George Shaw (American football)

George Howard Shaw (Phukwi a le masome mabedi le botlhano, 1933-Firikgong a tlhola ga raro, 1998) e ne ele motshameka morago (quarterback) wa kgwele ya seAmerika (American football) yo o tshamekileng ditlha di le supa mo National Football League (NFL).

Botshelo jwa pele

Motlholegi wa Oregon, Shaw o tshamekile kwa morago kwa sekolong sa Grant High School kwa Portland, Oregon, go se isa kwa go nneng bo mmampodi ba state gabedi pele ga a ya go simolola kwa University of Oregon, kwa a neng a le mo setlhopheng sa ntlha sa All-American mo go tsa kgwele ya seAmerika (football) le baseball.

Tiro ya kgwele

O ne a tlhophiwa ke Baltimore Colts e le motshameki wa ntlha ka 1955 NFL Draft. Shaw o ne ya nna mosimolodi (starter) ka bonako, mme ka Phalane a le masome a mabedi le bongwe ka 1956, mo motshamekong kgatlhanong le Chicago Bears kwa Chicago, motshameko o Bears e neng ya o fenya 58 kgatlhanong le 27, a robega leoto mme mo maemong a gagwe ga tsena rookie backup e leng Johnny Unitas. Ha Unitas a tswelela mo tirong ya gagwe ya bogaka, Shaw a fetsa dingwaga tse pedi kwa Baltimore e le motshwareledi pele ga a rekisediwa New York Giants, kwa a tshamekileng ditlha tse pedi. Shaw o tshamekile setlha se le sengwe kwa Minnesota Vikings, kwa a simolotseng motshameko wa ntlha mo ditsong tsa setlhopha seo mme o ne a ntshiwa ka first half go tsenngwa rookie backup ebong Fran Tarkenton o ileng a tsaya tiro ya go simoloa mo Shaw. Gape o tshamekile setlha se le sengwe le Denver Broncos sa American Football League pele ga a tlogela tiro ya kgwele ka 1962.

Art Donovan, yo e neng ele motshameki ka ene mo Hall of Fame kwa Colts, o ne a bua ka ene a re: "Ka 1955, re ne re na le George Shaw kwa morago (quarterback). George e ne e se mosimane yo mogolo, mme o ne a na le talente, e tona tota jaaka Francis Tarkenton. Re ne re tshameka le Bears kwa Chicago, mme Shaw o ne a dira phoso fa a boela kwa morago go ntsha tlhago. Ed Sprinkle, motshameka morago yo o neng a le motona, yo o tseneng mo liking ka 1944 a tswa kwa Hardin-Simmons, a sutlha mme a betsa Shaw kwa tlase. Sprinkle o ne a mo tshwere ka mangole ebile a mo kuketse kwa godimo. Ne go sena melao ya go seka go huparela (in-the-grasp rules) ka dinako tseo, mme George nkabo a thusitswe ke molao o o ka nako yeo.Ka gore ka nako ya Sprinkle a mo kukile a mo tlhamaladitse, motshameka morago (linebacker) George Connor o ne a tsaya dikgato tse lesome le botlhano a tla a siana a betsa George kwa godimo, mo molomong. Ke raa gore a isa legetla la gagwe mo sefatlhegong sa gagwe a bo a mo kitla. Connor o ne a thuba face mask ya ga Shaw, a mo roba nko, le go mo kgola meno. George o ne a tlhakatlhakane. Ba mo goga go mo ntsha mo lebaleng, nko ya gagwe e ne e tshologa madi, ebile o ne a sa itse gore o fa kae fa a goroga ko bankeng. Fa George a boela mo seemong, o ne a raya Dick Szymanski a re 'Hey Syzzie, meno a me a ntse jang?' Syzzie o ne a re, 'Ga ke itse, George. Ga a yo.' O itse gore ke eng? George Shaw a boela mo motshamekong o o. O ne a dira defensive tackle kwa moleng wa Baltimore, se se neng sa mo fa tlotla e kgolo go simolola letsatsi leo."

Loso

Shaw o tlhokafetse kwa ga gagwe kwa Portland morago ga bolwetse jo boleele a le dingwaga di le masome a marataro le bone.

Kitso-Tlaleletso

• List of NCAA major college football yearly total offense leaders
• History of the New York Giants (1925-1978)
• Other American Football League players