Ken Wiwa
Ken Wiwa | |
|---|---|
| Tsalo | Kenule Bornale Tsaro-Wiwa Lagos, Lagos State, Nigeria |
| Leso | 18 Diphalane 2016 (aged 47) London, United Kingdom |
| Letso | Nigerian |
| Maina amangwe | Ken Saro-Wiwa, Jr |
| Alma mater | UCL School of Slavonic and East European Studies |
| Tiro | Journalist |
| Dingwaga tsa a le mo tirong | 1999–2016 |
Notable work | In the Shadow of a Saint (2000) |
| Masika |
|
Kenule "Ken" Bornale Tsaro-Wiwa[1] o o itsegeng gape ka leina la Ken Saro-Wiwa Jr, mme ene a itlhophetse go dirisa leina la Ken-Wiwa,[2] o tshotswe ka kgwedi ya Ngwanatsele e le malatsi a le masome a mabedi le boferabobedi ngwaga wa 1968, a tlhokafala ka kgwedi ya Phalane e le malatsi a le lesome le boferabobedi ka ngwaga wa 2016. Ke mokwadi ebile ke mmegadikgang kwa Nigeria. Ke ngwana wa ntlha wa mosimane wa molwela-ditshwanelo Ken Saro-Wiwa, o berekile e le mogakolodi wa botautona ba kwa Nigeria ba le bararo.[3]
Ka fa a godileng ka teng
[fetola | Fetola Motswedi]Wiwa o tsholetswe kwa Lagos, Nigeria, ke morwa wa ntlha wa ga Ken Saro-Wiwa [4] o neng e le molwela ditshwanelo ebile ele mokwadi. O tsene sekolo kwa Nigeria pele ga a ya go nna kwa England le mmagwe le bomonnawe ka ngwaga wa 1978, kwa rragwe a neng a dumela gore o tla bona thuto ya maemo a a kwa godimo ka nako eo.[1] Wiwa o tsene sekolo kwa Stancliffe Hall School le Tonbridge School, a tswelela a ya go tsena kwa School of Slavonic and East European Studies kwa janong e leng bontlha jwa University College London. E ne e le morulaganyi wa New Media Lab, kwa a neng a kgobokanya diteng tsa pampiri ya Guardian ya kwa United Kingdom e e mo mafaratlhatlheng.
Bobegadikgang
[fetola | Fetola Motswedi]Ka ngwaga wa 1999, Wiwa o ne a fudugela kwa Canada, kwa a neng a le mokwadi o santseng a ithuta kwa Massey College kwa University of Toronto, [4]a tswelela a le "fellow" kwa Saul Rae kwa Munk Center for International Studies kwa University of Toronto, a nna morutuntshi kwa Trudeau Foundation kwa Canada, a kwalela karolo ya The Globe and Mail ,[4] kwa a tlhophilweng go phadisanela seetsele sa National Newspaper Awards.[5]
Wiwa o file dipego kwa lekgotleng la European Union, Oxford Union, mme a bua kwa dikolong tse dikgolwane di le mmalwa di akaretsa sa Harvard University, McGill University le University of Cambridge. O berekile e le mmegi kwa bokopanong jwa United Nations jwa pharologanyo ya dingwao. O nnile mmegi mo metsweding ya tshedimosetso e megolo e akaretsa CNN, BBC, Al-Jazeera, o tlhageletse e le moeng mo mananenong a BBC a HARDTalk le Newsnight.
Ka ngwaga wa 2005, Wiwa o ne a tlhophiwa ke ba lekgotla la World Economic Forum e le mogogi o mmotlana (Young Global Leader) .[4] O simolotse lenaneo la Abuja Hub for the Globalshapers Programme la World Economic Forum, a nna bontlha bongwe jwa Africa Advisory Council ya lenaneo la kgosana wa kwa Wales la Rainforest.[6] O kwaletse dipampiri tsa The Guardian kwa United Kingdom,[4][6] le Washington Post, The New York Times le National Geographic kwa United States. O berekile e le mmegi wa Arise Magazine mme a tlaleletsa mo dikarolong dingwe tsa di makasine, dipampiri tsa dikgang le tsa maranyane.
Wiwa o tlhamile a bo a anela dithulaganyo tsa telebishini le seromamowa tsa BBC le CBC,[4][6] a kwalela National Public Radio ditlaleletso.
