Bolanle Olukanni

Bolanle Olukanni (o tshotswe ka di 19 Phatwe) ke motsamaisa dipuisano tsa thelebishene, modiragatsi, motsamaisa dipuisano tsa seromamowa. O itsewe ka go tsamaisa dipuisano tsa Moments with Mo kwa Dstv le Project Fame West Africa.Olukanni ke motsamaisa dipuisano tsa lenaneo la International Women Month special mo Channels TV.

Tshimologo ya botshelo le dithuto

Olukanni o godiseditswe kwa lefatsheng la Nigeria, Israel, America le Kenya.O ile a simolola dithuto tsa gagwe tse di potlana kwa St Saviour's School Ikoyi kwa Lagos mme a tswelela a ya go tsena kwa Queen's College kwa Lagos a dira dithuto tsa gagwe tsa legare. O ile a fudugela kwa Kenya a feta tsweledisa dithuto tsa gagwe mo sekolong se segolwane sa Rosslyn Academy kwa Nairobi. Pele ga ngwaga wa gagwe wa bofelo kwa sekolong se segolwane o ile a fudugela kwa United States kwa fitileng a tsena sekolo kwa Wichita Southeast High School kwa Wichita,Kansas a bo ka ngwaga wa gagwe wa bofelo a tsaya karolo mo National Speech le Debate Association Tournament ya badiragatsi.

Ka ngwaga wa 2011, Olukanni o ile a aloga kwa setlankana go tswa mmadikolo wa Loyola University kwa Chicago le setlankana sa bodiragatsi, dipuisano le dithuto tsa ko moseja.Bonanle o ile a fudugela kwa Nigeria go ya go dira National Youth Service Corps(NYSC) e nne e mo tlama gore a dire, kwa a ileng a fetsa ngwaga a dira teng mo lekalaneng le le sa dueleng kwa Ekiti State, kwa botlhabatsatsi-bophirima ga lefatshe la Nigeria.

Ka nako ya go dira ga gagwe kwa NYSC, Olukanni le bangwe ka ene ba ile ba simolola Girls For the Future, ele lekalana le le lwantshang kgokgontsho ta bong kwa dikolong tsa dithuto tsa legare ba ruta basetsana ka ditshwanelo tsa bone le go ba fa kaelo ya maitsholo mo sechabeng.