa go kwala ga batho ba Europe.