Jordyn Woods

Jordyn Woods
Woods in 2019
Tsalo	(1997-09-23) September 23, 1997 Los Angeles, California, U.S.
Maina amangwe	Heir Jordyn
Tiro	Socialite model
Dingwaga tsa a le mo tirong	2016–present
Television	Life of Kylie The Masked Singer

Jordyn Woods o tshotswe ka kgwedi ya Lwetse e le malatsi a le masome a mabedi le boraro ka ngwaga wa 1997, ke mmabontle e bile e le motho o o itsegeng katsa kapari le mo mohameng wa itlosobudutu. O itsege ka seabe sa gagwe mo thulaganyong ya telebishini ya Life of Kylie.

Botshelo jwa gagwe a le monnye

Jordyn Woods o tsholetswe kwa Los Angeles ka kgwedi ya Lwetse e le masome mabedi le boraro ka ngwaga wa 1997. Ke ngwana wa ga John Woods o e leng motegeniki wa tsa modumo wa telebishiniwa lotso lwa Dominican, le Elizabeth Woods o e leng mookamedi wa ditalente le matshwao. O na le bokgaitsadie ba le babedi ebong John Jr. le Joshua, le monnawe wa mosetsana a bidiwa Jodie.O godiseditswe kwa lefelong le go nnang teng batho basweu kwa Oak Park kwa California, o gakologelwa e le mongwe wa basetsana ba bantsho ba le babedi fela kwa sekolong sa gagwe. Batsadi ba ga Woods ba ne ba tlhalana, ka jalo a nna a fuduga kgapetsakgapetsa, mme phelelong ba tsaya tshwetso ya go mo rutela mo lwapeng morago ga gore lolwapa lo fudugele kwa Calabass kwa California fa a le dingwaga di le lesome le boraro. Rragwe Woods o ne a tlhokafala ka ntlha ya kankere fa Jordyn a le dingwaga di le lesome le borobabongwe.

Rragwe o berekile mo The Fresh Prince of Bel-Air, lolwapa lwa bone lo gaufi thata le Will Smith le Jada Pinkett Smith, ba a ba bonang e le malomaagwe le mmamalomaagwe.

Woods o kile a dira ditiro tsa bommabontle ka nakwana fa a santse a le ngwana.

Tiro

Mmabontle

Woods o ne a bereka le Wilhelmina ka ngwaga wa 2015 morago ga gore agente e mmone mo Instagram ya mmotsa fa a na le kgatlhego mo go gateng mmabontle. ka Motsheganong ngwaga wa 2019 Wood o ne a gata mmabontle kwa Lane Bryant le Chrsitian Siriano.Woods o gatetse kompone ya diaparo ya ga Khloe Kardashian ya Good American go tswa ka ngwaga wa 2016 go tsena 2019.

Ka ngwaga wa 2017, Woods o ne a gata mo moletlong wa beke wa New York Fashion Week. O tlhageletse mo makasineng wa Cosmopolitan UK ka Lwetse ngwaga wa 2019.

Telebishini

Woods o tlhageletse mo dikgaolong tsotlhe tsa thulaganyo ya telebishini ya Life of Kylie, a tlhagelela gape mo dingweng tsa Keeping up With The Kardashians. Woods e ne e le moeng o o itsegeng kwa Hip Hop Squares. Woods o ne a gaisana mo kgaolong ya boraro ya The Masked Singer e le Kangaroo.

Woods o simolotse go diragatsa mo thulaganyong ya grown-ish a tshameka Dee. Moanelwa o a neng a mo tshameka o ne a nna mo borokong jwa sekolo a akanya go ikgapela botshelo, mokaedi o ne a leka go tsibosa batho ka malwetsi a tlhaloganyo mo bathong bantsho kwa dikolong. O ne a tlhagelela gape mo filiming ya BET ya film Sacrifice, a nna moanelwa mogolo mo filiming ya BET ya Trigger e le Vanessa Mass.

Dikgwebo

Ka Phatwe ngwaga wa 2018, Woods o ne a simolola kompone ya gagwe ya diaparo tsa mebele yotlhe ya SECNDNTURE.

Ka Lwetse 2018, Kylie Cosmetics e ne ya simolola ditlolo tse di tlhakanetsweng ke Kylie le Jordyn.Ka Seetebosigo 2019, Woods o ne a simolola kgwebo ya kapari le ba Boohoo.com.

Ka Phukwi 2019, Woods o tlhageletse mo setshantshong sa motshikinyego sa pina ya ga Rick Ross. Ka Phalane 2019 a simolola thekiso ya meriri le ba Easilocks.

Ka Phalane 2020, Woods o ne a bereka le PrettyLittleThing ba dira diaparo tsa kiletso mesepele.

Ka ngwaga wa 2021, Woods o ne a simolola maranyane a go itekanela e bidiwa FRSTPLACE. O dirile maranyane a go thusa batho ba aba itseng go ipaya kwa pele, ba tokafatse botsogo jwa bone jwa tlhaloganyo le mmele. Maranyane a a fa batho mananeo a a dirilweng ke baitseanape le mekgwa ya go apaya dijo ke baapei ba tlhwatlhwa.

Botshelo jwa gagwe

Woods o abelane le sechaba ka dikgwetlho tse a nnileng le tsone fa go tla ka fa a itebang ka teng le seabe sa go golela mo Hollywood.

Woods o ne a na le botsalano ebile a nnile le Kylie Jenner go fitlhelela ka Tlhakole 2019, o ne a thusa Jenner go tlhokomela ngwana wa gagwe Stormi Webster. Bobedi bo ne ba boelana ka Phukwi 2023.

Ka Motsheganong 2020, Woods o ne a simolola go ratana le motshameki wa basketball Karl Anthony Towns. O firisitse ntlo kwa Los Angeles.