Lori Harvey

Lori Harvey
Tsalo	(1997-01-13) January 13, 1997 Memphis, Tennessee, U.S.
Tiro	Model entrepreneur socialite
Dingwaga tsa a le mo tirong	2015–present
Masika	Steve Harvey(adoptive father)

Lori Harvey o tshotswe ka ngwaga wa 1997, Firikgong a le lesome le boraro. Ke mmabontle ebile ke mogwebi wa mo America. Ke ngwana wa ga Marjorie Harvey (o neng a dirisa sefane sa Bridges pele) le Steve Harvey. O ne a golagan le ba IMG Models Management agency kwa United States le Select Model Management kwa Europe. Ka ngwaga wa 2021, Harvey o ne a simolodisa kompone ya ditlolo tsa bomme ya SKN by LH.

O gatile mmabontle a emetse ba Dolce & Gabanna, a simolola matsholo le ba Burberry le Michael Kors. Mo nakong ya gompieno Harvey o bereka le ba IMG Models le WME.

Botshelo ja gagwe a santse a gola

Lori Harvey ke ngwana wa ga Marjorie Harvey (o ne a fana ka Bridges). Sechaba ga se itse rragwe o o mo tshotseng. Ka ngwaga wa 2007, mmagwe o ne a nyalwa ke rametlae Steve Harvey, o neng a tloga a mo amogela e le ngwana wa gagwe. O tsholetswe kwa Memphis kwa Tennessee, a golela kwa Atlanta kwa Georgia. Harvey o ne a gaisana mo mabelong a dipitse, ebile a na le keletso ya go gaisana kwa metshamekong ya di Olympic. O ne a tloga a ya go tsena sekolo kwa Florida pele ga a ikgogela morago ka ntlha ya kgobalo e e neng ya mo itsa go tswelela le tiro ya gagwe ya mabelo a dipitse.

Tiro

Ka ngwaga wa 2015, o ne a simolola tiro ya bommabontle, a bereka le LA Model Management agency ya kwa United States le Select Model Management kwa Europe. Harvey o gatile mmabontle a gatela Dolce & Gabbana ka diaparo tsa bone tsa selemo/dikgakologo ka ngwaga wa 2017; o tlhageletse mo matsholong a Dolce & Gabbana, Michael Kors, valentino, Pat McGrath's Beauty lab le Burberry. Ka ngwaga wa 2019, Harvey o ne a tlhagelela e le lantlha mo setshwantshong sa mmino sa pina ya "Motivation" ya moopedi Normani. O tlhageletse gape mo dipating tsa The Zine le Wonderland tsa Instagram.

Ka ngwaga wa 2021, o ne a simolodisa leinakgwebo la ditlolo le bidiwa SKN by LH. Ka ngwaga one oo, o ne a bereka le kompone ya Naked Wardrobe mo diaparong. ka Motsheganong ngwaga wa 2022, Harvey o ne a tsenya setshwantsho s mothsikinyego mo TikTok a tlhalosa ka go latlhegelwa ke mmele ga gagwe, mo go neng go akaretsa go ja dijo tsa di khalori di le sekete le makgolo a mabedi letsatsi le letsatsi pele ga Met GALA. Setshwantsho seo see ne sa kgalwa ke ba botsogo ba ba neng ba tsibosa ka borai jo bo ka nnang teng fa motho a tsaya karolo mo go jeng jalo. Ka Seetebosigo 2022, Kim Kardashian o ne a kgalwa morago ga go bolela gore o bula kompone ya ditlo e bidiwa SKKN by Kim, e badirisi ba Twitter ba neng ba dumela gore e tshwana thata le leina la kompone ya ga Harvey. Kgwedi e e latelang, go e ga begiwa gore Harvey o beile monwana konteraka le ba IMG Models le William Morris Endavour (WME).

Ka ngwaga wa 2023, Harvey o ne a tlhagelela mo sethswantshong sa motshikinyego sa pina ya ga Usher ya "Glu".

Botshelo jwa Gagwe

O na le botsalano le Jordyn Woods, Normani, Winnie Harlow le Ryan Destiny go ya ka Essence.

Tsa marato

Ka Firikgong ngwaga wa 2016, o ne a simolola go ratana le motshameki wa kgwele ya dinao Memphis Depay. Ba ne ba beeletsa go nyalana ka Seetebosigo ngwaga wa 2017, mme ba kgaogana ka 2018.

Morago ga go kgaogana le Depay, Harvey o ne a amana ka bokhutshwane le moopedi wa R&B Trey Songz. O ratane gape le Future, bobedi jo bo tlhomamisitse go ratana ga bone ka Firikgong 2020, ba kgaogana ka Phatwe ngwaga one oo. Future o ne a tloga a opela ka Harvey mo pineng ya Maybach ya ga 42 Dugg ka mafoko a a reng "Magic City, I'm the owner. Tell Steve Harvey, I don't want her".

Ka Ngwanatsele ngwaga wa 2020, Harvey o ne a simolola go ratana le modiragatsi Michael B. Jordan. Ka Morule 2021, Jordan o ne a tlhalosa gore o bone se lorato e leng sone mo puisanong le ba Hollywood Reporter. Ka Seetebosigo 2022, go ne ga bigiwa fa bobedi bo bo kgaogane.

Ka Firikgong 2023, Harvey o ne a tlhomamisa gore o ratana le modiragatsi Damson Idris.

Dikgang tsa molao

Ka Phalane 2019, Harvey o ne a tshwarelwa go tshaba mo kotsing ya koloi, go ya ka sepodisi sa Beverly Hills. Ka Firikgong 2020, mmueledi wa Los Angeles County District Attorney o ne a tlhomamisetsa People gore o tshwaretswe melato e le mebedi, wa ntlha ele go gana le go kganela lepodisi o mongwe e le wa go thula a bo a sia a senyeditse motho. Ka Morule 2020, go ne ga begiwa mo TMZ gore o amogetse molato mme a atlholelwa dingwaga tse pedi a beilwe leitho ke sepodisi.