Katie McCabe

Katie McCabe

Katie McCabe vs Wolfsburg at the Emirates in 2023
Motshameki wa kgwele ya dinao
Leina ka botlalo	Katie Alison McCabe
Letsatsi la tsalo	(1995-09-21) 21 September 1995
Lefelo la tsalo	Kilnamanagh, Dublin, Ireland
Bolele	5 ft 5 in (165 cm)
Maemo	Winger, forward, full-back, wing-back
Club information
Current team	Arsenal
Number	15
Youth career
–	Templeogue United FC St Francis
Tiro ya gagwe*
Dingwaga	Setlhopha	Metsh	(Dinno)
2011–2015	Raheny United
2015	Shelbourne
2015–	Arsenal		(22)
2017	→ Glasgow City (loan)
Setlhopha sa setshaba
2010–2012	Republic of Ireland U17		(2)
2012–2014	Republic of Ireland U19		(8)
2015–	Republic of Ireland		(26)
*Metshameko ya gagwe le dinno

Katie Alison McCabe (yo o tshotsweng ka Lwetse a le masome a mabedi le bongwe ka 1995) ke motshameki wa moIrish wa kgwele ya dinao e e porofeshionale yo o tshamekelang setlhopha sa liki ya Women's Super League sa Arsenal ebile ke mokapotene wa setlhopha sa bomme sa setshaba sa Republic of Ireland. Segolobogolo kwa molemeng wa kwa morago, gape o kgona go dira e le motshameka motjatja wa molema le motshamekagare wa molema.

Fa e le mosha, McCabe o fentse liki ya Irish Women's National League gabedi le kopi ya FAI Women's Cup gararo le Raheny United pele ga a saena le Arsenal ka 2015. Le Arsenal, o fentse kopi ya FA ka 2016, WSL ya 2018–19, League Cup tse pedi, o ne a bidiwa mo setlhopheng sa ngwaga sa PFA sa ngwaga wa 2021. Fa a sena go fiwa iponagatso ya Ireland ya ntlha ka 2015, o ne a bidiwa e le mokapotene ka 2017, mokapotene yo monnye go gaisa mo ditsong tsa setlhopha seo, a bo a bitswa motshameki wa bomme ba Ireland wa ngwaga ka 2021. The Guardian e mo tlhalositse fa e le sefatlhego sa mmatota sa kgwele ya dinao ya bomme ba maIrish.

Tiro ya setlhopha

McCabe with Arsenal in 2019

Tiro ya bonana

Fa a gola, McCabe o ne a tshameka mo ditlhopheng tsa basimane tsa Kilnamanagh AFC le Crumlin United F.C. Fa a le dingwaga tse some, a tsena mo setlhopheng sa gagwe sa ntlha sa basetsana kwa Templeogue, a tshamekela ditlhopha tsotlhe tsa basetsana le tsa basimane go fitlhela a tshwara dingwaga tse lesome le boraro. Motshameki yo a neng a mo rata thata fa a sale ngwana e ne e le Damien Duff. Nako ya gagwe kwa sekolong se segolwane, o ne a tshameka gape kgwele ya dinao ya Gaelic le baseketebolo.

Women's National League: 2011–2015

Fa liki ya Women's National League (WNL) e tlhamiwa ka 2011, McCabe a saena le Raheny Unite. O ne a kile a ikatisa le setlhopha seo, mme melao ya liki e ne ya mo kganna go saena tumalano go fitlhela a tshwara dingwaga tse lesome le borataro. O ne a emela setlhopha seo mo metshamekong yotlhe mo setlheng sa ntlha. Mo ditlheng tse tharo a fenya bosimega ja liki gabedi le kopi ya FAI Women's Cup gararo ka tatelano le "The Pandas". Gape o ne a emela setlhopha seo kwa UEFA Women's Champions League.

A tlolwa ke kgwedi tse nne mo setlheng sa 2013–14 a robegile leoto. Mo ngwageng o o, o ne a kwadisiwa ke Florida State University go tshamekela setlhopha sa kgwele ya dinao ya bomme sa Florida State Seminoles kwa Amerika, mme go fuduga ga gagwe ga folotsa ka ntata ya kgobalo ya gagwe.

Ka 2014–15 McCabe a nosa dino di le masome a mabedi le boraro kwa Raheny, di le pedi fa morago ga monosi yo o kwa godimo Áine O'Gorman wa UCD Waves. Ka Ngwanatsele wa 2014, a nosa nno ya pulamadibogo ya Raheny mo makgaolakgannyeng a kopi ya FAI Women's Cup, go tswa mo tlhagokotlhaong ya dijarata di le masome a mararo le botlhano, a fenya kopi ya gagwe ya FAI ya bobedi le setlhopha seo.

Mo setlheng sa 2015–16 McCabe a nna le setlhopha ka fa tlase ga leina la bone le lesha la Shelbourne Ladies.

McCabe making her Arsenal debut in February 2016

Arsenal: 2015–2017
Ka Sedimonthole wa 2015 a saenela setlhopha sa kwa Lontone sa Arsenal, a gana di tlaletso go tswa kwa Glasgowe City, Chelsea le Manchester City.

Glasgow City: 2017 (kadimo)

Morago ga go sokola ka dikgobalo le nako ya go tshameka le setlhopha sa ntlha mo ngwageng wa gagwe wa ntlha le Arsenal, a ya kwa Glasgow City ka kadimo ka Phatlwe wa 2017, ka karolo ya bobedi ya setlha sa liki ya Scottish Women's Premier League. O ne a thusa go isa Glasgow City kwa bosimegeng ja maScottish le go dira iponagatso tse di mmalwa mo UEFA Champions League.

Poelo kwa Arsenal: 2017–gompieno

Fa a boela kwa Arsenal fa kadimo ya gagwe e fela, motsamaisi yo mosha wa Arsenal Joe Montemurro a mo fudusetsa kwa maemong a motshameka morago yo o tetseng wa ka fa molemeng.

Mo setlheng sa 2018–19 a thusa go isa Arsenal kwa bosimegeng ja FA WSL, a tshameka metsotso e e gaisitseng ya motshameki mongwe le mongwe mo setlhopheng. Ka Mopitlo a le masome a mabedi le borataro wa 2019 a saena koketso le Arsenal. Malatsi a le matlhano moragonyana, mo mongwe wa metshameko ya bofelo ya ngwaga, a nosa nno ya botlhokwa e e neng e fenya motshameko kgatlhanong le Birmingham a baa Arsenal kwa godimo ga loko ya liki eo ka ntlha e le nngwe.