Christiane Endler

Christiane Endler

Endler in 2017
Motshameki wa kgwele ya dinao
Leina ka botlalo	Claudia Christiane Endler Mutinelli
Letsatsi la tsalo	(1991-07-23) 23 July 1991
Lefelo la tsalo	Santiago, Chile
Bolele	1.82 m (6 ft 0 in)
Maemo	Goalkeeper
Club information
Current team	Lyon
Number	1
College career
Dingwaga	Setlhopha	Dinno	(Dinno)
2012–2014	South Florida Bulls	38	(0)
Tiro ya gagwe*
Dingwaga	Setlhopha	Metsh	(Dinno)
2008–2009	Unión La Calera
2010	Everton
2011–2012	Colo-Colo
2014	Chelsea	3	(0)
2015–2016	Colo-Colo
2016–2017	Valencia	23	(0)
2017–2021	Paris Saint-Germain	52	(0)
2021–	Lyon	33	(0)
Setlhopha sa setshaba‡
2008	Chile U-20	3	(0)
2009–2023	Chile	104	(0)
Honours Women's football Representing Tempolete:CHI Pan American Games South American Games
*Metshameko ya gagwe le dinno, correct as of 21 May 2023 ‡ National team caps and goals, correct as of 03 November 2023

Claudia Christiane Endler Mutinelli (yo o tshotsweng ka Phukwi a le masome mabedi le boraro ka 1991) ke motshameki wa kgwele ya dinao e e porofeshionale wa kwa Chile yo o tshameka e le motshwaradino kwa setlhopheng sa Division 1 Féminine sa Lyon. Pele o tshameketse Colo-Colo, Valencia, Paris Saint-Germain, le University of South Florida.

Endler o tsewa e le mongwe wa batshwaradino ba ba gaisang mo lefatsheng. Mo ditlheng tsotlhe go tswa ka 2019 go ya kwa go 2022 o ne a le fa gare ba bararo ba ba mo makgaolakgang ba nopotswe mo tlotleng ya motshwaradino wa mme yo o gaisang kwa Best FIFA Football Awards. O ne a fenya seetsele seo ka 2021.

Botshelo ja pele

Endler a tshwara bolo SKN ST Pölten kwa UWCL

Endler le Chile ka 2018 morago ga go tshameka le South Africa

Endler o tsholetswe kwa Santiago, Chile, rraagwe ke moJeremane mme mmaagwe e le wa ko Chile a na le tshika ya kwa Italy. Go tswa bongwaneng ja gagwe, Endler o ne a supa talente ya metshameko, a tshameka thenese, a thuma, hockey, baseketebolo, volleyball le gymnastics pele ga a ineela mo kgweleng ya dinao ka botlalo. Fa a le dingwaga tse lesome, o ne a ya kwa setlhopheng sa gagwe sa ntlha sa kgwele ya dinao, Stadio Italiano, mme fa e le mosha a tsena kwa sekolong sa seJeremane kwa a neng a simolola go ikatisa mo kgweleng ya dinao mo go tlhomamisitsweng. Go ralala bonana ja gagwe o ne a tshameka kwa pele mme fa a le dingwaga tse lesome le botlhano, Endeler o ne a nna le ditekeletso le setlhopa sa setshaba sa Chile sa U17. Ka boleele ja gagwe, motshwaradino wa pele wa Chile ebile e le mokatisi wa nako eo Marco Cornez a mo gakolola go fetola maemo a nne motshwaradino. Fa a le dingwaga tse lesome le bosupa o ne a simolola go tshameka seka-porofeshionale le setlhopha sa bomme sa Unión La Calera. O ntse dingwaga tse pedi le setlhopha seo fa a feditseng mo maemong a botlhano le borataro mo liking, go latelana jalo.