Gil Steinke

Gilbert Erwin Steinke (Motsheganong a tlhola ga raro, 1919-Motsheganong a tlhola lesome, 1995) e ne e le motshameki wa kgwele ya seAmerika (American football) le mokatisi. O dirile e le mokatisi mogolo kwa Texas A&I University—e gompieno e itsegeng ka leina la Texas A&M University–Kingsville-go tswa ka 1954 go tsena ka 1976 a sena go tshameka kwa Texas A&I abo a ya go tshameka kwa National Football League (NFL) kwa setlhopheng sa Philadelphia Eagles. Steinke o ne a etelela Texas A&I Javelinas go ba isa kwa NAIA Football National Championships ga rataro, ka 1959, 1969, 1970, 1974, 1975, le 1976. O ne a tsenngwa mo College Football Hall of Fame e le mokatisi ka 1996.

Botshelo jwa pele le tiro ya go tshameka

Steinke o tshotswe ka Motsheganong a tlhola ga raro, 1919 kwa Brenham, Texas. O ne a gobatswa seatla ke lawn mower, e mo kgaola menwana a sala ka dikoti.^[1]

Fa a se na go aloga kwa sekolong se se golwane kwa toropong ya letshitshi ya Ganado, Texas, Steinke a simolola tiro ya gagwe ya go tshameka kgwele ya seAmerika e le motshameki kwa Texas A&I, kwa a fentseng ditlotla tsa all-conference mo go tsa tlhaselo le tsa tshireletso. Steinke o tshameketse Philadelphia Eagles go tswa ka 1945 go ema ka 1948 mme a etelela NFL mo go buseng di punt a nna le dintlha tsa magareng ga 14.8 ka 1947. Fa a simolola motshameko a le ko morago (safety), o ne a thusa Eagles go fenya bommampodi jwa lefatshe ka 1948.

Tiro ya bokatisi

Fa a sena go katisa kwa dikolong tse di kgolwane le kwa Oklahoma State, Trinity and Texas A&M, steinke a boela kwa a neng a tsena sekolo teng go ya go nna motsamaisi wa tsa mabelo le mokatisi mogolo wa kgwele ya seAmerika kwa Texas A&I go tswa ka 1954 go fitlhelela ka 1976. O ne a isa Javelinas kwa go fenyeng makgatlho a le masome a mararo le borobabongwe ka tatelano le bommampodi jwa NAIA football national ga rataro, go akaretse ga raro ka tatelano go tswa ka 1974 go fitlha ka 1976. Kwa bofelong jwa tiro ya gagwe ya bokatisi e e tsereng dingwaga di le masome mabedi le boraro kwa A&I, o ne a fitlheletse bommampodi jwa Lone Star Conference le diphenyo tse lekgolo le masome a robabobedi le borataro kgatlhanong le ditatlhegelo di le masome a marataro le bobedi fela le maleka a le mane. Steinke o ne a tsenngwa mo Texas Sports Hall of Fame ka 1977 le mo College Football Hall of Fame ka 1996.

Morago o ne a lekeletsa mo go tsa professional e le mokatisi le motsamaisi mogolo wa San Antonio Gunslingers ba United States Football League. Nako ya fa a goroga ka 1984, o ne a supa dikai tse di sa batiwing tsa go felelwa ke tlhaloganyo, a setse a toga a lebala gotlhelele (senility). O ne gantsinyana a lebala tshameko le go bua ga motshameko, ebile a kgona go latlhega mo ditoropong tse a neng a di itse thata. Le fa go ntse jalo, o ne a tswelela ka go dira Gunslingers gore e kgone go tshameka sentle, a isa setlhopha se se neng se na le talente e nnye mo pampiring go re se fetse ka dintlha tsa bosupa-bosupa ba sena go simolla ka lefela-bone, a ba baa mo go ipateleng phatlha kwa metshamekong ya mantshano go fitlhelela ka dibeke tsa bofelo tsa setlha. Fa a sena go tlogela tiro o ne a itebaganya le ditiro tsa gagwe tsa botsamaisi bogolo ka 1985, o ne tshwanelwa ke go nna mokatisi mogolo wa nakwana mo metshamekong ya bofelo e merataro ya setlha seo morago ga gore yo a neng a motlhatlhame, Jim Bates, a itlhole tiro morago ga go tlhoka go duelwa sentle makgetlho a le mantsinyana.^[1]

Seabe mo tlhakanyong

Steinke e ne e le mongwe wa ba pele ba ba neng ba batlha go tlhakanngwa ga batshameki mo kgweleng ya seAmerika ya Southern. O ne a itsege ka go tswa mo di restaurants le motels tse di neng di sa tsee batho bantsho le basweu, a tsisa batshameki ba mmala o montsho le ba letso la Hispanic go sa kgatlhalesege gore maemo a bone mo sethong le a madi ke a fe. "Re tlhakantse kgwele ya seAmerika mo Texas," Steinke o ne a bolelela ba Houston Chronicle ka 1989. "Re nnile le Sid Blanks (yo o ileng a nna Houston Oiler) pele ga mongwe le mongwe a tlhakanya."

O itsege ka eng

Steinke o ne a itsege ka go katisa a le kwa di stands gore a kgone go bona motshameko sentle, a dirisa batabogi go isa molaetsa kwa setlhopheng.

Loso

Steinke o tlhokafetse Motsheganong a tlhola malatsi a le lesome kwa Austin, Texas. O bolokilwe kwa mabitleng a Masonic kwa Caldwell, Texas.

Metswedi

↑ ^1.0 ^1.1 Pearlman, Jeff (2018). Football For A Buck: The Crazy Rise and Crazier Demise of the USFL. Houghton Mifflin Harcourt. ISBN 978-0544454385.

[:0-1] 1.0 ^1.1 Pearlman, Jeff (2018). Football For A Buck: The Crazy Rise and Crazier Demise of the USFL. Houghton Mifflin Harcourt. ISBN 978-0544454385.

[1]