Buka ya gagwe ya In the shadow of a saint
[fetola | Fetola Motswedi]Buka ya botshelo jwa ga rragwe ya In the shadow of a saint, e gatisitswe ka ngwaga wa 2000,mme ya amogela dikakgolo tse dintsi. Sandra Jordan o kwadile gore "Ken Wiwa ga a itshomarele mo polelong e. O ntsha boammaruri jo a sa bo itumeleleng. O mo utlwela botlhoko. O utlwela rragwe botlhoko. Buka ya gagwe e e kwadilweng ka manontlhotlho e ama ditso tsa Nigeria le tsa lolwapa lwa gagwe, tse di neng di le makgwakgwa go sena tsholofelo. Buka e ke pina ya batho ba lotso lwa Ogoni, e e fa tshokolo ya bone le boitshoko jwa bone tlotla. Fa godimo ga foo, ke polelo e e buwang ka go ikepela mo ditiragalong tsa bogologolo; bana ba bagaka ba fitlhela matshelo a bone a tlhotlheleditswe ke batsadi ba bone, selo se Wiwa a se lemogang fa a kopana le Nkosinathi Biko o eleng ngwana wa ga Steve Biko, Zindzi Mandela le Aung San Suu Kyi."[7]
Buka e e tlhalositswe ke The Independent fa e balega e bile e nonne,[8] Africa Confidential yone ya re "ke buka e ka nako tse dingwe e leng botlhoko, mme e bua boammaruri, e lebelela matshelo a batho le sepolotiki sa bangwe ba batho ba kwa Nigeria"[9] Publishers Weekly yone mmegi wa yone o ne a re "buka e e tseneletseng e ya ga Wiwa, e supa popego ya sepolotiki sa kwa Nigeria, le tebego e ntle ya ga rragwe."[10] In the shadow of a saint e fentse seetsele sa ngwaga wa 2002 sa Hurston-Wright Nonfiction Award.[6]
Mothusi o o faphegileng
[fetola | Fetola Motswedi]Ka ngwaga wa 2005, o ne a boela kwa Nigeria, mme ngwaga o o latelang, tautona wa nako eo Olusegun Obasanjo a fira Wiwa e le mothusi o o faphegileng wa tsa kagiso, tharabololo kgotlhang le tetlanyo. O berekile le tautona Umaru Yar'Adua e le mothusi o o faphegileng wa dikgang tsa mafatshefatshe. Wiwa o nnile gape mothusi o o faphegileng wa bobegadikgang jwa mafatsefatshe wa ga tautona Goodluck Jonathan go tswa ka ngwaga wa 2012.[11]
Loso lwa gagwe
[fetola | Fetola Motswedi]Wiwa o tlhokafetse ka tshoganetso morago ga go swa mohama kwa Lontone ka ngwaga wa 2016, kgwedi ya Phalane e le lesome le boferabobedi, a le dingwaga di le masome mane le bosupa.[12][13] Tautona wa kwa Nigeria Muhammadu Buhari o ne a isa tlotla ya gagwe a re " Wiwa e ne e le modumedi wa kgolagano, tswelelopele le tshitshibalo mo sechabeng. Ke gwetlha ba lolwapa, ditsala le ba a kileng a dirisana le bone go tlotla botshelo jwa gagwe ka go netefatsa gore toro ya gagwe ya go somarela tikologo, le go netefatsa gore Ogoniland o a atlega.[3]
Mekwalo e e tlhophilweng
[fetola | Fetola Motswedi]- In the Shadow of a Saint: A son's Journey to Understand His Father's Legacy, Doubleday, ISBN 0385601859, 2000. E tserwe mo The Guardian e le "A difficult martyr" 28 October 2000, le "A difficult martyr - part 2" 28 October 2000.
- "Letter to My Father", Index On Censorship, Vol. 34, No 4, 2005, pp. 24 - 29.
- "In the name of my father", The Observer, 6 November 2005.[14]
- " We Nigerians are celebrating Mandela as the kind of hero we've never had", The Guardian, 8 December 2013.[15]
- "Finally it seems as if Ken Saro-Wiwa, my father, may not have died in vain", The Guardian, 10 November 2015.[16]
Metswedi
[fetola | Fetola Motswedi]- ↑ 1.0 1.1 Ken Wiwa". Encyclopedia.com. Retrieved 19 October 2016.
- ↑ Saro-Wiwa Jr, Ken (10 May 2014). "This is not just Nigeria's war on terrorists – it's the world's fight too". The Guardian.
- ↑ 3.0 3.1 Vidal, John (20 October 2016). "Nigerian president leads tributes to oil activist Ken Wiwa". The Guardian.
- ↑ 4.0 4.1 4.2 4.3 4.4 4.5 "Ken Wiwa". Fondation Pierre Elliott Trudeau Foundation. Retrieved 29 December 2020.
- ↑ York, Geoffrey (19 October 2016), "Nigerian author, political activist Ken Wiwa dies", The Globe and Mail.
- ↑ 6.0 6.1 6.2 6.3 "Ken Saro-Wiwa Jr". World Economic Forum. Retrieved 29 December 2020.
- ↑ Jordan, Sandra (19 November 2000). "The loyal hunt of the son". The Guardian.
- ↑ Hirst, Christopher (25 January 2002). "Paperback: In the Shadow of a Saint by Ken Wiwa". The Independent.
- ↑ "In the Shadow of a Saint". Africa Confidential. Retrieved 16 August 2021.
- ↑ "In the Shadow of a Saint: A Son's Journey to Understand His Father's Legacy". Publishers Weekly. 9 July 2001. Retrieved 16 August 2021.
- ↑ "Nigeria's Domestic and Foreign Policy Priorities". CSIS – Center for Strategic & International Studies. 24 September 2012.
- ↑ "Breaking: Ken Saro-Wiwa's son is dead", Vanguard, 18 October 2016.
- ↑ "Son of Nigeria's Ken Saro-Wiwa dies", BBC News, 19 October 2016.
- ↑ Wiwa, Ken (6 November 2005). "In the name of my father". The Observer.
- ↑ Wiwa, Ken (8 December 2013). "We Nigerians are celebrating Mandela as the kind of hero we've never had". The Guardian.
- ↑ Wiwa, Ken (10 November 2015). "Finally it seems as if Ken Saro-Wiwa, my father, may not have died in vain". The Guardian.