Lionel Taylor
Lionel Thomas Taylor (o tshotswe ka Phatwe a tlhola malatsi a le lesome le botlhano, 1935) ke motshameki wa pele wa kgwele ya seAmerika (Amercan foootball) le mokatisi. O ne a tshameka e le moamogedi wa ditlhago (wide receiver) mo setlhopheng sa Denver Broncos sa American Football League (AFL), e ne e le moeteledipele mo dikamogeding (receptions) mo ngwageng tse tlhano tsa tse thataro tsa go nna teng ga Liki eo. E ne e le moamogedi wa ditlhago wa boraro go goroga kwa dikamogeding tse makgolo a matlhano mo ditsong tsa kgwele e ya seAmerika.[1]
Kgwele ya Mmadikole[fetola | Fetola Motswedi]
Taylor o tsene sekolo kwa New Mexico Highlands University, kwa a neng a tshameka basketball le mabelo (track), a fiwa ditlotla tsa all-conference wide receive ka ngwaga wa 1956 le 1957.
Tiro ya Kgwele[fetola | Fetola Motswedi]
Taylor lantlha o tshamekile metshameko e robabobedi e le motshameka morago (linebacker) mo setlhopheng sa Chicago Bears sa National Football League pele fa a fudugela kwa setlhopheng sa Denver Broncos sa AFL mo setlheng sa 1960. Kwa setlhopheng sa Broncos, o ne a fetola maemo a tshameka ele moamogedi wa ditlhago (receiver). O ne a nna motshameki wa boraro gotlhegotlhe mo dikamogeding (receptions) a amogela di le 543 le kamogelo ya dikgato di le 6, 872 kwa setlhopheng sa Denver Broncos, Taylor e ne e le motshameki wa tlhwatlhwa (MVP) wa setlhopha sa Broncos ka dingwaga tsa 1963, 1964, le 1965, le go nna AFL All-Star ka dingwaga tsa 1961, 1962, le 1965. Motshameki wa tshimologo wa Broncos, Taylor o ne e le karolo ya setlhopha seo sa ntlha go tsena mo Ring of Fame ka ngwaga wa 1984. Ene le Lance Alworth, Charlie Hennigan le Sid Blanks, ba kgaogana palo ya dikamogedi tse ba di dirileng mo motshamekong o le mongwe tse 13, ba dira jalo kgatlhanong le Oakland Raiders ka kgwedi ya Ngwanatsele e tlhola malatsi a le masome a mabedi le boferabobedi ka ngwaga wa 1964.
Taylor e ne ya nna moamogedi wa ditlhago wa ntlha go kapa ditlhago di le lekgolo mo setlheng se le sengwe, a dira jalo mo metshamekong e le lesome le bone fela (1961). O ne a nna le ditlha tse nne tse mo go tsone a neng a dira dikamogedi tsa dikgato di feta sekete, o ne a kapa ditlhago dile 84.7 ngwaga le ngwaga go tswa ka ngwaga wa 1960 go ya kwa go wa 1965, nako e o e ne e le palo-gotlhe e e kwa godimo mo ngwageng tse thataro mo ditsong tsa kgwele ya seAmerika. Go ema ka ngwaga wa 2017, dikgato tse 102.9 mo motshamekong ka 1960 di santse di eme e le rekote ya Broncos. Taylor o feditse tiro ya gagwe ya go tshameka kgwele kwa setlhopheng sa Houston Oilers ka ngwaga wa 1967 le 1968.
Mo nakong ya gagwe ya fa a tshameka (1960-1968), moeteledipele wa baamogedi ba ditlhago mo AFL o ne a phala wa NFL nako le nako fa e se fela ka ngwaga wa 1968.[2] Taylor e ne ele moamogedi wa ditlhago wa ntlha go kapa ditlhago dile masome a robabongwe mo setlheng se le sengwe, selo se e neng e le ene wa ntlha go se dira ga bedi. Ga gona moamogedi wa ditlhago ope yo ileng a etelela liki ka go dira dikamogedi tse masome a robabongwe mo ditlheng tse pedi tse di farologanyeng go fitlhelela Sterling Sharpe a dira jalo ka dingwaga tsa 1989, 1992, le 1993. Taylor o ne a le kwa setlhoeng go tswa ka ngwaga wa 1960 go ema ka wa 1965 mo go neng ga dira gore a nne le dikamogedi tsa ditlhago tse 508 go tswa mo dikgatong di le 6, 424 le ditouchdown di le 43. Mo nakong ene yeo, ka fa NFL, Bobby Mitchell o ne a kapile ditlhago di le 338 gotswa mo dikgatong di le 5, 571 le ditouchdown di le 43. fa go ya jalo, Mitchell o ne a fetsa a na le ditouchdown le dikgato tse di fetang tsa ga Taylor, mme a kapile ditlhago di le kwa tlase le dikgato a dirile tse dinnye mo motshamekong mongwe le mongwe go na le Taylor, mme a tsenngwa mo Pro Football Hall of fame, fa Taylor a ise a tsenngwe.[3][4]
Morago ga tiro ya gagwe ya go tshameka e wela, Taylor o ne a tsena mo tirong ya lebaka le le leele ele mokatisi. E ne ele mothusa-mokatisi wa ditlhopha tse pedi tsa Super Bowl championship tsa Pittsburgh Steelers mo dingwageng tsa bo 1970 le sa Los Angeles Rams.
Ka ngwaga wa 2022, ba Professional Football Researchers Association ba ne ba bitsa leina la ga taylor go tsenngwa mo PFRA Hall of Very Good Class ya 2022.[5]
Kitso-Tlaleletso[fetola | Fetola Motswedi]
Metswedi[fetola | Fetola Motswedi]
- ↑ NFL Career Receptions Leaders Through 1965 [1] Pro Football Reference Retrieved 14/10/2023
- ↑ NFL Receptions Year-by-Year Leaders. [2] Pro-Football-Reference.com. Retrieved 24/10/2023.
- ↑ Lionel Taylor Stats. [3] Pro-Football-Reference.com. Retrieved 24/10/2023.
- ↑ Bobby Mitchell Stats. [4] Pro-Football-Reference.com. Retrieved 24/10/2023.
- ↑ PFRA's Hall of Very Good Class of 2022 [5] Professional Football Researchers Association. Retrieved 24/10/2023.