Helen Paul

Helen Paul

Helen Paul ke motshameki wa metlae,moopedi le motshameki wa difilimi wa kwa lefatsheng la Nigeria. Ebile gape ke motshameki wa metlae yo itsegeng ka leina la Tatafo,o itsege gape ka lentswe le okareng la ngwana.

O ne a aloga ka dithutego tse di ko godimo mo go tsa Theater Arts mo sekolong se segolwane sa Unibesithi ya Lagos.

Tiro Ya gagwe Ya botshelo jotlhe

Paul o berekile  ele modiri yo o ikemetseng ka nosi le moanedi wa nako e e tletseng mo matlong a le mmalwa a dikgang tsa Nigeria. Tseno di akaretsa Lagos Television (LTV 8), Continental Broadcasting Service (CBS), le M-Net (moo a dirang mmogo le JARA mo Africa Magic).

Paul o simolotse jaaka motho wa metlae yo o sa utlweng mo thulaganyong ya radio ya Wetin Dey mo Radio Continental 102.3FM, Lagos. O ne a itsege mo thulaganyong e le "Tatafo", ngwana yo o botlhale yo o buang le go sotla ka dikgang tsa loago ka tsela e e tshegisang. O ne gape a neelana ka mananeo a TVC le Naija FM 102.7.

Ka kgwedi Phukwi ngwaga wa 2012, Paul o ne a ntsha alebamo ya gagwe ya ntlha e e bidiwang Welcome Party, e e nang le dipina tsa Afro-Pop tse di akaretsang "Boju Boju", "Vernacular", "Gbedu", "God Forbid", pina ya Afro RnB e e bidiwang "Children of the World", le "Use Calculator", pina e e buang ka matshosetsi a leroborobo la mogare wa  HIV-AIDs. Morago ga moo o ne a gatisa dipina di le mmalwa, go akaretsa le "Take It Back". Ka ngwaga wa 2018, o ne a ntsha mantswe le ditshwantsho tsa pina ya gagwe e e bidiwang "Never Knew", pina e e bolelang ka dingwaga tsa gagwe tsa go gola le kgatelopele ya gagwe ya tiro go fitlha jaanong.

Paul o ne a bula lebenkele le le rekisang diaparo tsa lenyalo kwa Lagos ka ngwaga wa 2012 le le bidiwang Massive Fabrics and Bridals. Go tswa foo one a tswelela ka go bula mabenkele a mangwe a mararo a lebenkele la gagwe mo dikarolong tse di farologaneng tsa Lagos.

Ka ngwaga wa 2014, o ne a bula sekolo sa dibaesekopo le theatre se se bidiwang Helen Paul Theatre and Film Academy. E na le studio sa go bina, studio sa go ipaakanya, studio sa go rekota, studio sa go ikatisa, studio sa ditshwantsho, laeborari ya dijithale, studio sa go rulaganya le hosetele ya baithuti.

Botshelo jwa gagwe

Paul o nyetswe ke Femi Bamisile ebile ba na le bana ba basimane ba le  babedi.

Ka ngwaga wa 2019, o ne a bona dikerii ya gagwe ya bongaka ya Theatre Arts kwa Yunibesithing ya Lagos, e a neng a e remelela mo go mmaagwe. Ka ngwaga wa 2021, o ne a fudugela le ba lelwapa la gagwe kwa lefatsheng la United States. Ka ngwaga wa 2022, o ne a itsisiwe ele mogolwane wa tsa bodiragatsi, Mmino, le Lephata la itlosobodutu kwa sekolong se segolwane se se bidiwang Heart International University kwa United States.

Difilimi tse a tsereng karolo mo go tsone

• 2011 – The Return of Jenifa – role of Tunrayo
• 2012 – A Wish– lead role, a woman who battles cancer
• 2011 – Damage – cameo role
• 2012 – The Place: Chronicle of the Boo
• 2014 – Alakada2 – supporting role
• 2014 – Akii The Blind– supporting role
• 2012 – Osas (Omoge Benin – comic act
• 2012 – Igboya
• Mama Pu– lead role
• 2016 – Jacob's Mansion
• 2016 – Full House
• 2017 – Samba
• 2018 – Ghetto Bred
• 2018 – The bridal shower
• 2019 – kasanova