George Tarasovic
George Kenneth Tarasovic (Motsheganong a tlhola ga rataro, 1930-Phalane a le masome a mabedi le bone, 2019) e ne e le motshameki wa kgwele ya seAmerika (American football) wa tlholego ya Rusyn kana Slovak. O tshamekile kgwele ya Mmadikole kwa Boston College Eagles le LSU Tigers. O tshamekile dingwaga tse lesome le botlhano mo National Football League (NFL) le Pittsburgh Steelers, Philadelphia Eagles le Denver Broncos.[1]
Lelwapa la ga rraagwe le ne le tlholega kwa motseng wa ko gompieno go bidiwang bokone jwa Slovakia, eleng bontlha bongwe jwa Austro-Hungarian Empire ya bogologolo.
Tiro ya kgwele ya Mmadikole[fetola | Fetola Motswedi]
Tarasovic o tshamekile setlha se le senngwe kwa Boston College pele ga a tswa mo sekolong ka mabaka a gagwe. Morago ga ngwaga wa Mmadikole, a fetola sekolo a ya kwa LSU. Fa a le kwa Tigers, o ne a lemogiwa e le motshameki wa mola ko pele wa All American le Southeastern Conference all star ele motshameka morago (linebacker).[1]
Tiro ya kgwele[fetola | Fetola Motswedi]
Tarasovic o ne a tlhophiwa mo tikologong ya bobedi ka 1952 NFL Draft ke setlhopha sa Pittsburgh Steelers. Mo setlheng sa gagwe sa ntlha, o ne a simolola metshameko e ferabongwe a tshamekela setlhopha sa Pittsburgh, a tshwara-gape di fumbles di le nne.[1]
O tshamekile ditlha di le lesome le botlhano mo kgweleleng ya seAmerika ya Pro, a remeletse thata kwa National Football League kwa setlhopheng sa Pittsburgh Steelers. O tshamekile nakonyana le setlhopha sa NFL sa Philadelphia Eagles le sa Denver Broncos sa American Football League.
Tarasovic o ne a bidiwa go tsena mo setlhopheng sa UPI 2nd team All-NFL ka 1959, gape ke leloko la Western Pennsylvania Football Hall of Fame. Motshameka morago wa pele wa New York Giants, Alex Webster, o ne a bitsa Tarasovic "mongwe wa batho ba ba thata go tshameka kgatlhanong nae."
Botshelo jwa gagwe[fetola | Fetola Motswedi]
Morwarraagwe George, Phil Tarasovic, e ne e le mokapoteni wa setlhopha sa kgwele ya seAmerika sa Yale ka 1955 ebile a ne a tlhophilwe ke ba Pittsburgh Steelers.
Ka nako ya tiro ya gagwe, Tarasovic o ne a supa kgatlhego mo go tsa sepolotiki, a kile a dira mo komiting ya Democratic Party. Ka 1963, o ne a tsenelela ditlhopho tsa justice of the peace kwa toropong ya bone, mme a fenngwa.[2]
Fa a sena go togela tiro, Tarasovic a ya go nna kwa York, Pennsylvania. O ne a fudugela kwa Savannah, Georgia moragonyana[1], kwa a tlhokafaletseng teng ka Phalane a le masome a mabedi ka ngwaga wa 2019.[3]
Kitso-Tlaleletso[fetola | Fetola Motswedi]
Metswedi[fetola | Fetola Motswedi]
- ↑ 1.0 1.1 1.2 1.3 The toughest Pittsburgh Steeler with a giving heart: Remembering George Tarasovic [1] Frank Bodani. Retrieved 15/10/2023.
- ↑ Freedman, Lew (2009). Pittsburgh Steelers: The Complete Illustrated History. [2] MBI Publishing. p. 60. ISBN 9780760336458. Retrieved 24/10/2023.
- ↑ George Kenneth Tarasovic.[3] Legacy.com. Retrieved 24/10/2023.